¶ 1 BEA nae folofola a Jihova kia Mosese mo Elone i he fonua ko Ijibite, o behe,

2 Koe mahina ni e iate kimoutolu koe kāmataga oe gaahi mahina: e iate kimoutolu ia koe uluaki mahina i he ta‘u.

¶ 3 Mo lea ki he kakai fakataha kotoabe o Isileli, o behe, I hono hogofulu oe aho oe mahina ni, te nau too kiate kinautolu taki taha e he tagata ha lami, o fakatatau ki he fale oe gaahi tamai, koe lami ki he fale:

4 Bea kabau oku toko jii ae kau nofoaga ki ha lami, ke too ia eia mo hono kaugaabi oku na fale vaofi o fakatatau ki hono lau oe kakai; koe tagata kotoabe e kau ia o fakatatau mo ene kai i ho mou lau ki he lami.

5 E haohaoa a hoo mou lami tae hano mele, koe manu tagata i hono uluaki ta‘u: te mou too ia mei he faga sibi, be mei he faga koji.

6 Bea te mou talitalifaki aki ia o a‘u ki hono hogofulu ma fa oe aho oe mahina koia: bea e tamate‘i ia e he fakataha kotoabe ae fānau a Isileli i he efiafi bouli.

7 Bea te nau ave a hono toto o vali aki ia ae bou e ua, moe akau fakalava i he ulu mataba oe gaahi fale oku nau kai ai ia.

8 Bea te nau kai hono kakano i he bo koia, kuo tunu aki ae afi, moe ma tae fakalevani; te nau kai ia moe gaahi louakau kona.

9 Oua naa kai ota ia, be haka i he vai, ka koe tunu be aki ae afi: ko hono ulu, moe kau va‘e, mo hono tootooga.

10 Bea oua naa fakatoe hano botu ki he abogibogi; bea koia oku toe ki he abogibogi te mou tutu aki ae afi.

¶ 11 Bea te mou kai behe ia; kuo nonoo ho mou vala, kuo ai ho mou tobuva‘e i ho mou va‘e, mo ho mou tokotoko i ho mou nima; bea te mou kai fakatootoo ia; koe Laka‐atu ia a Jihova.

12 He teu alu o aji i he fonua o Ijibite he bo ni, bea teu ta‘i ae uluaki fanau kotoabe i he fonua ko Ijibite, ae tagata moe manu; bea koe gaahi otua o Ijibite teu fai eku fakaauha ki ai: Ko au ko Jihova.

13 Bea koe toto, e hoko koe takailoga ia kiate kimoutolu i he gaahi fale oku mou i ai: o kau ka mamata ki he toto, teu laka atu iate kimoutolu, bea e ikai ha fakaauha kiate kimoutolu ke mou mate ai, o kau ka ta‘i ae fonua ko Ijibite.

14 Bea koe aho ni e iate kimoutolu ke fakamanatu: bea te mou tauhi ia o fai ae katoaga kia Jihova i ho mou gaahi toutagata tuku fakaholo: te mou tauhi ia koe katoaga i he tuutuuni taegata.

15 Koe aho e fitu te mou kai ma tae fakalevani; io, i hono uluaki aho te mou tukuage ae levani mei ho mou gaahi fale: he koia oku kai ha ma kuo fakalevani mei he uluaki aho o a‘u ki hono fitu oe aho, e motuhi ia mei Isileli.

16 Bea e fai i he uluaki aho ae fakataha maonioni, bea e fai ekimoutolu i hono fitu oe aho ae fakataha maonioni: e ikai ha gaue e taha e fai i ai, ka koeuhi koe kai e he tagata kotoabe, koia be e gofua ke fai.

17 Bea te mou tokaga ki he katoaga oe ma tae fakalevani; koeuhi i he aho totonu koeni, kuou omi ai ho mou gaahi kau tau mei he fonua ko Ijibite: koia te mou fakailoga ai ae aho ni i ho mou toutagata kotoabe i he tuutuuni taegata.

¶ 18 I he uluaki mahina, i hono hogofulu ma fa oe aho oe mahina, i he efiafi, te mou kai ae ma tae fakalevani, o a‘u ki hono uofulu ma taha oe aho oe mahina i he efiafi.

19 I he aho e fitu e ikai ilo ha levani i ho mou gaahi fale; he koia oku kai aia kuo fakalevani, e motuhi ia mei he fakataha o Isileli, be ko ha muli ia, be ko ha tubu i he fonua.

20 E ikai te mou kai ha mea kuo i ai ae levani; i ho mou gaahi nofoaga kotoabe te mou kai ma tae fakalevani.

¶ 21 Bea nae toki fekau e Mosese ke ha‘u ae kau mātua kotoabe o Isileli, o ne behe kiate kinautolu, Vahe‘i o too kiate kimoutolu ae lami o fakatatau ki ho mou gaahi kau nofoaga o tamate‘i ae Laka‐atu.

22 Bea te mou too ae u isobe o unu ia ki he toto oku i he ibu, o vali ae botu fakalava moe bou e ua oe mataba aki ae toto aia oku i he ibu; bea e ikai alu ha toko taha i he mataba o hono fale ki tuaa kae oua ke bogibogi hake.

23 Koeuhi e haele atu a Jihova ke ta‘i ae kakai Ijibite: bea ka afio ia ki he toto i he botu fakalava moe bou e ua, e laka atu a Jihova i he mataba, bea e ikai te ne tuku ae fakaauha ke hu ki ho mou fale ke ta‘i akimoutolu.

