¶ 1 BEA nae toki hiva e Mosese moe fānau a Isileli ae hiva ni kia Jihova, o nau behe, Teu hiva kia Jihova, he kuo ne ikuna fakamanavahe: koe hose mo ia oku heka ai kuo ne li ki loto tahi.

2 Ko hoku malohi mo eku hiva a Jihova, bea kuo hoko ia ko hoku fakamoui: ho hoku Otua ia, bea teu teuteu moona ae fale nofoaga; koe Otua ia o eku tamai, bea teu fakahikihiki ia.

3 Oku toa a Jihova i he tau: ko Jihova hono huafa.

4 Koe gaahi jaliote a Felo mo ene kau tau kuo ne li ki tahi: ko ene gaahi eiki tau ogoogo kuo ne lomaki‘i foki i he tahi Kulokula.

5 Kuo ufiufi akinautolu e he loloto: naa nau galo hifo ki he kiliji tahi o hage koe foi maka.

6 Ko ho nima toomatau e Jihova kuo ogoogolelei lahi i he malohi; ko ho nima toomatau e Jihova kuo ne laiki ke ikiiki ae fili.

7 Bea i hono lahi o hoo mafimafi kuo ke fulihi akinautolu nae tuu hake kiate koe: naa ke fekau atu ho houhau, aia naa ne fakaauha akinautolu o hage koe veve.

8 Bea i he manava malohi o hoo fofoga, nae tanaki fakataha ai ae gaahi vai, nae tuu totonu ae gaahi vai o hage ha eji, bea nae mohe ae loloto i loto tahi.

9 Nae behe e he fili, Teu tuli, teu lava‘i, teu vahevahe ae koloa oe vete; e makona eku holi kiate kinautolu; teu unuhi hake eku heleta, e fakaauha e hoku nima akinautolu.

10 Naa ke ifi aki hoo matagi, bea nae ufiufi akinautolu e he tahi: naa nau galo hifo o hage koe ukamea i he loto moana.

11 E Jihova kohai i he gaahi otua, oku tatau moe afiona? kohai oku hage koe afiona, oku ke nāunāuia i he maonioni, oku ke fakamanavahe i he fakamalo, oku ke fai ae gaahi mea fakaofo?

12 Naa ke mafao atu ho nima toomatau, nae folo hifo akinautolu e he kelekele.

13 Nae tataki atu e he afiona i hoo aloofa ae kakai aia naa ke huhu‘i: kuo ke fakahinohino akinautolu i hoo mafimafi ki ho afioaga maonioni.

14 E fanogo ae kakai, bea manavahe: e bukea i he mamahi ae kakai o Filisitia.

15 E ofo ai ae gaahi eiki o Itomi; e bukea i he tetetete ae kau tagata malohi o Moabe; e fakaaau ke oji ai ae kakai kotoabe o Kenani.

16 E to ae manavahe moe ilifia kiate kinautolu: i hono lahi o ho nima te nau logo mate be o hage ha maka: kae oua ke hoko atu ho kakai, E Jihova, ke oua ke hoko atu ae kakai, aia kuo ke fakatau:

17 Bea te ke omi akinautolu ki ai, o to akinautolu i he mouga o ho tofia, i he botu, e Jihova, aia kuo ke teu‘i ke ke afio ki ai, i he Botu tobutabu, E Eiki, aia kuo fokotuu mau e ho nima.

18 E bule a Jihova o lauikuoga bea taegata.

19 He nae alu ae hose a Felo mo ene gaahi jaliote, mo ene kau tagata heka hose ki tahi, bea nae toe omi e Jihova ae tahi kiate kinautolu; ka nae alu ae fānau a Isileli i he momoa i loto tahi.

¶ 20 Bea nae too e Miliame koe balofita fefine koe tuofefine o Elone, ae kihi lali kiii‘i manu i hono nima; bea nae muimui iate ia ae kau fefine kotoabe moe nau gaahi lali moe mee.

21 Bea nae talia akinautolu e Miliame, o behe, Mou hiva kia Jihova, he kuo ne ikuna fakamanavahe: koe hose mo ia oku heka ai kuo ne li ki tahi.

¶ 22 Bea nae omi e Mosese e Isileli mei he tahi Kulokula, bea naa nau alu atu ki he toafa o Sua; bea naa nau fonoga i he aho e tolu i he toafa, bea ikai ilo ha vai.

23 Bea i he e nau hoko ki Mala, nae ikai te nau faa inu ae vai o Mala, he nae kona: koia nae ui ai hono higoa ko Mala.

24 Bea nae lāuga ae kakai kia Mosese, o behe, Koeha te mau inu?

25 Bea nae tagi ia kia Jihova, bea fakaha kiate i a e Jihova ae akau, aia naa ne li ki he vai, bea nae melie ai ae vai: bea nae fokotuu eia i ai ae fekau moe tuutuuni, mo ne ahiahi‘i akinautolu i ai.

26 O ne behe, Kabau te ke faa tokaga ki he le‘o o Jihova ko ho Otua, mo ke fai aia oku totonu i hono ao, mo ke fanogo ki he ene gaahi fekau, o tauhi ene gaahi tuntuuni, e ikai teu ai kiate koe ha mahaki e taha, i he gaahi mahaki, aia naaku omi ki he kakai Ijibite: he ko au Jihova, oku ou fakamoui koe.

¶ 27 Bea naa nau hoko ki Elimi, aia nae i ai ae luo vai e hogofulu ma ua, moe akau koe boga e fitugofulu: bea naa nau abitaga i ai, o ofi ki he vai.