¶ 1 BEA nae folofola a Jihova kia Mosese, Alu, bea hiki i heni, akoe moe kakai aia kuo ke omi mei he fonua ko Ijibite, ki he fonua aia naaku fuakava ai kia Ebalahame, mo Aisake, bea kia Jekobe, o behe, Teu foaki ia ki ho hako:

2 Bea teu fekau ha agelo ke muomua iate koe: bea teu kabuji ae kakai Kenani, moe kau Amoli, moe kau Heti, moe kau Belesi, koe kau Hevi, bea moe kau Jebusi:

3  Mou alu ki he fonua mahu tafea i he hua huhu moe honi: ka e ikai teu alu hake i ho mou lotolotoga; he koe kakai kia kekeva koe: telia naaku fakaauha koe i he hala.

¶ 4 Bea i he fanogo ae kakai ki he ogoogokovi ni, naa nau tagi: bea nae ikai ai e ha tagata haa ne teuga.

5 He nae behe e Jihova kia Mosese, Tala ki he fānau a Isileli, Koe kakai kia kekeva akimoutolu: Teu alu atu ki loto iate koe i he kemo be taha, o fakaauha koe; koia ke ke tukuage ai ae gaahi teuga iate koe, kae oua keu ilo ai ha mea ke fai kiate koe.

6 Bea nae vete e he fānau a Isileli e nau gaahi teuga iate kinautolu i he mouga ko Holebi.

7 Bea nae hiki e Mosese ae fale fehikitaki, o fokotuu ia ituaa mei he abitaga, o mamao atu mei he abitaga, o ne ui ia koe Fale fehikitaki oe kakai. Bea nae behe, koia kotoabe nae kumi kia Jihova nae alu ia kituaa ki he fale fehikitaki oe kakai, aia nae ituaa mei he abitaga.

8 Bea nae behe, i he alu kituaa a Mosese ki he fale fehikitaki, nae tuu hake leva ae kakai kotoabe, o tuu ae tagata taki taha i he mataba o hono fale fehikitaki, ke jio atu kia Mosese, ke oua ke hu ia ki he fale fehikitaki.

9 Bea i he hu a Mosese ki he fale fehikitaki, nae alu hifo ae bou ao, bea tuu ia i he mataba oe fale fehikitaki, bea alea  a Jihova mo Mosese.

10 Bea nae mamata e he kakai kotoabe ki he bou ao oku tuu i he mataba oe fale fehikitaki: bea nae tuu hake ae kakai kotoabe o hu, o taki taha ae tagata i he mataba o hono fale fehikitaki.

11 Bea nae folofola a Jihova kia Mosese, koe mata ki he mata, o hage koe lea ae tagata ki hono kaiga. Bea nae liu mai ia ki he abitaga; he ko hono tauhi, a Josiua koe foha o Nuni, koe tagata talavou, nae ikai alu ia mei he fale fehikitaki.

¶ 12 Bea nae behe e Mosese kia Jihova, Vakai, oku ke behe mai kiate au, Ke ke o hake ae kakai ni: bea oku ikai te ke fakaha kiate au, be kohai ia te ke fekau ke ma o mo au. Ka kuo ke tala mai, Oku ou ilo koe i ho higoa, bea kuo ofeina koe i hoku ao.

13 Bea koeni, oku ou kole kiate koe, kabau kuou ma‘u ae ofa i ho ao, ke ke fakaha ni kiate au ho hala, koeuhi keu ilo koe, bea teu ilo ai ae ofa i ho ao: bea ke ano‘i koe buleaga ni ko ho kakai.

14 Bea behe eia, Teu alu mo koe, bea teu tuku kiate koe ae fiemalie.

15 Bea behe eia kiate ia, Kabau e ikai alu a hoo afio mo au, oua naa ke fetuku hake akimautolu i heni.

16 He koeuhi e ilo ni i he ha kuo ofeina au mo hoo kakai i ho ao? ikai i he mea ni, i hoo alu mo kimautolu? koia te mau mavae ai, a au mo hoo kakai, mei he kakai kotoabe oku i he fuga o mamani.

17 Bea nae folofola a Jihova kia Mosese, Teu fai ae mea ni foki aia kuo ke lea ki ai: he kuo ke ma‘u ae ofa i hoku ao, bea oku ou ilo koe i ho higoa.

18 Bea behe eia, Oku ou kole kiate koe, fakaha kiate au ho nāunāu.

19 Bea naa ne behe, Teu fai ke ha atu eku agalelei kotoabe i ho ao, bea teu fakaha ae huafa o Jihova i ho ao; bea teu ofa mataatā be kiate ia oku ou loto ke ofa mataatā be ki ai, bea teu aloofa kiate ia oku ou loto ke aloofa ki ai.

20 Bea behe eia, Oku ikai te ke mafai ke mamata ki hoku fofoga: he oku ikai ha tagata te ne mamata kiate au, bea moui.

21 Bea behe e Jihova, Vakai, oku ai ae botu oku ofi kiate au, bea te ke tuu koe ki he fuga maka:

22 Bea e hoko o behe, i he alu atu a hoku nāunāu, teu ai koe ki he mafahi oe maka, bea teu ufiufi koe aki hoku nima lolotoga eku alu atu:

23 Bea teu too hoku nima, bea te ke mamata ki hoku tua; ka ko hoku fofoga e ikai ha ia.