¶ 1 I HONO tolu oe mahina, hili ae alu atu ae fānau a Isileli mei he fonua ko Ijibite, koe aho koia naa nau hoko ki he toafa ko Sainai.

2 He kuo nau hiki mei Lefitimi, bea hoko ki he toafa o Sainai, bea nau abitaga i he toafa; bea nae abitaga a Isileli i he ao oe mouga.

3 Bea nae alu hake a Mosese ki he Otua, bea folofola a Jihova kiate ia mei he mouga, o behe, Te ke lea behe ki he fale o Jekobe, o tala ki he fānau a Isileli;

4 Kuo mou mamata ki he mea naaku fai ki he kakai Ijibite, mo eku fua akimoutolu i he kabakau oe ikale, o omi akimoutolu kiate au.

5 Bea koeni, kabau te mou tuitala mooni ki hoku le‘o, o tauhi eku fuakava, te mou iate au koe koloa lelei lahi i he kakai kotoabe: he oku ooku a mamani kotoabe.

6 Bea te mou iate au koe buleaga oe kau taulaeiki, moe kakai maonioni. Ko eni ae gaahi lea ke ke lea aki ki he fānau a Isileli.

¶ 7 Bea nae ha‘u a Mosese o fekau ke ha‘u ae kau mātua oe kakai, o ne tuku ki ho nau ao ae gaahi lea ni kotoabe, aia nae fekau e Jihova kiate ia.

8 Bea nae lea fakataha ae kakai kotoabe, o behe, Te mau fai aia kotoabe kuo folofola ki ai a Jihova. Bea tala atu e Mosese ae gaahi lea ae kakai kia Jihova.

9 Bea nae folofola a Jihova kia Mosese, Vakai, teu alu atu kiate koe i he ao matolu, koeuhi ke ogo‘i e he kakai o kau ka lea kiate koe, bea nau tui kiate koe o taegata. Bea nae tala atu e Mosese ae gaahi lea ae kakai kia Jihova.

¶ 10 Bea nae folofola a Jihova kia Mosese, Alu ki he kakai, o fakamaonioni akinautolu he aho ni moe abogibogi, bea ke nau fo ho nau gaahi kofu.

11 Bea teu ki hono tolu oe aho: koeuhi i hono tolu oe aho a haele hifo a Jihova ki he mouga ko Sainai i he ao oe kakai kotoabe.

12 Bea ke ai hano gataaga takatakai ki he kakai, mo ke behe, Vakai kiate kimoutolu, oua naa mou alu hake ki he mouga, be alu ki hono tafaaki: koia e alu ki he mouga e tamate‘i mooni ia:

13 E ikai ha nima e ala ki ai e tae tologaki mooni ia aki ae maka be fana‘i ke aji: be ko ha manu ia be ha tagata, e ikai moui ia: oka ogo mai ae mea lea o fuoloa, te nau alu atu ki he mouga.

¶ 14 Bea nae alu hifo a Mosese mei he mouga ki he kakai, o ne fakamaonioni‘i ae kakai; bea naa nau fo ho nau gaahi kofu.

15 Bea behe eia ki he kakai, Mou tali teu be ki hono tolu oe aho: oua naa ala ki ho mou unoho.

¶ 16 Bea bogibogi hake i hono tolu oe aho, nae hoko o behe, nae ai ae gaahi mana moe uhila, moe ao matolu ki he mouga, moe ogo mai ae mea lea nae malohi fakamanavahe; koia nae tetetete ai ae kakai kotoabe nae i he abitaga.

17 Bea nae omi e Mosese ae kakai kitua mei he abitaga ke nau fakafetaulaki atu ki he Otua; bea naa nau tutuu i he botu i lalo i he mouga.

18 Bea nae kohuia ae mouga ko Sainai kotoabe, koeuhi nae haele hifo ki ai a Jihova i he afi: bea nae alu hake a hono kohu o hage koe kohu o ha fuu afi, bea nae galulu lahi ae mouga kotoa.

19 Bea i he ogo mai ae le‘o oe mea lea o fuoloa, bea fakaaau o le‘o lahi aubito, bea lea a Mosese, bea talia ia e he Otua aki ae le‘o.

20 Bea nae haele hifo a Jihova ki he mouga ko Sainai, ki he tumutumu oe mouga: bea nae folofola a Jihova kia Mosese ke alu hake ia ki he tumutumu oe mouga; bea nae alu hake a Mosese.

21 Bea nae folofola a Jihova kia Mosese, Ke ke alu hifo, o nainai atu ki he kakai, telia naa nau aji ki loto o fakajio kia Jihova, bea mate ai ho nau toko lahi.

22 Bea koe kau taulaeiki foki, aia oku ha‘u o ofi kia Jihova, tuku ke nau fakamaonioni‘i akinautolu, telia naa oho atu a Jihova kiate kinautolu.

23 Bea beheage e Mosese kia Jihova, Oku ikai faa ha‘u ae kakai ki he mouga ko Sainai: he naa ke fekau‘i akimautolu o behe, Ai hono fakagatagata ki he mouga, mo fakatabu‘i ia.

24 Bea nae folofola a Jihova kiate ia, Ke ke alu hifo, bea ke toe alu hake, akoe, mo Elone: kae oua naa oho ki loto ae kau taulaeiki moe kakai ke alu hake kia Jihova, telia naa oho atu ia kiate kinautolu.

25 Bea nae alu hifo ai a Mosese ki he kakai, o ne lea atu kiate kinautolu.