¶ 1 BEA nae folofola a Jihova kia Mosese, Alu kia Felo mo ke tala kiate ia, Oku behe mai e Jihova, Tukuage hoku kakai ke alu, koeuhi ke nau tauhi au.

2 Bea kabau e ikai te ke tukuage akinautolu ke alu, vakai, Teu ta‘i ho gaahi botu fonua kotoabe aki ae faga boto:

3 Bea e tubu i he vaitafe ae faga boto o lahi aubito, aia te nau alu hake o hoko ki ho fale, bea ki ho botu mohe, bea ki ho mohega, bea ki he fale o hoo kau tamaioeiki, bea ki hoo kakai, bea ki hoo gaahi gotoumu, bea ki hoo gaahi natuaga ma:

4 Bea e ha‘u ae faga boto o hoko kiate koe, bea ki ho kakai, bea ki hoo kau tamaioeiki kotoabe.

¶ 5 Bea nae folofola a Jihova kia Mosese, Tala kia Elone, Mafao atu ho nima, mo hoo tokotoko ki he gaahi vaitafe jii moe vai tafe lahi, moe gaahi luo vai, koeuhi ke ha‘u ai ae faga boto ki he fonua ko Ijibite.

6 Bea nae mafao atu e Elone hono nima ki he gaahi vai o Ijibite; bea nae alu hake ae faga boto o ufiufi ae fonua ko Ijibite.

7 Bea nae fai behe e he kau fie mana aki e nau gaahi gaue fakalilolilo, o nau omi ae faga boto ki he fonua ko Ijibite.

¶ 8 Bea nae fekau e Felo ke ha‘u a Mosese mo Elone, o ne behe, Mo kole kia Jihova, koeuhi ke ne ave iate au mo hoku kakai ae faga boto: bea teu tukuage ae kakai ke alu, koeuhi ke nau fai ae feiiaulau kia Jihova.

9 Bea beheage e Mosese kia Felo, Ke ke fekau kiate au, be teu fai fakaku ae hu, koeuhi ko koe, mo hoo kau tamaioeiki, bea mo ho kakai, ke fakaauha ae faga boto meiate koe mo ho gaahi fale koeuhi ke nau nofo be ki he vaitafe?

10 Bea behe eia, Abogibogi. Bea behe eia, Ke hoko o hage ko hoo lea: koeuhi ke ke ilo ai oku ikai ha toko taha oku hage ko Jihova ko ho mau Otua.

11 Bea e alu meiate koe ae faga boto, bea mei ho gaahi fale, bea mei hoo kau tamaioeiki, bea mei ho kakai: te nau nofo be i he vaitafe.

12 Bea nae alu a Mosese mo Elone mei he ao o Felo: bea nae tagi a Mosese kia Jihova koe mea i he faga boto, aia naa ne omi kia Felo.

13 Bea nae fai e Jihova o hage koe lea a Mosese; bea nae mate ai ae faga boto mei he gaahi fale, moe gaahi botu kakai, bea mei he gaahi goue.

14 Bea naa nau tanaki fakataha ia ki he gaahi fokotuuga: bea nae namu eho ai ae fonua.

15 Bea kuo mamata a Felo oku ai ae fiefiemalie, naa ne fakafe eka a hono loto, o ne tae tokaga kiate kinaua; o hage koe folofola a Jihova.

¶ 16 Bea nae folofola a Jihova kia Mosese, Tala kia Elone, Mafao atu ho tokotoko, o ta‘i aki ia ae efu oe fonua, koeuhi ke hoko ia koe faga kutu i he fonua kotoabe o Ijibite.

17 Bea naa na fai ia; he nae mafao atu e Elone hono nima moe tokotoko, o ne ta‘i ae efu oe kelekele, bea nae liliu ia koe kutu i he tagata moe manu; koe efu kotoabe oe fonua nae hoko ia koe faga kutu i he fonua kotoabe o Ijibite.

18 Bea nae fai e he kau fie mana ke fakatubu ae kutu aki e nau gaue fakalilolilo ka nae ikai te nau lava‘i: bea nae ai ae kutu i he tagata moe manu.

19 Bea behe ai e he kau fie mana kia Felo, Koe louhi‘i nima eni oe Otua: ka kuo fefeka ae loto o Felo, bea nae ikai tokaga ia kiate kinaua; o hage koe folofola a Jihova.

¶ 20 Bea nae folofola a Jihova kia Mosese, Tuu hegihegi hake abogibogi, o tuu i he ao o Felo; vakai, oku ha‘u ia ki he vai; o tala kiate ia, oku behe mai a Jihova, Tukuage hoku kakai ke alu, koeuhi ke nau tauhi au.

21 Bea kabau e ikai te ke tukuage hoku kakai, vakai, teu fekau ae gaahi fuifui lago kehekehe kiate koe, bea ki hoo kau tamaioeiki, bea ki ho kakai, bea ki ho gaahi fale: bea koe gaahi fale oe kakai Ijibite e fonu i he gaahi fuifui lago, bea moe kelekele foki oku nau tuu ai.

22 Bea teu vahe‘i i he aho koia ae fonua ko Koseni, aia oku nofo ai hoku kakai, e ikai ha fuifui lago i ai; koeuhi ke ke ilo ai ko au ko Jihova i he lotolotoga o mamani.

23 Bea teu ai ae vahaa i hoku kakai mo ho kakai: e hoko abogibogi ae fakailoga ni.

24 Bea nae fai ia e Jihova: bea nae ha‘u ae fuifui lago fakamamahi ki he fale o Felo, moe gaahi fale o ene kau tamaioeiki, bea ki he fonua kotoabe o Ijibite: bea nae maumau ae fonua koe mea i he gaahi fuifui lago.

¶ 25 Bea fekau e Felo ke ha‘u a Mosese mo Elone, o ne behe, Mo o, o feilaulau ki ho mou Otua i he fonua.

26 Bea talaage e Mosese, Oku ikai lelei ke fai behe: he te mau feilaulau aki ae mea oku fakalilia ai ae kakai Ijibite, kia Jihova ko ho mau Otua: vakai, kabau te mau feilaulau aki ae mea oku fakalilia ai ae kakai Ijibite, i ho nau ao, bea ikai te nau tologaki aki akimautolu ae maka?

27 Te mau alu koe fonogaaga oe aho e tolu ki he toafa, ke feilaulau kia Jihova ko ho mau Otua, o hage ko ene fekau kiate kimautolu.

28 Bea behe e Felo, Teu tuku ke mou alu, koeuhi ke mou feilaulau kia Jihova, ko ho mou Otua i he toafa: ka e ikai te mou alu mamao atu: koia mou hufia au.

29 Bea behe e Mosese, Vakai, oku ou alu meiate koe, bea teu hu kia Jihova koeuhi ke alu ae gaahi fuifui lago ia Felo, bea mei he ene kau tamaioeiki, bea mei hono kakai abogibogi: kae oua naa toe fai fakakākā e Felo i he taofi ae kakai ke oua naa alu ke feilaulau kia Jihova.

30 Bea nae alu kitua a Mosese mei a Felo, o ne hu kia Jihova.

31 Bea nae fai e Jihova o hage koe lea a Mosese: o ne ave ae gaahi fuifui lago mei a Felo, bea mei he ene kau tamaioeiki, bea mei hono kakai; nae ikai kei toe ha taha.

32 Bea nae fakafefeka hono loto e Felo i he aho koia foki, bea nae ikai te ne tuku ae kakai ke alu.