¶ 1 BEA nae fonoga ae fakataha kotoabe ae fānau a Isileli mei he toafa o Sini, i he aga o ho nau gaahi fonoga, o fakatatau ki he fekau a Jihova, o nau abitaga i Lefitimi: bea nae ikai ha vai i ai ke inu e he kakai.

2 Koia nae lea fakamamahi ai ae kakai kia Mosese, o behe, Tuku mai ha vai kiate kimautolu ke mau inu. Bea behe e Mosese kiate kinautolu, Koeha oku mou tautea ai au? koeha oku mou ahiahi kovi ai kia Jihova?

3 Bea nae holi ae kakai ki he vai; bea lāuga ae kakai kia Mosese, o behe, Koeha kuo ke omi ai akimautolu mei Ijibite ke tamate‘i akimautolu moe mau fānau, moe mau faga manu aki ae fie inu?

4 Bea nae tagi a Mosese kia Jihova, o behe, Koeha teu fai ki he kakai ni? oku nau meimei tologaki au aki ae maka.

5 Bea nae folofola a Jihova kia Mosese, Alu atu o muomua i he kakai, bea alu mo koe ae mātua o Isileli: mo ho tokotoko aia naa ke ta aki ae vaitafe, too ia i ho nima, mo ke alu.

6 Vakai, teu tuu i ho ao i ai i he maka i Holebi; bea te ke ta ae maka, bea e tubu mei ai ae vai, koeuhi ke inu ai ae kakai. Bea nae fai ia e Mosese i he ao oe kau mātua o Isileli.

7 Bea ne ui hono higoa oe botu koia ko Masa, mo Meliba, koe mea i he lea fakamamahi ae fānau a Isileli, bea koe mea i he e nau ahiahi kovi kia Jihova, i he e nau behe, Oku iate kitautolu a Jihova be ikai?

¶ 8 Bea nae ha‘u a Amaleki, o tau‘i a Isileli i Lefitimi.

9 Bea nae fekau e Mosese kia Josiua, Fili haa tau kau tagata, bea alu o tau‘i a Amaleki: teu tuu abogibogi ki he tumutumu oe mouga moe tokotoko oe Otua i hoku nima.

10 Bea nae fai e Josiua o hage koe fekau a Mosese kiate ia, o ne tau‘i a Amaleki: bea nae alu a Mosese, mo Elone, mo Hua, ki he tumutumu oe mouga.

11 Bea nae behe, i he hiki ki oluga ae nima o Mosese, nae malohi a Isileli: bea ka tuku hifo hono nima, nae malohi a Amaleki.

12 Ka nae mamafa ae nima o Mosese; bea naa nau too ae maka o tuku ia ke ne heka ai: bea nae boubou hake hono nima e Elone mo Hua, koe toko taha ki hono toomatau, moe taha ki hono toohema; bea nae taegau‘e hono nima o a‘u ki he to ae laa.

13 Bea nae ikuna e Josiua a Amaleki mo hono kakai aki ae mata oe heleta.

14 Bea nae fekau e Jihova kia Mosese, Tohi ae mea ni i ha tohi, koe mea fakamanatu, bea lau ia i he teliga o Josiua: he teu fakaauha aubito ae fakamanatu ki Amaleki mei he lalo lagi.

15 Bea nae fokotuu e Mosese ae ejifeilaulau, o ne ui hono higoa ko Jihova-nisai:

16 He naa ne behe, Kuo fuakava a Jihova, e tau‘i mau ai be e Jihova a Amaleki i he toutagata ki he toutagata.