¶ 1 BEA nae folofola a Jihova kia Mosese, Oku toe taha be ae tautea teu omi kia Felo mo Ijibite; hili ia, te ne tuku ke mou alu i heni: bea ka fekau ia ke mou alu, koe mooni te ne kabuji akimoutolu ke alu kotoabe i heni.

2 Ke ke lea i he teliga oe kakai, bea tuku ke nau kole taki taha ae tagata i hono kaugaabi, moe fefine kotoabe i hono kaugaabi, ao gaahi teuga siliva, moe teuga koula.

3 Bea nae fakaoteina e Jihova ae kakai i he ao oe kakai Ijibite. Kae mu‘a hake foki, nae ogoogo lahi aubito ae tagata ko Mosese i he fonua ko Ijibite, i he ao oe kau tamaioeiki a Felo, bea moe ao oe kakai.

4 Bea behe e Mosese, Oku behe mai a Jihova, E feouga moe tuuabo teu alu atu ki he lotolotoga o Ijibite:

5 Bea e mate ae uluaki fanau kotoabe i he fonua ko Ijibite, mei he uluaki fanau a Felo oku nofo i hono nofoaga, o a‘u ki he uluaki fanau ae kaunaga oku muimui i he mea momoji; bea moe uluaki fanau kotoabe oe faga manu.

6 Bea e ai ae tagi lahi i he gaahi botu kotoabe oe fonua ko Ijibite, aia nae ikai hano tatau i mu‘a, bea e ikai toe ai ha mea behe.

7 Ka koe fānau a Isileli, e ikai ha kuli e taha ke ne ue‘i hono elelo ki ai, ki ha tagata be ki ha manu: koeuhi ke mou ilo kuo fai kehekehe e Jihova ki he kakai Ijibite moe kakai Isileli.

8 Bea ko kinautolu ni ko hoo kau tamaioeiki kotoabe, te nau alu hifo kiate au, o nau bunou hifo akinautolu kiate au, o behe, Ke ke alu koe, bea moe kakai kotoabe oku muimui iate koe; bea hili ia, teu alu ki tuaa. Bea nae alu ia kituaa mei a Felo oku ita lahi.

9 Bea nae folofola a Jihova kia Mosese, E ikai tokaga a Felo kiate kimoua: koeuhi ke fakalahi ai eku gaahi mea mana i he fonua ko Ijibite.

10 Bea nae fai e Mosese mo Elone ae gaahi mana ni kotoabe i he ao o Felo: bea nae fakafefeka e Jihova ae loto o Felo, koia nae ikai te ne tukuage ae fānau a Isileli ke alu mei hono fonua.