¶ 1 BEA naa ne gaohi ae feilaulauaga oe feilaulau tutu, aki ae akau koe sitimi: koe haga e hogofulu a hono loloa, moe haga e hogofulu a hono maukubu; nae botubotu tatau ia; bea koe haga e ono a hono maoluga.

2 Bea naa ne gaohi hono gaahi nifo oia, i hono tuliki e fa; ko hono gaahi nifo, nae i he mea koia: bea naa ne aofi aki ia ae balasa.

3 Bea naa ne gaohi ae nāunāu kotoabe oe feilaulauaga, ae gaahi ibu, moe gaahi huo, moe gaahi ibu luoluo, moe gaahi huhu oe kakano, moe gaahi aiaga afi; ko hono gaahi mea kotoabe nae gaohi aki ae balasa.

4 Bea naa ne gaohi ki he feilaulauaga ae mea vagavaga balasa i lalo i hono gataaga ki lalo, o a‘u hifo ki hono lotolotoga o ia.

5 Bea ne haka ae kavei e fa ki he tuliki e fa oe mea vagavaga balasa ke ai ki ai ae ogo haamo.

6 Bea naa ne gaohi ae ogo haamo aki ae akau koe sitimi, bea aofi ia aki ae balasa.

7 Bea naa ne ai ae ogo akau ki he kavei i he botu e ua oe feilaulauaga, ke haamo aki ia: naa ne gaohi ae feilaulauaga aki ae laubaba ke luoluo i loto.

¶ 8 Bea naa ne gaohi ae sene aki ae balasa, mo hono tuuga o ia aki ae balasa, oe gaahi jioata ae kau fefine nae katoa fakafaahiga i he mataba oe fale fehikitaki oe kakai.

¶ 9 Bea naa ne gaohi hono lotoa: bea koe buibui tautau ki he botu toga o haga ki toga koe tubenu tuovalevale, koe haga e uageau:

10 Nae uofulu ho nau bou, bea uofulu mo ho nau tuuga balasa: koe gaahi tautauaga oe gaahi bou mo ho nau gaahi takai koe siliva:

11 Bea koe buibui tautau ki he botu tokelau, koe haga e uageau, nae uofulu ho nau gaahi bou, bea uofulu mo ho nau tuuga balasa; koe gaahi tautauaga oe gaahi bou mo ho nau gaahi takai koe siliva.

12 Bea koe buibui tautau ki he botu luluga koe haga e teau, bea hogofulu ho nau bou, bea hogofulu mo ho nau tuuga: koe gaahi tautauaga oe bou mo ho nau takai koe siliva.

13 Bea koe buibui oe botu ki he hoboagalaa koe haga e teau.

14 Koe mea tautau ki he botu e taha oe mataba koe haga e tolugofulu; bea tolu ho nau bou, bea tolu mo ho nau tuuga.

15 Bea ki hono botu e taha oe mataba oe lotoa, i he nima ni, moe nima na, nae i ai ae mea tautau koe haga e tolugofulu: bea tolu ho nau bou, bea tolu mo ho nau tuuga.

16 Koe gaahi buibui tautau kotoabe o takatakai i he lotoa nae gaohi aki ae tubenu tuovalevale.

17 Bea koe gaahi tuuga ki he gaahi bou koe balasa ia: koe gaahi tautauaga oe gaahi bou mo ho nau gaahi takai koe siliva ia: bea nae aofi aki ae gaahi ulu‘i bou ae siliva: bea takai aki ae siliva ae gaahi bou kotoabe oe lotoa.

18 Bea koe buibui tautau ki he mataba oe lotoa koe gaue ae tuitui, koe lanumoana, moe bauhiuhi, moe kulaahoaho, moe tubenu tuovalevale: bea koe haga e fagofulu hono loloa, bea ko hono maoluga fakamaukubu, koe haga e hogofulu, o fakatatau ki he gaahi buibui tautau oe lotoa.

19 Bea nae fa ho nau bou, bea fa ho nau tuuga balasa: koe siliva ho nau gaahi tautauaga, bea koe aofi o ho nau gaahi ulu‘i bou, mo ho nau gaahi takai, koe siliva.

20 Bea koe gaahi fa‘o kotoabe oe fale fehikitaki, moe lotoa takatakai, koe balasa ia.

¶ 21 Koeni hono lau oe mea oe fale fehikitaki, io, oe fale fehikitaki oe fuakava, o hage koia nae lau, o fakatatau ki he fekau a Mosese, ki he gaue ae kau Livai, i he nima o Itama, koe foha o Elone koe taulaeiki.

22 Bea ko Besalili koe foha. Uli koe foha o Hua, i he faahiga o Juta, naa ne gaohi ae mea kotoabe nae fekau e Jihova kia Mosese.

23 Bea nae iate ia a Aholiabi, koe foha o Ehisamaki, i he faahiga o Tani, koe tufuga tātā, koe tagata gaue fakabotoboto, bea boto ke fai teuga i he lanumoana, moe bauhiuhi, moe kulaahoaho, moe tubenu tuovalevale.

24 Koe koula kotoabe nae fakakau ki he gaue i he gaahi gaue kotoabe oe botu maonioni, io, ae koula nae atu, koe taleneti e uofulu ma hiva, moe sikeli e fitugeau, ma tolugofulu, o fakatatau ki he sikeli oe fale tabu.

25 Bea koe siliva o kinautolu nae lau i he kakai fakataha, koe taleneti e teau, moe sikeli e taha afe ma fitugeau, ma fitugofulu ma nima, o fakatatau ki he sikeli oe fale tabu:

26 Koe bika e taha ki he tagata kotoabe, aia koe vaeuaaga oe sikeli, o fakatatau ki he sikeli oe fale tabu, kiate kinautolu taki taha nae alu ke lau, nae uofulu ta‘u ene motua, o fai hake, ae kau tagata e toko ono kilu moe toko tolu afe, moe toko nimageau, moe toko nimagofulu.

27 Bea nae haka aki ae taleneti siliva e teau, ae gaahi tuuga bou oe fale tabu, bea moe gaahi tuuga oe mea buibui; koe tuuga e teau i he taleneti e teau, koe taleneti e taha ki he tuuga e taha.

28 Bea koe sikeli e taha afe ma fitugeau ma fitugofulu ma nima, naa ne gaohi aki ae gaahi tautauaga ki he gaahi bou, o ne aofi ae gaahi ulu‘i bou, o takai aki ia.

29 Bea koe balasa oe gaahi mea ofa koe taleneti e fitugofulu, moe sikeli e ua afe ma fageau.

30 Bea naa ne gaohi aki ia ae gaahi tuuga ki he mataba oe fale fehikitaki oe kakai, moe feilaulauaga balasa moe mea vagavaga balasa ki ai, mo hono gaahi nāunāu kotoabe oe feilaulauaga,

31 Bea moe gaahi tuuga oe lotoa takatakai, moe gaahi tuuga oe mataba oe lotoa, moe gaahi fa‘o kotoabe oe fale fehikitaki, moe gaahi fa‘o kotoabe oe lotoa o oji takatakai.