¶ 1 BEA koe gaahi fono eni, aia ke ke tuku i ho nau ao.

2 Kabau te ke fakatau ha tamaioeiki koe Hebelu, koe ta‘u e ono te ne tauhi koe: bea i hono fitu e alu atu tauataina ia taetotogi.

3 Kabau nae ha‘u toko taha be, e alu kituaa toko taha be: kabau nae unoho, bea e alu hono unoho mo ia.

4 Kabau nae foaki ha unoho kiate ia e hono eiki, bea kuo ne fanau kiate ia ae fānau tagata be ae fānau fefine: koe unoho moe fānau e a hono eiki, bea te ne alu toko taha be ia.

5 Bea kabau e lea totonu ae tamaioeiki, o behe, Oku ou ofa ki hoku eiki, mo hoku unoho, mo eku fānau; e ikai teu alu ke tauataina au,

6 Bea e toki omi ia e hono eiki ki he kau fakamāu; bea e omi ia foki ki he mataba, be ki he bou oe mataba; bea e tui hono teliga e hono eiki ke aji aki ae hui; bea te ne tauhi ia o fai mau ai be.

¶ 7 Bea kabau e fakatau e ha tagata hono ofefine ke hoko koe kaunaga, e ikai alu kituaa ia o hage koe kau tamaioeiki.

8 Kabau oku ikai lelei ia i he ao o hono eiki, aia kuo ne fakanofo ia kiate ia, te ne toki tukuage ia ke huhui ia: oku ikai gofua ene fakatau ia ki ha kakai kehe, koeuhi kuo fai tae totonu ia kiate ia.

9 Bea kabau kuo ne fakanofo ia ki hono foha, bea te ne fai kiate ia o hage koe aga ae ofefine.

10 Kabau oku ne too kiate ia ae unoho e taha: e ikai jii te ne fakajiijii ene meakai, be koe kofu, moe gaue totonu ae unoho.

11 Bea kabau e ikai te ne fai ae mea ni e tolu kiate ia, bea e alu atu ia iate ia, e tauataina ia taetotogi.

¶ 12 Koia oku ne ta‘i ha tagata, bea mate ai ia, e tamate‘i mooni ia.

13 Bea kabau nae ikai lamaji ia e ha tagata, ka nae tukuage ia e he Otua ki hono nima; bea teu fakaha kiate koe ha botu ke hola ia ki ai.

14 Ka koeuhi kabau e ha‘u loto lahi ha tagata ki hono kaugaabi, ke tamate‘i ia i he agakovi; te ke ave ia mei hoku feilaulauaga koeuhi ke mate ia.

¶ 15 Bea koia oku ne ta‘i ene tamai, be ko ene fa‘e, koe mooni e tamate‘i ia.

¶ 16 Bea koia oku ne kaihaaji ha tagata, o fakatau ia, bea kabau oku ilo ia i hono nima, e tamate‘i mooni ia.

¶ 17 Bea koia oku ne kabe‘i ene tamai be ko ene fa‘e, e tamate‘i mooni ia.

¶ 18 Bea kabau e fekuki ae ogo tagata, bea ta‘i e he toko taha ae toko taha aki ae maka, be tuki aki hono nima, bea ikai mate kae toka ai:

19 Kabau e toe tuu hake o eveeva itua mo hono tokotoko, bea e toki hao ai aia naa ne ta‘i ia: ka e totogi ia ki hono gaahi aho kuo liaki, bea te ne totogi hono fakamoui ke haohaoa.

¶ 20 Kabau e ta‘i e ha tagata ene tamaioeiki, be ko ene kaunaga aki ha vaa akau, bea mate ai ia i hono nima; koe mooni e tautea ia.

21 Ka koeuhi kabau e moui la i he aho e taha, be ua, e ikai tautea ia, he ko ene koloa ia.

¶ 22 Kabau oku fekuki ae ogo tagata, bea lavea ai ha fefine feitama, bea to ai ene tama, bea gata ai hono kovi: e tautea mooni ai ae tagata, o hage koia e lea ki ai ae unoho oe fefine: bea e totogi ia o hage koe lea ae kau fakamāu.

23 Bea kabau e tubu ai ae kovi, ke ke atu ae moui ke totogi ae moui.

24 Koe mata ki he mata, koe nifo ki he nifo, koe nima ki he nima, koe va‘e ki he va‘e,

25 Koe tutu ki he tutu, koe lavea ki he lavea, moe ta ki he ta.

¶ 26 Bea kabau e ta‘i e ha tagata ae mata o ene tamaioeiki be koe mata o ene kaunaga, bea kui ai; bea e tukuage ia ke alu ataatā, koeuhi ko hono mata.

27 Bea kabau te ne ta‘i ene tamaioeiki, bea mokulu ai ae nifo, be koe nifo o ene kaunaga; te ne tukuage ia ke alu tauataina koeuhi koe nifo.

¶ 28 Kabau e tui‘i e ha bulu ha tagata be ha fefine, bea mate ai ia: e tologaki ae bulu aki ae maka ke mate, bea e ikai kai hono jino: bea e ataatā aia oku aana ae bulu.

29 Bea kabau nae faa tui e he bulu aki hono nifo, i he gaahi aho nae hili, bea nae tala ia kiate ia oku aana, bea nae ikai te ne nootaki ia, ka kuo ne tamate‘i ha tagata, be ha fefine; e tologaki ae bulu aki ae maka ke mate ia, bea e tamate‘i mo ia oku aana.

30 Bea kabau e lau baaga kiate ia mo ono huhui, bea te ne atu aia kotoabe oku tala kiate ia.

31 Kabau kuo ne tui‘i ha foha be ha ofefine, e fai kiate ia o fakatatau ki ha fakamāu ni.

32 Kabau e tui‘i e he bulu ha tamaioeiki be ha kaunaga; e atu eia ki he e na eiki ae sikeli siliva e tolugofulu, bea e tologaki ae bulu aki ae maka ke mate.

¶ 33 Bea kabau e tagaki e ha tagata ha luo, be kabau e keli e ha tagata ha luo, bea ikai ufiufi ia, bea to ki ai ha bulu, be ha asi;

34 Koia oku aana ae luo te ne totogi ia, o atu ae gaahi baaga kiate ia oku aana ae manu; ka e aana ae manu mate.

¶ 35 Bea kabau e tui‘i e ha bulu ae tagata e toko taha ae bulu ae tagata kehe, bea mate ai ia; te na toki fakatau ae bulu moui, o vaeua ae totogi; bea te na vaeua moe bulu mate.

36 Bea kabau e ilo, nae faa tui e he bulu i mu‘a, bea nae ikai nootaki ia e he ene eiki; koe mooni te ne totogi ae bulu aki ae bulu; bea e aana ae bulu mate.