¶ 1 BEA nae folofola a Jihova kia Mosese, o behe,

2 Ke ke lea ki he fānau a Isileli, ke nau omi kiate au ae mea ofa; bea iloga ae tagata kotoabe oku foaki loto lelei be, te mou ma‘u mei ai eku mea ofa.

3 Bea koe mea ofa eni te mou ma‘u iate kinautolu; koe koula, moe siliva, moe balasa.

4 Moe lanumoana, moe bauhiuhi, moe kulaahoaho, moe silika, moe fulufulu‘i koji,

5 Moe kili oe sibi tagata kuo tuku kula, moe kili oe baja, moe akau koe sitimi,

6 Moe lolo ke māma aki, moe akau nanamu ki he lolo tākai, bea ki he mea namu kakala.

7 Koe maka koe oniki, moe maka ke ai ki he efoti, bea ki he jifa fatafata.

8 Bea tuku ke nau gaohi kiate au ae Botu Tobutabu; koeuhi keu nofo iate kinautolu.

9 Te mou gaohi ia o fakatatau ki he gaahi mea kotoabe teu fakaha kiate koe, ki he fakatātā oe fale fehikitaki, moe fakatātā o hono gaahi nāunāu kotoabe.

¶ 10 Bea te nau gaohi ha huha oe akau koe sitimi: koe haga e nima moe toe a hono loloa o ia, bea koe haga e tolu a hono maukubu, moe haga e tolu a hono maoluga.

11 Bea ke aofi aki ia ae koula haohaoa, ke ke aofi ia i loto mo tua, bea ke gaohi i ai ae tatā koula ke takatakai.

12 Bea te ke gaohi hono kavei koula e fa, o ai ia ki hono tuliki e fa; e ai ae kavei e ua i hono faahi e taha, moe kavei e ua i hono faahi e taha.

13 Bea ke gaohi ae ogo haamo mei he akau koe sitimi, o aofi ia aki ae koula.

14 Bea ke velo ae haamo ki he kavei i he botu e ua oe buha, koeuhi ke haamo aki ae buha.

15 E tuku mau ai be ae ogo haamo i he kavei oe buha: e ikai too o ave ia mei ai.

16 Bea te ke ai ki he loto buha ae tohi oe fuakava, aia teu atu kiate koe.

17 Bea te ke gaohi ae nofoaga aloofa aki ae koula haohaoa: koe haga e nima a hono loloa o ia, moe haga e tolu a hono maukubu.

18 Bea te ke gaohi ae jelubimi koula e ua, ke ke gaohi ia aki ae koula tuki, i hono ta e ua oe nofoaga aloofa.

19 Bea te ke gaohi ae jelubi e taha  ke tuu i he ta e taha, moe jelubi e taha  ke tuu i he ta e taha; e i he nofoaga aloofa ae ogo jelubimi i hono ta e ua o ia.

20 Bea e mafola atu ho na kabakau i oluga e he ogo jelubimi, ke malu‘i ae nofoaga aloofa aki ho na kabakau, bea e fehagaaki ho na mata, o na femamataaki; bea e haga ki he nofoaga aloofa ae mata oe ogo jeiubimi.

21 Bea te ke hilifaki ae nofoaga aloofa ki oluga ki he fuga buha; bea te ke ai ki loto i he buha ae tohi oe fuakava aia teu atu kiate koe.

22 Bea teu fakafetaulaki i ai kiate koe, bea te ta lea ai mo koe mei oluga i he nofoaga aloofa, mei he vahaa oe ogo jelubimi, aia oku i he fuga oe buha oe fuakava, ki he gaahi mea kotoabe aia teu fekau atu ai kiate koe, ki he fānau a Isileli.

¶ 23 Bea te ke gaohi foki ae balebale mei he akau koe sitimi: koe haga e fa a hono loloa, moe haga e ua a hono maukubu o ia, moe haga e tolu a hono maoluga.

24 Bea te ke aofi ia aki ae koula haohaoa, mo ke gaohi i ai ae tatā koula ke takatakai.

25 Bea te ke gaohi ki ai hono taba takatakai koe aofinima e taha hono lau lahi; bea ke gaohi ha tatā koula ki hono taba o ia ke takatakai.

26 Bea te ke gaohi hono kavei koula e fa, bea ai ae kavei ki hono tuliki e fa, aia oku i hono va‘e e fa.

27 E tuu haga tonu atu ae gaahi kavei mo hono taba ke velo ai ae akau ke haamo aki ae balebale.

28 Bea te ke gaohi ae haamo aki ae akau koe sitimi, o aofi aki ia ae koula, ke haamo aki ae balebale.

29 Bea te ke gaohi a hono gaahi ibu, mo hono gaahi mea ohu, mo hono gaahi tabuni, mo hono gaahi ibu luoluo, ke ligi ki ai: ke ke gaohi ia kotoabe aki ae koula haohaoa.

30 Bea te ke hili mau ai be ae ma oe ao ki he balebale i hoku ao.

¶ 31 Bea te ke gaohi ae tuuga māma koula haohaoa: e gaohi ae tuuga māma aki ae gaue tuki: ko hono kau, mo hono gaahi basaga mo hono gaahi ibu jii, mo hono gaahi teuga botoboto, mo hono gaahi fiji akau, e i he mea be koia.

32 Bea e tuu ae basaga e ono mei hono botu e ua: koe basaga e tolu mei he botu e taha oe tuuga māma, moe basaga e tolu mei he botu kehe oe tuuga māma:

33 Koe ibu aigalolo e tolu kuo gaohi o hage koe fua‘i telie, koe teuga botoboto mo hono fiji akau i he basaga e taha; moe ibu aigalolo e tolu kuo gaohi o hage koe fua‘i telie i he basaga e taha, mo hono teuga botoboto mo hono fiji akau: be e behe be i he basaga e ono oku tuu i he tuuga māma.

34 Bea e ai ae ibu aigalolo e fa i he tuuga māma kuo gaohi o hage koe fua‘i telie mo ho nau gaahi teuga botoboto mo hono gaahi fiji akau.

35 Bea e ai ae teuga botoboto e taha i lalo i he basaga e ua, moe teuga botoboto e taha i lalo i he basaga e ua, moe teuga botoboto e taha i lalo i he basaga e ua, o fakatatau ki he basaga e ono oku tuu i he tuuga māma.

36 Ko ho nau gaahi teuga botoboto moe gaahi basaga e gaohi ia kotoabe i he koula haohaoa kuo tuki.

37 Bea te ke gaohi hono foi māma e fitu o ia: bea te nau tutu ae māma i ai, koeuhi ke nau fakamāma ae botu koia.

38 Bea ko hono helekoji, mo hono aiaga efu, e gaohi aki ia ae koula haohaoa.

39 Te ne gaohi ia moe gaahi ibu ni kotoabe, aki ae taleniti koula haohaoa be taha.

40 Bea vakai ekoe, ke gaohi ae mea kotoabe, o fakatatau ki hono fakatātā, aia nae fakaha kiate koe i he mouga.