¶ 1 BEA nae tanaki e Mosese ae kakai kotoabe oe fānau a Isileli ke nau fakataha, o ne behe kiate kinautolu, Ko eni ae gaahi lea aia kuo fekau e Jihova, koeuhi ke mou fai ia.

2 E fai ae gaue i he aho e ono, ka i hono fitu oe aho e ai kiate kimoutolu ae aho tabu, koe sabate oe mālō. ō kia Jihova: koia fulibe oku fai ha gaue i ai e tamate‘i ia.

3 Oua naa mou tutu ha afi i he aho sabate i ha nofoaga e taha iate kimoutolu.

¶ 4 Bea nae lea a Mosese ki he fakataha kotoabe oe fānau a Isileli, o behe, Koeni ae mea aia nae fekau ai e Jihova, o behe.

5 Mou too meiate kimoutolu ae mea ofa kia Jihova: koia oku loto lelei ki ai, tuku ke omi ia, koe mea ofa kia Jihova; koe koula, moe siliva, moe balasa.

6 Moe lanumoana, moe bauhiuhi, moe kulaahoaho, moe tubenu tuovalevale, moe fulufulu‘i koji.

7 Moe gaahi kili‘i sibi tagata kuo tukukula, moe gaahi kili‘i bajia, moe akau koe sitimi,

8 Moe lolo ki he māma, moe gaahi akau nanamu ki he lolo tākai, bea ki he mea namu kakala,

9 Moe gaahi maka oniki, moe gaahi maka ke fonofono aki ae efoti, bea ki he jifafatafata.

10 Bea ke ha‘u ae loto boto kotoabe oku iate kimoutolu o gaohi aia kotoabe kuo fekau e Jihova.

11 Koe fale fehikitaki, mo hono buibui, mo hono fakabuloga, mo hono gaahi fakamau, mo hono gaahi laubaba, mo hono gaahi akau, mo hono gaahi bou, mo hono gaahi tuuga,

12 Koe buha mo hono akau haamo, moe nofoaga aloofa, moe buibui oe fakabuloga,

13 Koe balebale, mo hono haamo, mo hono gaahi nāunāu, moe ma oe ao,

14 Koe tuuga māma foki ki he māma, mo hono nāunāu, mo hono gaahi foi māma, moe lolo ki he māma,

15 Moe feilaulauaga oe mea namu kakala, mo hono haamo, moe lolo tākai. moe mea namu kakala, moe buibui ke tautau i he mataba i he huaga oe fale fehikitaki.

16 Koe feilaulauaga oe feilaulau tutu, mo hono mea vagavaga balasa mo hono haamo, mo hono gaahi nāunāu kotoabe, koe sene mo hono tuuga,

17 Koe gaahi buibui tautau oe lotoa, ko hono gaahi bou, mo ho nau gaahi tuuga, moe gaahi buibui tautau ki he mataba oe lotoa,

18 Koe gaahi fa‘o oe fale fehikitaki, moe gaahi fa‘o oe lotoa, mo ho nau gaahi afo,

19 Koe gaahi kofu ki he gaue, ke fai aki ae gaue i he botu tabu, koe gaahi kofu tabu kia Elone koe taulaeiki, moe gaahi kofu ki hono gaahi foha ke gaue aki i he gaue fakataulaeiki.

¶ 20 Bea nae alu ae kakai kotoabe oe fānau a Isileli mei he ao o Mosese.

21 Bea naa nau ha‘u, aia kotoabe nae laga‘i ia e hono loto, mo ia kotoabe kuo fakaloto lelei ia e hono laumalie, o nau omi ae mea ofa kia Jihova ki he gaue oe fale fakatahaaga oe kakai, bea ki hono gaue kotoabe, bea ki he gaahi kofu tabu.

22 Bea naa nau ha‘u, ae tagata moe fefine, akinautolu kotoabe nae loto lelei, o omi ae gaahi vesa, moe gaahi hau, moe gaahi mama, moe gaahi noo, koe teuga koula kotoabe: bea koe tagata kotoabe nae omi mea nae atu ae koula kia Jihova.

23 Bea koe tagata kotoabe, aia nae i ai ae lanumoana, moe bauhiuhi, moe kulaahoaho, moe tubenu tuovalevale, moe fulufulu‘i koji, moe kili‘i sibi tagata kulokula, moe gaahi kili‘i bajia, naa nau omi ia.

24 Koia kotoabe nae atu ha mea ofa i he siliva moe balasa nae omi eia ae mea ofa kia Jihova; bea koe tagata kotoabe, nae iate ia ae akau koe sitimi ki ha gaue e taha i he gaue, nae omi ia.

25 Bea koe kau fefine kotoabe nae loto boto naa nau lalaga aki ho nau nima, o nau omi aia kuo nau lalaga, koe lanumoana moe bauhiuhi, moe kulaahoaho, moe tubenu tuovalevale.

26 Bea moe kau fefine kotoabe aia nae laga‘i akinautolu e ho nau loto i he boto, naa nau fi ae fulufulu‘i koji.

27 Bea nae omi e he kau bule ae gaahi maka oniki, moe gaahi maka ke fonofono aki, ki he efoti, bea ki he jifafatafata;

28 Moe akau nanamu, moe lolo ki he māma, bea ki he lolo tākai, bea ki he mea namu kakala.

29 Nae omi loto lelei be e he fānau a Isileli ae mea ofa kia Jihova, ae tagata moe fefine kotoabe, aia kuo fakafiemalie‘i ia e hono loto ke fetuku ki he gaahi gaue kehekehe kotoabe, aia nae fekau e Jihova ke gaohi e he nima o Mosese.

¶ 30 Bea nae behe e Mosese ki he fānau a Isileli, Vakai, kuo ui e Jihova i hono higoa a Besalili, koe foha o Uli, koe foha o Hua, oe faahiga o Juta.

31 Bea kuo ne fakafonu ia i he laumalie oe Otua, i he boto moe lotomatala, moe faa ilo, i he gaahi gaue fakatufuga kotoabe.

32 Bea ke fakatubu ae gaahi gaue fakabotoboto, ke gaue i he koula, moe siliva, bea i he balasa,

33 Bea i he ta ae gaahi maka ke fono aki, bea i he tātā ae akau, ke fai aki ae gaue fakabotoboto.

34 Bea kuo ne ai ki hono loto koeuhi ke ne akonaki‘i aia mo Aholiabi, koe foha o Ehisamaki, oe faahiga o Tani.

35 Ko kinaua kuo ne fakafonu aki ae boto oe loto, ke fai ae gaahi gaue kotoabe ae tufuga togitogi mea, moe gaue ae tufuga fakabotoboto, bea moe gaahi teuga, i he lanumoana, bea i he bauhiuhi, moe kulaahoaho, bea i he tubenu tuovalevale, bea i he lalaga, o hage ko kinautolu oku fai ha gaue, mo kinautolu oku fakatubu ha gaue fakabotoboto.