¶ 1 KABAU e kaihaa e ha tagata ha bulu be ha sibi, mo tamate‘i ia, be fakatau ia; te ne totogi ae bulu aki ae bulu e nima, moe sibi e taha aki ae sibi e fa.

¶ 2 Kabau e ma‘u  bouli ha kaihaa lolotoga ene fai, bea ta‘i ia bea mate, e ikai liligi ha toto koeuhi koia.

3 Kabau kuo alu hake ae laa kiate ia, e ikai teia ia: ka te ne atu hono totogi kotoa: kabau oku ikai haa ne mea, behe e fakatau ia koeuhi ko ene kaihaa.

4 Kabau oku ilo bau ene kaihaa i hono nima oku kei moui, be ko ha bulu, be ha asi, be ha sibi; e totogi aki ia ae ua.

¶ 5 Kabau e fai e ha tagata ke keina ha goue, be ha goue vaine, o ne tuku ki ai ene manu, ke kai i he goue ae tagata kehe: e totogi ki ai ia aki hono fua lelei o ene goue, moe lelei o ene goue vaine.

¶ 6 Kabau e tubu ha afi, bea hoko ki he akau talatala, bea vela ai ae gaahi fokotuuga uite, be koe goue, o auha ai; koia naa ne tutu ae afi te ne totogi mooni.

¶ 7 Kabau e tuku e ha tagata ae gaahi baaga, be ha mea ki hono kaugaabi, ke ne vakai ki ai, bea kabau e kaihaajia ia mei he fale oe tagata: kabau e ilo ae kaihaa, tuku ke ne totogi aki ae ua.

8 Kabau oku ikai ilo ae kaihaa, bea e toki omi ae eiki oe fale ki be kau fakamāu, ke ilo, be kuo ne ai hono nima ki he mea a hono kaugaabi.

9 I he gaahi aga fakakaihaa kotoabe, oku kau ki he bulu, be ki he asi, be koe sibi, be ki he kofu, be ki he mea kuo mole, aia oku lea fakababau ki ai ha toko taha o behe ko ene mea, e fakaha fakatouoji be e na mea ki he kau fakamāu; bea koia e tuku koe halaia e he kau fakamāu, te ne totogi ke tuo ua ki hono kaugaabi.

10 Kabau e tuku e ha tagata ki hono kaugaabi, ha asi, be ha bulu, be ha sibi, be ha manu e taha ke ne tauhi; bea mate ia, be lavea, be fakahe‘i ke mamao, kae ikai ha tagata kuo mamata ki ai.

11 Bea e fuakava akinaua ki he Eiki, o behe nae ikai te ne mafao atu hono nima ki he mea a hono kaugaabi; bea koia oku aana ae mea te ne tui ki ai, bea e ikai totogi ia.

12 Bea kabau kuo kaihaaji meiate ia, bea te ne atu ae totogi kiate ia oku aana.

13 Kabau kuo mahaehae, oku lelei ene omi ia ke fakamooni, bea e ikai te ne totogi aia kuo mahaehae.

¶ 14 Bea kabau e nono e ha tagata ha mea e taha i hono kaugaabi, bea hoko o lavea ia, be mate, kae ikai i ai aia oku aana, koe mooni te no totogi ia.

15 Bea kabau nae i ai ia aia oku aana, bea e ikai totogi ia; kabau koe gaue totogi, nae ha‘u ia koe totogi.

¶ 16 Bea kabau e fakatauvele‘i e ha tagata ha taahine oku teeki bolo‘i bea na mohe, koe mooni te ne vahe koloa maana, bea hoko ko hono unoho.

17 Bea kabau e ikai aubito tuku ia e he ene tamai kiate ia, bea ke totogi baaga ia o fakatatau ki he koloa fakatau ae kau taahine.

¶ 18 Oua naa ke tuku ke moui ae fefine taulafaahikehe.

¶ 19 Koia e mohe moe manu koe mooni e tamate‘i ia.

¶ 20 Koia oku feilaulau ki ha otua kehe, ka oku ikai kia Jihova be, koe mooni e tamate‘i ia.

¶ 21 E ikai te ke fakamamahi‘i ha muli, be taomia ia, he naa mou nofo i Ijibite koe kau muli.

¶ 22 E ikai te mou fakamamahi ha fefine kuo bekia hono unoho, be koe tamajii tuenoa.

23 Kabau te ke tautea akinautolu i ha mea, bea nau tagi mai kiate au, koe mooni teu ogo‘i e nau tagi;

24 Bea e tubu o lahi ai eku houhau, bea teu tamate‘i akimoutolu aki ae heleta; bea e hoko ho mou gaahi unoho koe kau baea, mo hoo mou fānau koe tamai mate.

¶ 25 Kabau oku tuku atu hoo koloa ki ha niihi i hoku kakai majiva oku ofi kiate koe, oua naa ke fai kiate ia hage ha tagi koloa totogi, bea oua naa ke tala kiate ia ae totogi.

26 Kabau oku ke too ae kofu o ho kaugaabi koe fakamooni, ke ke toe atu ia kiate ia o feouga moe to ae laa.

27 He ko hono kofu be ia, koe kofu o hono kili: bea koeha e mohe ai ia? bea ka tagi ia kiate au, bea e behe, Teu ongo‘i, he oku ou agaofa.

¶ 28 Oua naa ke lau‘i kovi ae kau fakamāu, be kabe‘i ae bule a hoo kakai.

¶ 29 Oua naa ke fakatuai i he atu hoo gaahi uluaki fua kuo motua, moe mea inu; koe uluaki i ho gaahi foha te ke foaki kia Jihova.

30 Bea ke fai behe be foki ki hoo faga bulu bea mo hoo faga sibi: e nofo ae uhiki mo ene fa‘e i he aho e fitu: i hono aho valu te ke foaki mai ia kiate au.

¶ 31 Bea te mou iate au koe kau tagata maonioni: bea e ikai te mou kai ha kakano kuo haehae e he faga manu i he vao; ka te mou li ia ki he faga kuli.