¶ 1 BEA nae toki gaue a Besalili mo Aholiabi, moe tagata loto boto kotoabe, aia nae ai ki ai e Jihova ae boto moe iloaga, ke nau ilo ke gaohi ae gaahi gaue kehekehe kotoabe ki he gaue oe fale tabu, o fakatatau ki he mea kotoabe nae fekau ki ai e Jihova.

2 Bea nae ui e Mosese a Besalili, mo Aholiabi, moe tagata loto boto kotoabe, aia kuo tuku ki hono loto e Jihova ae boto, io, aia kotoabe kuo laga‘i ia e hono loto ke ha‘u ki he gaue ke fai ia:

3 Bea naa nau ma‘u ia Mosese ae mea ofa kotoabe, aia nae omi e he fānau a Isileli ki he gaue oe fale tabu, mo hono gaohi. Bea naa nau kei omi kiate ia ae mea ofa i he bogibogi kotoabe.

¶ 4 Bea nae ha‘u ae kau tagata kotoabe, nae fai ae gaahi gaue kotoabe oe fale tabu, o ha‘u taki taha ae tagata mei he gaue naa ne fai;

5 Bea naa nau lea kia Mosese, o behe, Oku omi e he kakai ae mea oku lahi hake noabe ki he gaue oku fai ni, aia nae fekau e Jihova ke gaohi.

6 Bea nae fekau e Mosese, bea naa nau fekau ke fanogonogo ki he botu kotoabe oe abitaga, o behe, Ke oua naa kei fai ha teuteu meaofa e ha tagata be ha fefine ki he fale tabu. Koia nae taofi ai ae kakai i he fetuku.

7 He koe mea kuo nau ma‘u, nae lahi ia ki he gaue kotoabe ke gaohi, bea nae toe.

¶ 8 Bea koe tagata loto boto kotoabe iate kinautolu naa nau fai ae gaue oe fale fehikitaki, naa nau gaohi ae buibui e hogofulu oe tubenu tuovalevale, moe lanumoana, moe bauhiuhi, moe kulaahoaho: naa ne gaohi aki ia ae gaahi jelubimi oe gaue fakabotoboto.

9 Ko hono loloa oe buibui e taha koe haga e nimagofulu ma ono, bea ko hono laulahi oe buibui e taha koe haga e valu: bea nae fua tatau be ae buibui kotoabe.

10 Bea ne fakamau ke fakataha ae buibui e nima: bea ko hono buibui e nima oku toe naa ne takamau ke fakataha.

11 Bea ne gaohi ae gaahi kavei lanumoana, i he kaba oe buibui e taha mei he hokoaga i he fakamauaga: bea nae fai behe i he kaba kitua oe buibui e taha, i he hokoaga o hono ua.

12 Naa ne gaohi ae kavei e nimagofulu i he buibui e taha moe kavei e nimagofulu i he kaba oe buibui, aia nae i he hokoaga o hono ua: nae fakamau aki ae kavei ae buibui e taha ki he taha.

13 Bea naa ne gaohi ae fakamau koula e nimagofulu, o ne fakahoko aki ae fakamau ae buibui e taha ki he taha: bea nae hoko ia koe fale fehikitaki be taha.

¶ 14 Bea naa ne gaohi ae gaahi buibui fulufulu‘i koji ke aofi aki ae fale fehikitaki: naa ne gaohi ae buibui a hogofulu ma taha.

15 Ko hono loloa oe buibui e taha koe haga e onogofulu, mo hono lau lahi oe buibui be taha koe haga e valu: nae fua tatau be ae buibui e hogofulu ma taha.

16 Bea naa ne fakamau ae buibui e nima ke taha be, moe buibui e ono ke taha be.

17 Bea ne gaohi ae kavei e nimagofulu ki he kaba i oluga oe buibui i he hokoaga, mo ne gaohi ae kavei e nimagofulu ki he kaba oe buibui aia oku ne hoko ki hono ua.