24 Bea te mou tokaga mau ki he mea ni, koe fekau kiate koe mo ho gaahi foha o taegata.

25 Bea e behe, oka mou ka hoko atu ki he fonua aia e foaki e Jihova kiate kimoutolu, o hage ko ene talaofa, te mou fai ae gaue ni.

26 Bea e hoko o behe, oka fehui hoo mou fānau kiate kimoutolu, Koeha hono uhiga oe gaue ni?

27 Te mou behe. Koe feilaulau ia oe Laka‐atu a Jihova, aia naa ne laka atu i he gaahi fale oe fānau a Isileli i Ijibite, i he ene ta‘i ae kakai Ijibite, o ne fakamoui ho mau fale. Bea nae fakabunou hifo ho nau ulu e he kakai o hu.

28 Bea nae alu ae fānau a Isileli, o fai o hage koe fekau a Jihova kia Mosese mo Elone, nae behe e nau fai.

¶ 29 Bea nae hoko o behe, i he ene tuuabo, nae ta‘i e Jihova ae uluaki fanau kotoabe i he fonua ko Ijibite, mei he uluaki fanau a Felo nae nofo i he nofoaga fakatu‘i o a‘u ki he uluaki fanau ae bobula i he fale fakabobula; bea moe uluaki tubu kotoabe oe faga manu.

30 Bea nae tuu hake a Felo i he bo, aia mo ene kau tamaioeiki kotoabe, moe kakai Ijibite kotoabe; bea nae ai ae tagi lahi i Ijibite: he nae ikai hala ha fale i he tae i ai ha taha kuo mate.

¶ 31 Bea nae fekau eia i he bouli ke ha‘u a Mosese mo Elone, o ne behe, Tuu hake bea mou alu atu mei hoku kakai, akimoua bea moe fānau a Isileli: bea mou alu o tauhi a Jihova, o hage ko hoo mou lea.

32 Ave mo hoo mou gaahi faga sibi, mo hoo mou faga manu, o hage ko hoo mou tala, bea mou alu; bea mou tabuaki foki au.

33 Bea nae fai malohi e he kakai Ijibite ki he kakai, koeuhi ke nau tukuage fakatootoo akinautolu ke alu mei he fonua; he naa nau behe, Kuo tau mate kotoabe.

34 Bea nae too e nau ma e he kakai i he heeki ai ae levani; moe nau gaahi natuaga ma, kuo ha‘i fakataha moe nau gaahi kofu ki ho nau uma.

35 Bea nae fai e he fānau a Isileli o fakatatau ki he lea a Mosese; naa nau kole mei he kakai Ijibite ae gaahi teuga siliva, moe teuga koula, moe gaahi kofu;

36 Bea nae fakaofeina e Jihova ae kakai i he ao oe kakai Ijibite, koia naa nau tuku ai kiate kinautolu ae gaahi mea. Bea naa nau fakamajiva‘i ae kakai Ijibite.

¶ 37 Bea fonoga ai ae fānau a Isileli mei Lamisisi ki Sukote, koe kau tagata haele, koe toko ono kilu nai, kae umaa ae fānau.

38 Bea nae alu mo kinautolu ae gaahi kakai kehe toko lahi: moe gaahi faga sibi moe faga manu, ae fuu faga manu lahi.

39 Bea naa nau ta‘o ae gaahi foi ma tae ha levani, i he ma naa nau omi mei Ijibite, he nae ikai ai ae levani; koeuhi nae kabuji akinautolu mei Ijibite, bea nae ikai  te nau faa tatali, bea nae teeki te nau teuteu haa nau meakai.

¶ 40 Bea koe nofo aunofo ae fānau a Isileli, aia nae nofo i Ijibite, koe ta‘u e fageau ma tolugofolu.

41 Bea hili ae ta‘u e fageau ma tolugofulu, bea hoko o behe, io, nae hoko i he aho be koia, ae alu ai ae gaahi kau tau a Jihova mei he fonua ko Ijibite.

42 Koe bo koia ke tokaga lahi ki ai maa Jihova koeuhi ko ene omi akinautolu mei he fonua ko Ijibite: koe bo eni ia o Jihova ke fakamanatu ki ai e he fānau a Isileli, i ho nau toutagata kotoabe.

¶ 43 Bea nae folofola a Jihova kia Mosese mo Elone, Ko eni ae tuutuuni oe Laka‐atu: E ikai kai ia e ha muli:

44 Ka koe tamaioeiki ae tagata kotoabe kuo fakatau aki ae baaga, hili hao kamu ia, e toki kai ia eia.

45 E ikai kai ia e ha muli, be ha tamaioeiki gaue totogi.

46 E kai ia i he fale be taha: oua naa ke ave kituaa mei he fale ha koga jii oe kakano; bea oua naa mou fejii hano hui.

47 E fai ia e he fakataha kotoabe o Isileli.

48 Bea ka aunofo ha muli kiate koe, bea loto ia ke fai ae laka‐atu kia Jihova, tuku ke kamu ene kakai tagata kotoabe, bea e toki gofua ke ha‘u ia o fai: bea e tatau ia mo ha toko taha nae tubu i he fonua: e ikai kai ia e ha toko taha oku tae kamu.

49 E ai ae fono be taha kiate ia oku tubu i he fonua, bea ki he muli oku aunofo iate kimoutolu.

50 Bea nae fai behe e he fānau kotoabe a Isileli; o hage koe fekau a Jihova kia Mosese mo Elone, nae behe e nau fai.

51 Bea nae hoko i he bo be koia, ae omi e Jihova ae fānau e Isileli kituaa mei he fonua ko Ijibite i ho nau gaahi kogakau.