Ko hono ua oe Tohi a Mosese, oku ui koe alu atu, be ko Ekesotosi
Vahe 1
1 Hili ae bekia a Josefa oku tubu be ae fān u a Isileli. 8 Oku fakafiu‘i akinautolu e he tu‘i foou, bea ajili e nau tubu. 15 Koe agalelei ae kau māuli, i he e nau fakamoui ae fānau tagata. 22 Oku fekau e Felo ke li ae fānau tagata ki he vaitafe.
¶ 1 BEA koe gaahi higoa eni oe fānau a Isileli, nae ha‘u ki Ijibite; ae tagata kotoabe mo ene kau nofoaga nae ha‘u mo Jekobe.
2 Ko Lubeni, mo Simione, mo Livai, mo Juta,
3 Mo Isaka, mo Sebuloni, mo Benijimani,
4 Mo Tani, mo Nafitali, mo Kata, mo Aseli.
5 Bea koe fānau kotoabe nae tubu ia Jekobe, koe laumalie e toko fitugofulu: he nae i Ijibite a Josefa.
6 Bea nae bekia a Josefa, mo hono kaiga kotoabe, moe toutagata kotoabe koia.
¶ 7 Bea nae fanafanau ae fānau a Isileli, o tubu be o toko lahi aubito, o nau hoko o malohi aubito: bea nae fonu ae fonua iate kinautolu.
8 Bea nae toki hoko ae tu‘i foou ke bule ki Ijibite, aia nae ikai te ne ilo a Josefa.
9 Bea behe eia ki hono kakai, Vakai, koe kakai ae fānau a Isileli, oku toko lahi hake, bea oku malohi iate kitautolu:
10 Koeni, ke tau fai fakabotoboto kiate kinautolu; telia naa nau tubu o toko lahi, bea e hoko o behe, oka hoko ha tau, te nau kau mo ho tau fili, o tau‘i akitautolu, bea e hiki ai akinautolu mei he fonua.
11 Koia naa nau fakanofo ai ae kau eginaki gaue ke fakamamahi aki akinautolu ae nau gaahi kavega. Bea naa nau gaohi ae kolo tukugakoloa e ua moo Felo; ko Bitomi, mo Lamisisi.
12 Ka ne ogo ae ajili fakamamahi akinautolu, naa nau tubu be o fuu toko lahi hake. Bea nae mamahi akinautolu koeuhi koe fānau a Isileli.
13 Bea nae houtoga ae fānau a Isileli e he kakai Ijibite.
14 O nau fakamamahi‘i e nau moui i he gaue bobula ki he kelebulu, moe maka umea, moe gaue kehekehe ‘i he goue: koe gaue kotoabe aia naa nau bule ke nau fai, nae fakamamahi.
¶ 15 Bea nae fekau e he tu‘i o Ijibite ki he kau māuli oe kakai Hebelu, koe higoa oe toko taha ko Sifila, moe higoa oe toko taha ko Biua:
16 O ne behe, Oka mo ka fai ae gaue ae māuli ki he kau fefine Hebelu, o mamata ki he e nau faele; kabau koe tama tagata, te mo tamate‘i ia: bea kabau koe taahine, bea e moui ia.
17 Ka nae manavahe ae ogo māuli ki he Otua, bea nae ikai te na fai o hage koe fekau ae tu‘i o Ijibite kiate kinaua, ka naa na fakamoui ae fānau tagata.
18 Bea fekau e he tu‘i o Ijibite ke ha‘u ae ogo mauli, o ne behe kiate kinaua, Koeha kuo mo fai ai ae mea ni, bea kuo mo fakamoui ae fānau tagata?
19 Bea talaage e he ogo māuli kia Felo, Koeuhi oku ikai tatau ae kau fefine Hebelu moe kau fefine Ijibite; he oku nau malohi, bea oku nau faele‘i i he heeki ai hoko atu ae kau māuli kiate kinautolu.
20 Koia nae fai lelei e he Otua ki he ogo māuli: bea nae tubu be ae kakai, o fakaaau o malohi lahi.
21 Bea koe mea i he manavahe ae kau māuli ki he Otua, koia naa ne fakatubu ai ho na fale.
22 Bea nae fekau e Felo ki hono kakai kotoabe, o behe, Koe fānau tagata kotoabe oku faele‘i te mou li ia ki he vaitafe, bea koe fānau fefine kotoabe te mou fakamoui.