Ko hono tolu oe Tohi a Mosese oku ui Koe Tohi oe Fono Fakalotu, be ko Levitiko

¶ 1 BEA nae ui a Jihova kia Mosese, o folofola kiate ia mei he fale fehikitaki oe kakai, o behe,

2 Lea ki he fānau a Isileli, o tala kiate kinautolu, Kabau oku ai ha tagata iate kimoutolu oku omi ha mea ofa kia Jihova, te mou omi hoo mou mea ofa i he faga manu, io, i he faga manu lalahi, moe faga manu jii.

3 Kabau koe feilaulau tutu mei he faga manu lalahi a ene mea ofa, tuku ke ne atu ae manu tagata tae hano mele, te ne atu ia i hono loto lelei be i he mataba oe fale fehikitaki oe kakai, i he ao o Jihova.

4 Bea te ne hilifaki hono nima ki he ulu oe feilaulau tutu; bea e ma‘u ia mei ai koeuhi ke fai aki ae fakalelei maana.

5 Bea e tamate‘i eia ae bulu tagata i he ao o Jihova: bea koe kau taulaeiki koe gaahi foha o Elone, te nau omi ae toto, bea luluku ae toto o fakatakatakamilo i he feilaulauaga, aia oku ofi ki he mataba oe fale fehikitaki oe kakai.

6 Bea te ne fohi‘i ae feilaulau tutu, bea tafa ia o mavahevahe.

7 Bea koe gaahi foha o Elone koe kau taulaeiki, te nau ai ae afi ki he feilaulauaga, bea hili totonu ae fefie ki he afi:

8 Bea koe kau taulaeiki, koe gaahi foha o Elone, te nau hili totonu ae gaahi koga, koe ulu, moe gako ki he fefie aia oku i he afi i he feilaulauaga:

9 Ka ko hono tootooga mo hono kauva‘e e fufulu aki ae vai: bea e tutu kotoabe e he taulaeiki i he feilaulauaga, koe feilaulau tutu, koe feilaulau kuo gaohi aki ae afi, koe mea namu kakala kia Jihova.

¶ 10 Bea kabau oku omi mei he faga manu jii ene mea ofa, i he faga sibi, be i he faga koji, koeuhi koe feilaulau tutu; te ne omi ia koe manu tagata tae hano mele.

11 Bea te ne tamate‘i ia i he botu fakatokelau oe feilaulauaga i he ao o Jihova: bea e luluku aki hono toto e he kau taulaeiki, koe gaahi foha o Elone o takatakai i he fuga feilaulauaga.

12 Bea te ne tafa ia ki hono gaahi koga, mo hono ulu mo hono gako: bea e hili totonu ia e he taulaeiki i he fefie, aia oku i he afi i he fuga feilaulauaga:

13 Ka e fufulu eia hono tootooga mo hono kauva‘e aki ae vai: bea e omi kotoabe ia e he taulaeiki, o tutu ia i he feilaulauaga: koe feilaulau tutu ia, koe feilaulau kuo gaohi aki ae afi, koe mea namu kakala kia Jihova.

¶ 14 Bea kabau ko ene feilaulau kia Jihova, koe manu buna ki he ene feilaulau tutu, bea te ne omi ae kulukulu e ua, be koe lube mui e ua.

15 Bea e omi ia e he taulaeiki ki he feilaulauaga, o motuhi hono ulu, o tutu ia i he feilaulauaga; bea e tatau hono toto i he botu oe feilaulauaga:

16 Bea te ne too mai hono gakau mo hono fulufulu, o li ia ki he botu hoboagalaa oe feilaulauaga o ofi ki he botu oe efuefu.

17 Bea te ne fahiua ia mo hono kabakau, kae oua naa motuua ia; bea e tutu ia e he taulaeiki i he feilaulauaga, ki he fefie oku i he afi; koe feilaulau tutu ia, koe feilaulau kuo gaohi aki ae afi, koe mea namu kakala kia Jihova.