¶ 1 BEA nae folofola a Jihova kia Mosese, o behe,

2 Ko eni ae fono ki he kilia i he aho o hono fakamaa: E omi ia ki he taulaeiki:

3 Bea e alu ae taulaeiki ki tuaa i he abitaga; bea e mamata ae taulaeiki, bea vakai, be kuo moui ae mahaki koe kilia i he kilia;

4 Bea e toki fekau e he taulaeiki ke too maana eia oku teu fakamaa, ae manu jii e ua oku moui mo maa, moe akau koe sita, moe kulaahoaho, moe isobe:

5 Bea e fekau e he taulaeiki ke tamate‘i ae manu e taha i ha ibu umea i oluga i he vai tafe.

6 Bea koe manu moui, e too eia ia, moe akau koe sita, moe kulaahoaho, moe isobe, bea e unu ia moe manu moui ki he toto oe manu nae tamate‘i i oluga i he vai tafe,

7 Bea te ne luluku aki ia aia oku fakamaa mei he kilia, ke liuga fitu, bea fakaha oku maa ia, bea e tukuage ae manu moui ke alu ki he ataatā oe fonua.

8 Bea e fo eia oku teu fakamaa a hono gaahi kofu, bea e tekefua ia bea kaukau ia i he vai, koeuhi ke maa ai ia: bea hili ia, e ha‘u ia ki he abitaga, bea toe tatali mamao mei hono fale fehikitaki i he aho e fitu.

9 Bea ka hokojia a hono fitu oe aho, e tele eia ae louulu mei hono ulu kotoa mo hono kava, mo hono tuotua mata, io, e tele hono fulufulu kotoabe: bea e fo eia hono gaahi kofu, bea kaukau mo hono jino i he vai, bea e maa ia.

10 Bea i hono valu oe aho te ne too eia ha lami tagata e ua tae haa na mele, moe lami fefine e taha oe uluaki ta‘u tae hano mele, moe oma e tolu oe mahoaa lelei koe feilaulau meakai, kuo fefiofi moe lolo, moe lolo koe fua jii e taha.

11 Bea koe taulaeiki oku ne fakamaa ia, e atu eia ae tagata oku teu ke fakamaa moe gaahi mea ni, i he ao o Jihova, i he mataba oe fale fehikitaki oe kakai:

12 Bea e too e he taulaeiki ae lami tagata e taha, o atu ia koe feilaulau ma ae agahala, moe fua jii oe lolo, bea taaloalo aki ia koe feilaulau taaloalo ia kia Jihova:

13 Bea te ne tamate‘i ae lami i he botu aia oku ne tamate‘i ai ae feilaulau ma ae agahala moe feilaulau tutu, i he botu maonioni: he oku hage oku oe taulaeiki ae feilaulau ma ae agahala, bea oku behe be foki ae feilaulau ma ae fai hala: koe mea maonioni lahi ia:

14 Bea e too e he taulaeiki ae toto oe feilaulau ma ae fai hala, bea e ai ia e he taulaeiki ki he botu i oluga oe teliga toomatau o ia oku fakamaa, bea ki he motua nima o hono nima toomatau, bea ki he motua va‘e oe va‘e toomatau:

15 Bea e too e he taulaeiki ae lolo mei he fua jii oe lolo, o ligi ia ki he aofi nima o hono nima toohema oona:

16 Bea e ai e he taulaeiki ae tuhu o hono nima toomatau ki he lolo oku i hono nima toohema, bea e luluku ae lolo aki hono tuhu ke liuga fitu i he ao o Jihova:

17 Bea e ai e he taulaeiki, mei he toe oe lolo oku i hono nima, ki he botu i oluga oe teliga toomatau o ia oku fakamaa, bea ki he motua nima o hono nima toomatau, bea ki he motua va‘e o hono va‘e toomatau, bea ki he toto oe feilaulau ma ae fai hala:

18 Bea ko hono toe oe lolo oku i he nima oe taulaeiki e ligi ia ki he ulu o ia oku fakamaa: bea e fai ae fakalelei maana e he taulaeiki i he ao o Jihova.

19 Bea e atu e he taulaeiki ae feilaulau ma ae agahala, o fai ae fakalelei maana aia oku teu fakamaa mei he ene tae maa: bea hili ia e tamate‘i eia ae feilaulau tutu:

20 Bea e atu e he taulaeiki ae feilaulau tutu moe feilaulau meakai i he feilaulauaga: bea e fai ae fakalelei maana e he taulaeiki, bea e maa ai ia.

21 Bea kabau oku majiva ia, bea e ikai faa ma‘u eia ha mea lahi behe: e toki too eia ha lami e taha be ki he feilaulau ma ae fai hala, ke taaloalo aki, ke fai ae fakalelei maana, moe oma e taha oe mahoaa lelei kuo feligiaki ae lolo, koe feilaulau meakai, moe fua jii e taha oe lolo;

22 Moe kulukulu e ua, be koe lube mui e ua, o hage ko ene faa ma‘u; bea koe feilaulau ma ae agahala ae taha, bea koe taha koe feilaulau tutu.

23 Bea te ne omi ia ki he taulaeiki i hono valu oe aho o hono fakamaa, ki he mataba oe fale fehikitaki oe kakai i he ao o Jihova.

