¶ 1 BEA te ke gaohi ae feilaulauaga ke tutu ai ae mea namu kakala: ke ke gaohi aki ia ae akau koe sitimi.

2 Koe haga e ua a hono loloa, moe haga e ua a hono maukubu; e tatau be hono botu e fa: bea koe haga e fa a hono maoluga: bea ko hono gaahi nifo e i he mea be koia.

3 Bea te ke aofi aki ia ae koula haohaoa, a hono fuga mo hono gaahi kaokao o takatakai ia, mo hono gaahi nifo; bea te ke gaohi ki ai ae tatā koula ke takatakai.

4 Bea te ke gaohi ki ai ae kave‘i koula e ua, i lalo i he tatā, o ofi ki hono tuliki e ua, ke ke gaohi ia ki hono faahi e ua: bea koe aiaga ia oe ogo akau ke haamo aki.

5 Bea te ke gaohi ae ogo haamo aki ae akau koe sitimi, bea aofi ia aki ae koula.

6 Bea te ke tuku ia i he tua buibui oku ofi ki he buha oe fuakava, i he ao oe nofoaga aloofa, aia oku i oluga i he fuakava, aia teu fakafetaulaki ai mo koe.

7 Bea e tutu i ai e Elone ae mea namu kakala i he bogibogi kotoabe: i he ene teu‘i ae gaahi māma te ne tutu ai ae mea namu kakala.

8 Bea ka tutu e Elone ae gaahi māma i he efiafi, bea e tutu eia ae mea namu kakala ki ai, koe mea namu kakala mau ai be ia i he ao o Jihova i ho mou gaahi toutagata kotoabe.

9 Oua te mou atu i ai ha mea namu kakala kehe, be ha feilaulau tutu, be ha feilaulau mea kai: bea oua naa mou liligi ki ai ha feilaulau inu.

10 Bea e fai e Elone o tuo taha i he ta‘u ae fakalelei i he gaahi nifo o ia aki ae toto oe feilaulau fakalelei ma ae agahala: tuo taha i he ta‘u te ne fai ae fakalelei i ai i ho mou gaahi toutagata koe mea tabu lahi ia kia Jihova.

¶ 11 Bea nae folofola a Jihova kia Mosese, o behe,

12 Oka ke ka lau ae fānau a Isileli, o fakatatau ki ho nau toko lahi, te nau toki atu kia Jihova e he tagata taki taha ha mea ke huhui aki hono laumalie, oka ke ka lau akinautolu: koeuhi ke oua naa hoko ha malaia kiate kinautolu, oka ke ka lau akinautolu.

13 Koeni ia te nau atu: koia kotoabe oku kau mo kinautolu kuo lau, e atu hono vaeuaaga oe sikeli o fakatatau ki he sikeli oe fale fehikitaki: (bea koe kela e uofulu ae sikeli,) ko hono vaeuaaga oe sikeli koe feilaulau ia kia Jihova.

14 Koia kotoabe oku kau mo kinau tolu kuo lau, mei he ta‘u e uofulu o ene motua o fai hake, te nau omi ha feilaulau kia Jihova.

15 E ikai atu ha mea lahi hake e he koloaia, bea oua naa atu ke jii hifo e he majiva i he vaeuaaga oe sikeli, oka nau ka atu ae mea ofa kia Jihova, ke fai aki ae fakalelei koeuhi ko ho nau laumalie.

16 Bea te ke too ae gaahi baaga fakalelei ae fānau a Isileli, o vahe ia ki he gaue oe fale fakatahaaga oe kakai: koeuhi ke hoko ia koe mea fakamanatu ki he fānau a Isileli i he ao o Jihova, ke fai aki ae fakalelei ki ho mou laumalie.

¶ 17 Bea nae folofola a Jihova kia Mosese, o behe:

18 Ke ke gaohi foki ae sene balasa bea balasa mo hono tuuga foki, ke fanofano ai: bea ke tuku ia i he vahaa oe fale fakatahaaga oe kakai moe feilaulauaga, bea ke ligi ki ai ae vai.

19 He ko Elone mo hono gaahi foha te nau fanofano ho nau nima mo kaukau ho nau va‘e i ai:

20 I he e nau hu ki he fale fakatahaaga oe kakai, te nau fanofano aki ae vai, telia naa nau mate; be i he e nau ha‘u o ofi ki he feilaulauaga ke gaue, ke tutu ae feilaulau kuo gaohi aki ae afi kia Jihova:

21 Koia te nau fanofano ho nau nima mo kaukau‘i ho nau va‘e, koeuhi ke oua naa nau mate: bea koe fekau mau ai be ia kiate kinautolu, io, kiate ia mo ene fānau i ho nau gaahi toutagata.

¶ 22 Bea nae folofola foki a Jihova kia Mosese, o behe,

23 Ke ke too foki kiate koe ae akau fugani nanamu, koe mula moonia,  koe sikeli e nimageau, moe sinamoni namu kakala, hono vaeuaaga e taha, io,  koe sikeli e uageau moe nimagofulu, moe kalamusi namu kakala  koe sikeli e uageau ma nimagofulu,

24 Bea moe kasia  koe sikeli e nimageau, o fakatatau ki he sikeli oe fale tabu, moe lolo olive koe hini e taha:

25 Bea te ke gaohi aki ia ae lolo tākai oku tabu, koe lolo tākai kuo hakaluku o fakatatau moe boto oe tufuga fai lolo lelei: koe lolo tākai tabu ia.

26 Bea ke tākai aki ia ae fale fakatahaaga oe kakai, moe buha oe fuakava,

27 Moe balebale mo hono gaahi nāunāu kotoabe, moe tuuga māma mo hono gaahi nāunāu, moe feilaulauaga oe mea namu kakala,

28 Moe feilaulauaga oe feilaulau tutu mo hono nāunāu kotoabe, moe sene mo hono tuuga.

29 Be te ke fakatabu‘i akinautolu ke nau maonioni lahi: koia fulibe e lave ki ai e maonioni ia.

30 Bea te ke tākai a Elone mo hono gaahi foha, o fakanofo akinautolu, koeuhi ke nau gaue kiate au i he gaue ae taulaeiki.

31 Bea ke lea ki he fānau a Isileli, o behe, Koe lolo tākai tabu eni kiate au i ho mou toutagata kotoabe.

32 Oua naa ligi ia ki he jino oe tagata, bea oua naa fai ha lolo ke hage koia hono gaohi; oku tabu ia, bea e maonioni ia kiate kimoutolu.

33 Koia e fai ha lolo hage koia, mo ia oku ne ai ia ki ha taha kehe, e motuhi ia mei hono kakai.

¶ 34 Bea nae folofola a Jihova kia Mosese, Too kiate koe ae gaahi akau nanamu, ae sitakiti, moe onika, moe kalibeno; koe gaahi akau nanamu ni moe laibeno moonia: ke mamafa tatau be kotoabe:

35 Bea ke gaohi ia koe mea tākai nanamu, o fefiofi o fakatatau ki he boto oe tufuga fai lolo, o natu fakataha ke lelei mo tabu.

36 Bea te ke tuki hono mea jii ke fakaikiiki, o ai ia i he ao oe fuakava i he fale fakatahaaga oe kakai, aia teu fakafetaulaki ai kiate koe: e iate kimoutolu ia koe  mea tabu lahi.

37 Bea koeuhi koe mea namu kakala te ke gaohi, oua naa mou gaohi maa moutolu o fakatatau mo hono gaohi o ia: e iate koe ia koe  mea tabu kia Jihova.

38 Koia e fai ke hage koia ke nanamu ki ai, e motuhi ia mei hono kakai.