¶ 1 OUA naa ke fakatubu ae ogoogo loi; oua naa ke kuku nima moe kau agakovi ke hoko ae fakamooni tae totonu.

¶ 2 Oua naa ke muimui ki he toko ahi ke fai kovi: oua naa ke lea fakaagimui be ki he toko lahi ke fakabiko‘i ae fakamāu.

¶ 3 Bea oua naa ke tokoni kovi ki he tagata majiva.

¶ 4 Bea kabau oku mo fetaulaki moe bulu be koe asi a ho fili oku alu he, koe mooni te ke toe omi ia kiate ia.

5 Kabau oku ke mamata ki he asi o ia oku fehia kiate koe oku tokoto kuo taomia ia e he ene kavega, bea oku ikai te ke fie tokoni ia, koe mooni te ke tokoni ia.

6 Oua naa ke fakahala‘i ae fakamāu o hoo kakai majiva i he ene mea.

7 Taofi koe ke ke mamao mei he mea loi: bea oua naa ke tamate‘i ae tae halaia moe maonioni: koeuhi e ikai teu fakatonuhia ae agakovi.

¶ 8 Bea oua naa ke ma‘u ha mea foaki: he koe mea foaki, oku ne fakakui ae boto, mo ne fakahala‘i ae gaahi lea ae maonioni.

¶ 9 Bea oua naa ke fakafiu‘i foki ae muli; he oku mou ilo ae loto oe muli, he naa mou nofo koe kau muli i he fonua ko Ijibite.

10 Bea te ke to ho fonua i he ta‘u e ono, mo ke tanaki hono gaahi fua o ia:

11 Ka ko hono fitu oe ta‘u, ke ke tuku ia ke mālōlō, bea tae ue‘i: koeuhi ke kai e he majiva i ho kakai: bea koia oku tuku ekinautolu e kai ia e he faga manu oe vao: bea te ke fai behe be ki hoo goue vaine, mo hoo goue olive.

12 Ke ke fai hoo gaue i he aho e ono, bea ke mālōlō i hono fitu oe aho: ke mālōlō ai hoo bulu, mo hoo asi, moe tama a hoo kaunaga, moe muli, bea ke nau ma‘u ae fiemalie.

13 Bea koe mea kotoabe kuou tala kiate kimoutolu, mou tokaga lelei ki ai: bea oua jii naa ke lea ki he higoa oe gaahi otua kehe, bea ke oua naa ogo‘i ia mei ho mou gutu.

¶ 14 E liuga tolu hoo fai ae katoaga kiate au i he ta‘u.

15 Ke ke fai ae katoaga oe ma tae fakalevani: (ke ke kai ma tae fakalevani i he aho e fitu, o hage ko eku fekau kiate koe, i he aho tuutuuni i he mahina ko Abibi; he naa ke ha‘u ai mei Ijibite; bea oua naa ha‘u mola be ha toko taha ki hoku ao.)

16 Moe katoaga oe ututa‘u, koe uluaki fua o hoo go‘ue aia naa ke tūtū‘i i hoo goue: bea moe katoaga oe tanaki, aia oku fai i he gataaga oe ta‘u, hili hao tanaki fakataha hoo gaue mei he goue.

17 E fakaha liuga tolu i he ta‘u a hoo kakai tagata kotoabe i he ao o Jihova koe Otua.

18 Oua naa ke atu ae toto o hoku feilaulau fakataha moe ma kuo fakalevani: bea oua naa tuku ae gako o hoku feilaulau ki he abogibogi.

19 Koe bolobolo oe gaahi uluaki fua o ho fonua ke ke omi ki he fale o Jihova ko ho Otua. Oua naa ke haka ae uhiki‘i sibi be koe koji i he huhua o ene fa‘e.

¶ 20 Vakai, oku ou fekau ha Agelo ke muomua i ho ao, ke tataki koe i he hala, bea ke omi koe ki he botu aia kuou teuteu‘i.

21 Bea ke tokaga kiate ia, bea fai talagofua ki hono le‘o, oua naa ke fakahouhau kiate ia; koeuhi e ikai te ne fakamolemole hoo mou gaahi talagataa: he oku iate ia a hoku huafa.

22 Bea kabau te ke fai talagofua mooni ki hono le‘o, o fai aia kotoabe oku ou tala: teu hoko ai koe fili au ki ho gaahi fili, bea teu tautea akinautolu oku tautea koe.

23 He ko eku Agelo e muomua iate koe, o ne omi koe ki he kakai Amoli, moe kau Heti, moe kau Belesi, moe kau Kenani, moe kau Hevi, moe kau Jebusi; bea teu tuuji akinautolu.

24 Oua naa ke bunou koe ki ho nau gaahi otua, be tauhi akinautolu, be fai o hage koe nau gaahi gaue, ka ke fakaauha aubito akinautolu, mo holoki hifo aubito e nau gaahi mea fakatātā.

25 Bea te mou tauhi a Jihova ko ho mou Otua, bea te ne tabuaki‘i hoo ma mo hoo vai: bea teu too ae mahaki o ave ia mei ate kimoutolu.

¶ 26 E ikai ha mea e fanau tae hoko, be baa i ho fonua: ko hono lau o ho gaahi aho teu fakakakato.

27 Teu fekau ke muomua iate koe hoku manavaheia, bea teu fakaauha ae kakai kotoabe aia te ke hoko ki ai, bea teu gaohi ho gaahi fili ke nau fulitua kiate koe.

28 Bea teu fekau ke muomua iate koe ae faga lagomū, bea te nau kabuji mei ho ao, ae kau Hevi, moe kau Kenani, moe kau Heti.

29 E ikai teu kabuji akinautolu mei ho ao i he ta‘u be taha: telia naa gaogao ai ae fonua, bea tubu o lahi ai kiate koe ae faga manu oe vao.

30 Teu kabuji fakaholoholo be akinautolu mei ho ao, kae oua ke mou tubu o toko lahi, bea ma‘u ae fonua.

31 Bea teu tuku ho gataaga mei he tahi Kulokula, o a‘u ki he tahi oe kakai Filisitia, bea mei he toafa o a‘u ki he vaitafe lahi: he teu tukuage ae kakai oe fonua ki ho mou nima; bea te ke kabuji akinautolu mei ho ao.

32 Oua naa ke fai ha fuakava mo kinautolu, be ki ho nau gaahi otua.

33 E ikai te nau nofo i ho fonua, telia naa nau fakafaihala‘i koe kiate au: he kabau te ke tauhi ho nau gaahi otua, koe mooni e fakahalahala ai koe.