24 Bea e too e he taulaeiki ae lami ki he feilaulau ma ae fai hala, moe fua jii oe lolo, bea e taaloalo aki ia e he taulaeiki koe feilaulau taaloalo kia Jihova:

25 Bea e tamate‘i eia ae lami ki he feilaulau ma ae fai hala, bea e too e he taulaeiki ae toto oe feilaulau ma ae fai hala, o ai ia ki he botu i oluga oe teliga toomatau o ia oku fakamaa, bea ki he motua nima o hono nima toomatau, bea ki he motua va‘e o hono va‘e toomatau:

26 Bea e ligi e he taulaeiki ae lolo ki hono aofinima toohema oona:

27 Bea e luluku aki hono tuhu toomatau e he taulaeiki ae toto oku i hono nima toohema ke liuga fitu i he ao o Jihova.

28 Bea e ai e he taulaeiki ae lolo oku i hono nima ki he botu i oluga oe teliga toomatau o ia oku fakamaa, bea ki he motua nima o hono nima toomatau, bea ki he motua va‘e o hono va‘e toomatau, i he botu oe toto oe feilaulau ma ae fai hala:

29 Bea ko hono toe oe lolo oku i he nima oe taulaeiki e ligi eia ia ki he ulu o ia oku fakamaa, ke fai ae fakalelei maana i he ao o Jihova.

30 Bea te ne atu eia ha kulukulu e taha, be ha lube mui, o tatau mo ene faa ma‘u;

31 Koia oku ne faa ma‘u, koe taha koe feilaulau ma ae agahala, koe taha ki he feilaulau tutu, moe feilaulau meakai: bea e fai ae fakalelei e he taulaeiki maana, aia oku fai ke fakamaa i he ao o Jihova.

32 Ko eni ae fono kiate ia oku i ai ae mahaki koe kilia, bea oku ikai mafai e hono nima ke ma‘u aia oku kau ki hono fakamaa.

¶ 33 Bea nae folofola a Jihova kia Mosese mo Elone, o behe,

34 Oka mou ka hoko atu ki he fonua ko Kenani, aia oku ou foaki kiate kimoutolu ke mou ma‘u, beau ai ae mahaki koe kilia ki ha fale i ho mou fonua:

35 Bea ka ha‘u ia oku oona ae fale o tala ki he taulaeiki, o behe, Oku ha kiate au o hage oku ai ae mahaki koe kilia i he fale:

36 E toki fekau leva e he taulaeiki ke nau fetuku ae mea kotoabe mei he fale i he teeki hu ki ai ae taulaeiki ke mamata ki he mahaki, telia naa hoko o tae maa aia kotoabe oku i he fale: bea e toki alu ki ai ae taulaeiki ke mamata ki he fale:

37 Bea te ne jio ki he mahaki, bea vakai, kabau oku i he gaahi holiji oe fale ae mahaki kuo matohitohi luoluo, bea lanu louakau mata, be kulokula, aia oku matamata luoluo i he  fuga holiji:

38 Bea e toki alu kitua fale ae taulaeiki ki he mataba oe fale, bea tabuni ae fale i he aho e fitu:

39 Bea e toe ha‘u ae taulaeiki i hono fitu oe aho, bea mamata: bea vakai, kabau kuo totolo ae mahaki i he holiji oe fale;

40 E toki fekau e he taulaeiki ke nau too o ave ae gaahi maka oku i ai ae mahaki, o li ia ki he botu tae maa i tuaa i he kolo:

41 Bea e fekau eia ke teletele kotoa ae lahe oe loto fale o oji, bea ke nau liligi ae efu oku nau teletele mei ai ki he botu tae maa i tuaa i he kolo:

42 Bea te nau too ae gaahi maka kehe o ai ke fetogi aki ae gaahi maka koia; bea e omi eia ae lahe kehe, ke aofi aki ae fale:

43 Bea kabau e toe ha‘u ae mahaki o tubu i he fale, hili a ene too o ave ae gaahi maka, bea hili a ene teletele ae fale, bea hili hono toe aofi ia;

44 E toki ha‘u ae taulaeiki o mamata, bea vakai, kabau oku tubu o totolo atu ae mahaki, koe kilia tubu kovi ia i he fale: oku tae maa ia.

45 Bea e holoki hifo eia ae fale, a hono gaahi maka, moe gaahi akau o ia, moe lahe kotoabe oe fale; bea fetuku kotoabe ia ki tuaa i he kolo ki ha botu tae maa.

46 Bea iloga aia e hu ki he fale i he lolotoga a hono tabuni e tae maa ia o a‘u ki he efiafi.

47 Bea koia e mohe i he fale e fo eia hono gaahi kofu; bea koia oku kai i he fale e fo eia hono kofu.

48 Bea kabau e ha‘u ae taulaeiki, o mamata ki ai, hili hono aofi ae fale, bea vakai, oku teeki totolo ae mahaki: bea e toki fakaha e he taulaeiki oku maa ae fale, koeuhi kuo mahui ae mahaki.

49 Bea te ne too eia ke fahamaa ae fale ae uhiki‘i manubuna e ua, moe akau koe sita, moe kulaahoaho, moe isobe;

50 Bea te ne tamate‘i ae manubuna e taha i he ibu umea i oluga i ha vai oku tafe.

51 Bea e too eia ae akau koe sita, moe isobe, moe kulaahoaho, moe manubuna moui, o unu ia i he toto oe manu kuo tamate‘i, bea ki he vai oku tafe, bea e luluku aki ia ae fale ke liuga fitu:

52 Bea te ne fakamaa ae fale aki ae toto oe manu, moe vai oku tafe, bea moe manu moui, moe akau koe sita, bea moe isobe, bea moe kulaahoaho:

53 Ka e tukuage eia ae manubuna moui mei he kolo ki he ataatā oe fonua, bea fai ae fakalelei ma ae fale: bea e maa ia.

54 Ko eni ae fono ki he mahaki kehekehe oe kilia, moe kama,

55 Bea ki he kilia oe kofu, bea moe fale,

56 Bea ki he hagatamaki bubula, bea ki he mogumagu, bea ki he ila gigila;

57 Ke fakaha ene tae maa mo ene maa; ko eni ae fono oe kilia.