¶ 1 BEA nae folofola a Jihova kia Mosese, Ke ke ta maau ae maka lafalafa e ua o hage koe uluaki maka: bea teu tohi ki he ogo maka ni, ae gaahi lea nae i he uluaki maka, aia naa ke maumau‘i.

2 Bea ke teu ki he abogibogi, bea ke alu hake abogibogi ki he mouga ko Sainai, bea ke fakaha koe kiate au i he tumutumu oe mouga.

3 Bea e ikai alu hake mo koe ha tagata e toko taha, bea oua naa ha mai ha tagata i he mouga kotoabe, bea oua naa kai ae faga sibi, be koe faga manu lalahi i he ao oe mouga koia.

¶ 4 Bea naa ne ta ae ogo maka lafalafa o hage koe uluaki; bea nae tuu hegihegi hake a Mosese, o ne alu hake ki he mouga ko Sainai, o hage koe fekau a Jihova kiate ia, o ne ave i hono nima ae ogo maka lafalafa.

5 Bea nae haele hifo a Jihova i he ao, bea tutuu i ai mo ia, o ne fakaha ae huafa o Jihova.

6 Bea nae haeleage a Jihova i hono ao, o ne folofola, Ko Jihova, Ko Jihova koe Otua, oku aloofa, mo ofa mataatā, oku kataki fuoloa, bea mohu i he agalelei moe mooni.

7 Oku ne fakaha ae aloofa ki he gaahi toko afe, i he fakamolemole ae hia, moe talagataa, moe agahala, bea e ikai aubito fakatonuhia‘i ae halaia; oku aahi aki ki he fānau ae hia ae mātua, bea ki he hako oe nau fānau, o a‘u ki hono tolu mo hono fa oe toutagata.

8 Bea nae fakatootoo e Mosese, ke bunou hifo hono ulu ki he kelekele, bea hu.

9 Bea naa ne behe, E Jihova, kabau kuou ma‘u ni ae ofa i ho ao, oku ou kole kiate koe, ke alu a hoku Eiki, mo kimautolu: he koe kakai kia kekeva; bea fakamolemole e mau hia moe mau agahala, mo ke fili akimautolu koe tofia oou.

¶ 10 Bea nae behe eia, Vakai, oku ou fai ae fuakava: teu fai ae gaahi mea mana i he ao o ho kakai kotoabe, ae mea nae ikai aubito hano tatau, i ha botu e taha o mamani, be i ha buleaga: bea koe kakai kotoabe aia oku ke nofo ki ai te nau mamata ki he gaue a Jihova: he koe mea fakamanavahe ia aia teu fai kiate koe.

11 Ke ke tokaga koe ki he mea oku ou fekau kiate koe he aho ni: vakai, oku ou kabuji mei ho ao ae kau Amoli, moe kau Kenani, moe kau Heti, moe kau Belesi, moe kau Hevi, moe kau Jebusi.

12 Ke ke vakai kiate koe, telia naa mou fai ha fuakava moe kakai oe fonua aia oku ke alu ki ai, telia naa hoko ia koe tauhele i loto iate koe.

13 Ka te mou maumau‘i ho nau gaahi feilaulauaga, bea laiki e nau gaahi mea fakatātā, bea ta ke higa e nau gaahi akau tabu:

14 E ikai te ke lotu koe ki ha otua kehe: he ko Jihova, aia ko hono huafa ko Fuaa, koe Otua fuaa ia.

15 Telia naa mou fai ae fuakava moe kakai oe fonua, bea nau alu o tago ki ho nau gaahi otua, bea fai ae feilaulau ki ho nau gaahi otua, bea ui koe  e ha toko taha, bea ke kai i he ene feilaulau;

16 Be ke fili ekoe a ho nau gaahi ofefine ki ho gaahi foha; bea alu a ho nau gaahi ofefine o tago ki ho nau gaahi otua, o nau fakakau ho gaahi foha ke nau alu o tago ki ho nau gaahi otua.

