¶ 1 BEA nae gaohi e Besalili ae buha aki ae akau koe sitimi: koe haga e nima hono loloa, moe haga e tolu hono maukubu, moe haga e tolu a hono maoluga:

2 Bea naa ne aofi aki ia ae koula haohaoa i loto mo tua, o ne gaohi ae tatā koula ki ai ke takatakai ia.

3 Bea naa ne haka ae kavei koula e fa ki ai, ki ai o ofi ki hono tuliki e fa: io, ae kavei e ua i hono faahi e taha, moe kavei e ua ki hono faahi e taha.

4 Bea naa ne gaohi ae akau e ua aki ae akau koe sitimi, o ne aofi aki ia ae koula.

5 Bea ne ai ae ogo akau ki he kavei i he ogo faahi oe buha, ke haamo aki.

¶ 6 Bea naa ne gaohi ae nofoaga aloofa aki ae koula haohaoa: koe haga e nima a hono loloa, moe haga e tolu a hono maukubu o ia.

7 Bea naa ne gaohi ae ogo jelubimi koula, o ne tuki akinaua mei he koga koula be taha, i hono botu e ua oe nofoaga aloofa.

8 Koe jelubi e taha i he botu i he faahi ni, moe jelubi e taha i hono botu e taha i he faahi e taha: naa ne gaohi ae ogo jelubimi i he nofoaga aloofa: i hono botu e ua o ia.

9 Bea nae mafola hake ki oluga hona kabakau e he ogo jelubimi, o na malu‘i aki hona kabakau ae nofoaga aloofa, bea nae fehagaki hona mata; io, nae haga ki he nofoaga aloofa ae mata oe ogo jelubimi.

¶ 10 Bea naa ne gaohi ae balebale aki ae akau koe sitimi: koe haga e fa a hono loloa, moe haga e ua hono maukubu o ia, moe haga e tolu a hono maoluga:

11 Bea ne aofi aki ia ae koula haohaoa, o ne gaohi ae tatā koula ke takatakai ia.

12 Bea naa ne gaohi foki ki ai ae taba ke takatakai ia koe nima e taha hono laulahi: o ne gaohi ae tatā koula ki he taba o ia ke takatakai.

13 Bea ne haka ae kavei koula e fa ki ai, o ai ae kavei ki hono tuliki e f aia nae i hono va‘e e fa.

14 Nae tuku tonu ki he taba ae gaahi kavei, koe aiaga oe ogo akau ke haamo aki ae balebale.

15 Bea ne gaohi ae ogo akau aki ae sitimi, bea nae aofi aki ia ae koula, ke haamo aki ae balebale.

16 Bea naa ne gaohi ae gaahi ibu i he balebale, ae gaahi ibu kai, moe gaahi ohu, mo hono gaahi ibu luoluo, moe gaahi mea ufiufi, ke ufiufi aki, aki ae koula haohaoa.

¶ 17 Bea naa ne gaohi ae tuuga māma aki ae koula haohaoa: o ne gaohi ae tuuga māma aki ae gaue tuki: a hono kau, mo hono basaga, mo hono gaahi ibu jii, mo hono gaahi teuga botoboto, mo hono gaahi fiji, nae i he mea be koia.

18 Moe basaga e ono nae tuu i hono botu e ua: koe basaga e tolu oe tuuga māma mei hono botu e taha, moe basaga e tolu oe tuuga māma mei hono botu e taha:

19 Koe ibu jii e tolu i he basaga e taha kuo gaohi o hage koe fua‘itelie, koe teuga botoboto moe fiji; bea koe ibu jii e tolu kuo gaohi o hage koe fua‘itelie i he basaga e taha, koe teuga botoboto moe fiji; bea ke behe be i he basaga e ono oku tuu i he tuuga māma.

20 Bea nae i he tuuga māma ae ibu jii e fa kuo gaohi o hage koe fua‘itelie, ko hono gaahi teuga botoboto mo hono gaahi fiji:

21 Koe teuga botoboto e taha i lalo oe basaga e ua, moe teuga botoboto e taha i lalo i he basaga e ua, moe teuga botoboto e taha i lalo i he basaga e ua, o fakatatau ki he basaga e ono oku tuu i ai.

22 Ko ho nau gaahi teuga botoboto mo ho nau gaahi basaga nae i he mea be koia: koe koga koula tuki be taha aia kotoabe.

23 Bea naa ne gaohi hono foi māma e fitu, mo hono gaahi helekojimāma, mo hono aiaga helekoji, aki ae koula haohaoa.

24 Koe taleneti koula be taha naa ne gaohi aki ia, mo hono gaahi ibu kotoabe.

¶ 25 Bea naa ne gaohi ae feilaulauaga mea namu kakala aki ae akau koe sitimi: ko hono loloa koe haga e ua, mo hono maukubu koe haga e ua; nae botubotu tatau be: bea koe haga e fa a hono maoluga; bea ko hono gaahi nifo nae i he mea be koia.

26 Bea naa ne aofi aki ia ae koula haohaoa, i hono fuga oia, mo hono gaahi botu o takatakai, mo hono gaahi nifo: bea naa ne gaohi foki ki ai ae tatā koula ke takatakai.

27 Bea naa ne gaohi hono kavei koula e ua i lalo i he tatā oia, o ofi ki hono tuliki e ua, ki hono botu e ua, ke velo ai ae ogo akau ke haamo aki.

28 Bea naa ne gaohi ae ogo haamo aki ae akau koe sitimi, bea nae aofi ia aki ae koula.

¶ 29 Bea naa ne gaohi ae lolo tākai tabu, moe mea namu lelei, aki ae gaahi akau nanamu, o tāu moe gaue ae  tagata fua vai.