¶ 1 BEA nae folofola a Jihova kia Mosese Alu kia Felo: he kuou fakafeka hono loto, moe loto o ene kau tamaioeiki, koeuhi keu fakaha a eku gaahi fakailoga ni i hono ao:

2 Bea koeuhi ke ke tala i he teliga o ho foha, moe fānau a ho foha, ae gaahi mea kuou fai i Ijibite, mo eku gaahi fakailoga, aia kuou fai i ho nau ao; koeuhi ke mou ilo ko au ko Jihova.

3 Bea nae alu a Mosese mo Elone kia Felo, o na behe kiate ia, Oku behe mai a Jihova koe Otua oe kakai Hebelu, E tuku afe hoo tae fakavaivai koe i hoku ao? tuku hoku kakai ke alu, koeuhi ke nau tauhi au.

4 Bea kabau te ke taofi ae tukuage o hoku kakai, vakai, teu omi ae faga hee ki ho fonua abogibogi:

5 Bea te nau ufiufi ae fuga oe fonua, bea e ikai faa mamata e ha toko taha ki he kelekele: bea te nau kai o oji hono toe oia nae hao, aia nae toe iate kimoutolu mei he uha‐maka, bea te nau kai ae akau kotoabe oku tubu i he goue kiate kimoutolu:

6 Bea te nau fakabito ho gaahi fale, moe gaahi fale o hoo kau tamaioeiki, moe gaahi fale oe kakai Ijibite kotoabe; aia nae ikai mamata ai a hoo gaahi tamai, be koe nau gaahi kui, talu ae aho naa nau i he fonua o a‘u ki he aho ni Bea nae tafoki ia o alu mei he ao o Felo.

7 Bea behe e he kau tamaioeiki a Felo kiate ia, E fefe‘i hono fuoloa moe kei iate kitautolu ae tagata ni koe tauhele? tuku ae kau tagata ke alu, koeuhi ke nau tauhi a Jihova ko ho nau Otua: oku teeki ai te ke ilo kuo auha a Ijibite?

8 Bea nae toe omi a Mosese mo Elone kia Felo: bea behe eia kiate kinaua, Alu o tauhi a Jihova ko ho mou Otua: ka kohai akinautolu e alu?

9 Bea behe e Mosese, Te mau alu moe mau fānau jii moe mau mātua, mo ho mau gaahi foha, mo ho mau gaahi ofefine, ae mau faga sibi moe mau faga manu lalahi: he oku tonu ke mau fai ha katoaga kia Jihova.

10 Bea behe eia kiate kinaua, Ke iate kimoutolu behe be a Jihova, o kabau teu tuku akimoutolu ke alu mo hoo mou fānau iki: vakai ki ai; he oku i ho mou ao ae kovi.

11 E ikai behe: ka e alu be akimoutolu oku tagata, bea tauhi a Jihova; he koia ne mou kole ki ai. Bea nae kabuji ai akinaua mei he ao o Felo.

¶ 12 Bea nae folofola a Jihova kia Mosese, Mafao atu ho nima ki he fonua ko Ijibite ki he faga hee, koeuhi ke nau alu hake ki he fonua ko Ijibite, o kai ae akau kotoabe oe fonua, io, aia kotoabe nae hao i he uha‐maka.

13 Bea nae mafao atu ae tokotoko o Mosese, ki he fonua ko Ijibite, bea nae omi e Jihova ae matagi hahake ki he fonua i he aho koia, bea moe bo kotoa koia; bea kuo bogibogi ai, nae omi e he matagi hahake ae faga hee.

14 Bea nae alu hake ae faga hee ki he botu fonua kotoabe o Ijibite, o tuu i he gaahi botu kotoabe o Ijibite; koe mea fakamamahi aubito: nae ikai ha faga hee behe i mu‘a, bea e ikai ha toe hee behe amui.

15 He naa nau ufiufi ae fuga fonua kotoabe, koia nae fakabouli ai ae fonua: bea nae kai ae akau kotoabe oe fonua, moe fua kotoabe oe gaahi akau nae toe i he uha‐maka: bea nae ikai ha mea mata e toe i he gaahi akau be i he gaahi louakau oe goue, i he fonua kotoabe o Ijibite.

¶ 16 Bea nae fekau fakatootoo e Felo ke ha‘u a Mosese mo Elone; o ne behe, Kuou fai agahala kia Jihova, ko ho mou Otua, bea mo kimoua.

17 Bea koeni, oku ou kole kiate koe, fakamolemole eku agahala i he mea ni be taha, bea fakakolekole kia Jihova ko ho mou Otua, koeuhi ke ne ave be iate au ae mate ni.

18 Bea nae alu ia mei he ao o Felo, o hu kia Jihova.

19 Bea liliu e Jihova ae fuu matagi malohi mei luluga, aia naa ne ave ae faga hee, o li ia ki he tahi Kulokula; nae ikai ke toe ha hee e taha i he botu fonua kotoabe o Ijibite.

20 Ka nae fakafefeka e Jihova ae loto o Felo, bea nae ikai te ne tuku ae fānau a Isileli ke alu.

¶ 21 Bea nae fofofola a Jihova kia Mosese, Mafao hake ho nima ki lagi, koeuhi he hoko ai ae fakabouli ki he fonua kotoabe o Ijibite, io, ae bouli matolu.

22 Bea nae mafao hake hono nima e Mosese ki lagi; bea hoko ae bouli matolu i he fonua kotoabe o Ijibite i he aho e tolu:

23 Nae ikai te nau femataki akinautolu, bea nae ikai tuu hake ha toko taha mei hono botu i he aho e tolu: ka nae māmagia ae fānau a Isileli i ho nau gaahi nofoaga.

¶ 24 Bea nae ui e Felo kia Mosese, o ne behe, Mou alu, o tauhi a Jihova: kae tuku hoo mou faga sibi, moe faga manu lalahi; kae alu hoo mou gaahi fānau jii mo kimoutolu.

25 Bea nae behe e Mosese, Ka te ke tuku mai ae gaahi feilaulau foki moe gaahi feilaulau tutu, koeuhi ke mau feilaulau aki kia Jihova ko ho mau Otua.

26 E alu e mau faga manu mo kimautolu; e ikai tuku ki mui ha bejibeji be taha; koeuhi te mau too mei ai aia te mau tauhi aki a Jihova ko ho mau Otua: bea oku ikai te mau ilo bau, aia te mau tauhi aki a Jihova, kae oua ke mau hoko ki ai.

¶ 27 Ka nae fakafefeka e Jihova ae loto o Felo, bea nae ikai te ne tukuage akinautolu ke alu.

28 Bea talaage e Felo kiate ia, Alu koe iate au, vakai kiate koe, oua naa ke toe jio ki hoku mata; he koe aho koia te ke mamata ai ki hoku mata te ke mate.

29 Bea behe e Mosese, Kuo ke lea lelei, e ikai teu toe mamata ki ho mata.