18 Bea ne gaohi ae fakamau balasa e nimagofulu ke fakamau fakataha ae faletubenu ke taha be ia.

19 Bea ne gaohi ae mea fakabuloga ki he fale fehikitaki aki ae gaahi kili oe sibi tagata tukukula, moe mea fakabuloga e taha i oluga i ai, koe kili oe bajia.

¶ 20 Bea ne gaohi ae gaahi laubaba ki he fale fehikitaki aki ae akau koe sitimi ke tuu tonu.

21 Ko hono loloa oe laubaba e taha koe haga e uofulu, mo hono lau lahi oe laubaba e taha koe haga e tolu.

22 Nae ua hono mui ki he laubaba e taha, bea tatau be hono mamao oe taha ki he taha: bea naa ne fai behe be ki he gaahi laubaba kotoabe oe fale fehikitaki.

23 Bea naa ne gaohi ae gaahi laubaba ki he fale fehikitaki; koe laubaba e uofulu ki he faahi ki toga ke haga ki toga;

24 Bea ne gaohi ae tuuga siliva e fagofulu i lalo i he laubaba e uofulu; koe tuuga e ua i lalo i he laubaba e taha ki hono mui e ua, moe tuuga e ua i lalo he laubaba e taha ki hono mui e ua.

25 Bea ko hono faahi e taha oe fale fehikitaki, aia oku haga ki he tuliki fakatokelau, naa ne gaohi ki ai ae laubaba e uofulu,

26 Mo ho nau tuuga siliva e fagofulu koe tuuga e ua i lalo i he laubaba e taha, moe tuuga e ua i lalo i he laubaba e taha.

27 Bea ne gaohi ae laubaba e ono ki he botu luluga oe fale fehikitaki.

28 Bea ne gaohi ae laubaba e ua ki he tuliki oe fale fehikitaki i hono faahi e ua.

29 Bea nae fakamau ia ki lalo, bea fakamau ke fakataha ia i he ulu o ia, ki he kavei be taha: bea fai behe be eia ki ai i he tuliki e ua.

30 Bea nae i ai ae laubaba e valu; bea ko ho nau tuuga koe tuuga siliva e hogofulu ma ono, nae ua ae tuuga i lalo oe laubaba kotoabe.

¶ 31 Bea naa ne gaohi ae gaahi akau fakamau oe sitimi; koe nima ki he gaahi laubaba i he faahi e taha oe fale fehikitaki,

32 Moe akau fakamau e nima ki he gaahi laubaba oe faahi e taha oe fale fehikitaki, bea moe akau fakamau e nima ki he gaahi laubaba i he botu luluga oe fale fehikitaki.

33 Bea naa ne gaohi ae akau fakamau i loto ke velo i he laubaba kotoabe mei he botu e taha o a‘u atu ki he botu e taha.

34 Bea naa ne aofi aki ae koula ae gaahi laubaba kotoabe, o gaohi ho nau gaahi kave‘i koe koula, ke velo ai ae akau fakamau, bea ne aofi ae gaahi akau fakamau aki ae koula.

¶ 35 Bea naa ne gaohi ae buibui aki ae lanumoana, moe bauhiuhi, moe kulaahoaho, moe tubenu tuovalevale: bea nae ai ki ai ae gaahi jelubimi i he gaue fakabotoboto.

36 Bea naa ne gaohi ki ai ae bou e fa oe akau koe sitimi, o ne aofi ia aki ae koula: koe koula hono tautauaga; bea naa ne haka ki ai ae tuuga siliva e fa.

¶ 37 Bea naa ne gaohi ae mea tautau ki he mataba oe fale fehikitaki aki ae lanumoana, moe bauhiuhi, moe kulaahoaho, moe tubenu tuovalevale, oe gaue tuitui;

38 Mo hono bou e nima o ia, mo e gaahi tautauaga: bea naa ne aofi ho nau ulu‘i bou, mo ho nau gaahi takai aki ae koula: ka ko ho nau tuuga e nima koe balasa ia.