17 Oua naa ke gaohi moou ha otua ukamea kuo haka.

¶ 18 Bea te ke tauhi ae katoaga oe ma tae fakalevani. Ke ke kai ae ma tae fakalevani i he aho e fitu, o hage ko eku fekau kiate koe, i he gaahi aho oe mahina ko Abibi: he naa ke ha‘u mei Ijibite i he mahina ko Abibi.

19 Koia kotoabe oku fakaava ae manāva oku aaku ia; moe uluaki manu tagata i hoo faga manu, be ko ha bulu ia, be ko ha sibi.

20 Ka koe uluaki uhiki oe asi ke ke huhui aki ia ae lami; bea kabau e ikai te ke huhui ia, bea ke feji‘i hono kia. Koe uluaki fanau kotoabe i ho gaahi foha te ke huhui. Bea oua naa fakaha mola be ha toko taha i hoku ao.

¶ 21 Te ke gaue i he aho e ono, ka i hono fitu oe aho te ke mālōlō: i he gaahi aho oe to ta‘u, moe ututa‘u ke ke mālōlō.

¶ 22 Bea te ke tokaga ki he katoaga oe gaahi uike, moe uluaki fua oe tuuji oe uite, moe katoaga oe ututa‘u i he fakaoji ta‘u.

¶ 23 E liuga tolu i he ta‘u ae fakaha a hoo mou fānau tagata kotoabe i he ao oe Eiki ko Jihova, koe Otua o Isileli.

24 He teu kabuji ae gaahi buleaga mei ho ao, bea teu fakalahi atu ae gataaga o ho fonua: bea e ikai ha tagata te ne holi ki ho fonua, oka ke ka alu hake, o liuga tolu i he ta‘u ke fakaha koe i he as o Jihova ko ho Otua.

25 Oua naa ke atu ae toto o eku feilaulau moe levani: bea oua naa ke tuku ki he abogibogi ae feilaulau oe katoaga oe laka‐atu.

26 Koe bolobolo oe gaahi uluaki fua o ho fonua ke ke omi ki he fale o Jihova ko ho Otua. Oua naa ke haka ae uhiki sibi be koji i he hua huhu o ene fa‘e.

27 Bea behe e Jihova kia Mosese, Ke ke tohi ae gaahi lea ni: he kuou fai ae fuakava kiate koe mo Isileli, o fakatatau ki hono uhiga oe gaahi lea ni.

28 Bea nae i ai ia mo Jihova i he aho e fagofulu moe bo e fagofulu; bea nae ikai te ne kai ma, be inu ha vai. Bea naa ne tohi ki he ogo maka lafalafa ae gaahi lea oe fuakava, koe fekau e hogofulu.

¶ 29 Bea nae behe, i he alu hifo a Mosese mei he mouga ko Sainai, moe maka lafalafa e ua oe fuakava i he nima o Mosese, i he ene alu hifo mei he mouga, nae ikai ilo e Mosese oku ulo ae kili o hono mata lolotoga ene talanoa mo ia.

30 Bea i he mamata a Elone, bea moe fānau kotoabe a Isileli kia Mosese, vakai, nae ulo ae kili o hono mata: bea naa nau manavahe ke ha‘u o ofi kiate ia.

31 Bea nae ui e Mosese kiate kinautolu; bea ko Elone moe kau bule kotoabe oe kakai naa nau foki mai kiate ia: bea nae talanoa a Mosese mo kinautolu.

32 Bea hili ia, nae unuunu mai o ofi ae fānau kotoabe a Isileli: bea naa ne tala o fekau kiate kinautolu aia kotoabe nae folofola aki e Jihova kiate ia i he mouga ko Sainai.

33 Bea nae ai e Mosese ae bulou ki hono mata, kae oua ke hili ene talanoa mo kinautolu.

34 Ka i he alu a Mosese ki he ao o Jihova ke lea kiate ia, naa ne too ae bulou, kae oua ke hu kitua. Bea nae ha‘u kitua ia, o ne tala ki he fānau a Isileli, aia nae fekau kia e ia ke fai.

35 Bea nae mamata e he fānau a Isileli ki he mata o Mosese, oku ulo ae kili oe mata o Mosese: bea nae toe ai e Mosese ae bulou ki hono mata, kae oua ke toe hu ia ke alea mo ia.