¶ 1 BEA ko Natabi mo Abiu koe ogo foha o Elone, naa na taki taha too ene ibu aiaga afi, o ai ae afi ki ai, bea ai ae mea nanamu ki ai, o na atu ae afi kehe i he ao o Jihova, aia nae fekau eia ke oua naa fai.

2 Bea nae oho atu ae afi mei a Jihova, bea na vela ai, bea mate akinaua i he ao o Jihova.

3 Bea behe e Mosese kia Elone, Ko eni ia nae folofola aki e Jihova, o behe, E abajia iate au akinautolu oku unuunu mai kiate au, bea e fakahikihiki au i he ao oe kakai kotoabe. Bea nae logobe a Elone.

4 Bea nae ui e Mosese ke ha‘u a Misaeli, mo Elisafani, koe ogo foha o Usaeli koe tuajina o Elone, o ne behe kiate kinaua, Mo omi ke ofi, o fua ho mou kaiga mei he ao oe fale fehikitaki kituaa i he abitaga.

5 Bea naa na unuunu atu, o na fua ia i ho na kofu kituaa i he abitaga; o hage koe fekau a Mosese.

6 Bea behe e Mosese kia Elone mo hono ogo foha ko Eliesa mo Itama, Oua naa too ae tatā mei ho mou ulu, bea oua naa hae ho mou kofu; telia naa mou mate, bea telia naa to ae houhau ki he kakai kotoabe: kae tuku ki ho mou gaahi kaiga koe fale kotoa o Isileli, ke nau tegihia ae vela kuo tutu e Jihova.

7 Bea oua naa mou alu kituaa i he mataba oe fale fehikitaki oe kakai, telia naa mou mate: he koe lolo tākai a Jihova oku iate kimoutolu. Bea naa nau fai o hage koe lea a Mosese.

¶ 8 Bea nae folofola a Jihova kia Elone, o behe,

9 Oua naa ke inu uaine be ha inu malohi, akoe, be ko ho gaahi foha mo koe, oka mou ka hu ki he fale fehikitaki oe kakai, telia naa mou mate: koe fekau ia e fai mau ai be i ho mou gaahi toutagata kotoabe:

10 Bea koeuhi ke mou ai ae fakailoga kehekehe, i he mea maonioni, moe mea tae maonioni, bea ki he mea tae maa, moe mea maa;

11 Bea koeuhi ke mou ako aki ki he fānau a Isileli, ae gaahi fekau kotoabe aia kuo folofola aki e Jihova kiate kinautolu i he nima o Mosese.

¶ 12 Bea nae lea a Mosese kia Elone, bea mo Eliesa mo Itama, ko hono ogo foha nae toe, o behe, Too ae feilaulau meakai, aia oku toe i he gaahi feilaulau kia Jihova oku tutu i he afi, bea kai ia tae fakalevani i he botu oe feilaulauaga: he oku fugani maonioni ia:

13 Bea mou kai ia i he botu tabu, he ko ho inaji ia, moe inaji o ho gaahi foha, i he gaahi feilaulau tutu kia Jihova: he oku behe be ae fekau kiate au.

14 Bea koe fatafata taaloalo moe alaganima hiki hake te mou kai i he botu maa; akoe, mo ho gaahi foha, mo ho gaahi ofefine mo koe: he ko ho inaji ia, moe inaji o ho gaahi foha, aia kuo foaki mei he gaahi feilaulau oe feilaulau fakamelino oe fānau a Isileli.

15 Koe alaganima hiki hake, moe fatafata taaloalo te nau omi fakataha moe gaahi feilaulau moe gako oku tutu i he afi, ke taaloalo aki ia koe mea atu taaloalo i he ao o Jihova: bea e iate koe ia, mo ho gaahi foha mo koe, i he tuutuuni taegata; o hage koe fekau a Jihova.

¶ 16 Bea nae kumi lahi e Mosese ki he koji oe feilaulau ma ae agahala, bea vakai, kuo tutu ia: bea nae ita ai ia kia Eliesa mo Itama, koe ogo foha o Elone, aia nae moui mo toe, o behe,

17 Koeha nae ikai te mou kai ai ae feilaulau ma ae agahala i he botu maonioni, he koeuhi oku fugani maonioni ia, bea kuo foaki ia e he Otua kiate kimoutolu ke mou fua ae hia ae kakai oe fakataha, ke fai aki ae fakalelei maa nautolu i he ao o Jihova?

18 Vakai, nae ikai omi hono toto ki loto i he botu maonioni: koe mooni nae totonu hoo mou kai ia i he botu maonioni, o hage ko eku fekau.

19 Bea behe e Elone kia Mosese, Vakai, kuo nau atu he aho ni e nau feilaulau ma ae agahala moe nau feilaulau tutu i he ao o Jihova: bea kuo to ae gaahi mea behe ni kiate au: bea ka neu kai he aho ni ae feilaulau ma ae agahala, bea he e lelei ia i he ao o Jihova?

20 Bea i he fanogo a Mosese ki ai, naa ne fiemalie.