¶ 1 BEA nae folofola a Jihova kia Mosese mo Elone, o behe,

2 Lea ki he fānau a Isileli, o behe kiate kinautolu, Oka mahaki ae tagata i he au a hono jino, ko ene au koia oku tae maa ai ia.

3 Bea ko hono tae maa eni o ene au; be kuo au hono jino i he ene mahaki, be kuo matuu mei hono jino; ko ene tae maa ia.

4 Koe mohega kotoabe oku mohe ai aia oku iate ia ae au, oku tae maa ia; bea koe mea kotoabe oku nofo ai ia, oku tae maa ia.

5 Bea koia e ala ki hono mohega e fo eia hono kofu, bea kaukau i he vai, bea e tae maa ia o a‘u ki he efiafi.

6 Bea koia oku nofo i ha mea nae nofo ai aia oku iate ia ae au, e fo eia hono kofu, bea kaukau i he vai, bea e tae maa ia, o a‘u ki he efiafi.

7 Bea koia oku lave ki he jino o ia oku iate ia ae au, e fo eia hono kofu, bea kaukau i he vai, bea e tae maa ia o a‘u ki he efiafi.

8 Bea kabau e aanu aia oku iate ia ae au kiate ia oku maa; bea e fo eia hono kofu, bea kaukau i he vai, bea e tae maa ia o a‘u ki he efiafi.

9 Bea iloga ha mea hekaaga oku heka ai aia oku iate ia ae au e tae maa ia.

10 Bea koia e ala ki ha mea nae i lalo iate ia, e tae maa ia o a‘u ki he efiafi: bea koia oku‘ne fua ae mea koia, e fo eia hono gaahi kofu, bea kaukau hono jino i he vai, bea e tae maa ia o a‘u ki he efiafi.

11 Bea iloga aia oku ala ki ai aia oku moua i he mahaki koe au, bea nae ikai fanofano hono nima, e fo eia hono kofu, bea kaukau ia i he vai, bea e tae maa ia o a‘u ki he efiafi.

12 Bea koe ibu umea oku ala ki ai aia oku iate ia ae au, e foa ia: bea koe ibu akau kotoabe e fufulu ia i he vai.

13 Bea ka fakamaa ia mei he ene au, aia nae mahaki ai: e toki lau kiate ia ae aho e fitu mo ono fakamaa, bea e fo hono gaahi kofu, bea kaukau hono jino i he vai oku tafe, bea maa ai.

14 Bea i hono valu oe aho e too eia kiate ia ae kulukulu e ua, be koe lube mui e ua, bea e ha‘u ia ki he ao o Jihova ki he mataba oe fale fehikitaki oe kakai, o atu ia ki he taulaeiki:

15 Bea e atu ia e he taulaeiki, koe taha koe feilaulau ma ae agahala, koe taha kehe koe feilaulau tutu; bea koeuhi ko ene au e fai ae fakalelei e he taulaeiki maana i he ao o Jihova.

16 Bea kabau e au noa mei he tagata hono huhua fakatagata bea e kaukau eia hono jino kotoa, bea e tae maa ia o a‘u ki he efiafi.

17 Bea koe kofu kotoabe, moe kili kotoabe, aia oku i ai ae mea, e fo ia i he vai, bea e tae maa ia o a‘u ki he efiafi.

18 Bea koe fefine foki aia e mohe ki ai ae tagata, ke na kaukau fakatouoji be i he vai, bea ke na tae maa o a‘u ki he efiafi.

¶ 19 Bea kabau oku mahaki ae fefine i he au, bea koe mahaki i hono jino koe au toto, e tuku tokotaha ia ke aho fitu: bea koia e lave kiate ia e tae maa ia o a‘u ki he efiafi.

20 Bea koe mea kotoabe oku tokoto ki ai ia i he ene vahe‘i e tae maa ia; bea koe mea kotoabe oku nofo ki ai ia e tae maa ia.

21 Bea koia e ala ki hono mohega, e fo eia hono gaahi kofu, bea kaukau i he vai, bea e tae maa ia o a‘u ki he efiafi.

22 Bea koia oku ala ki ha mea nae nofo ki ai ia, e fo eia hono kofu, bea kaukau i he vai, bea e tae maa ia o a‘u ki he efiafi.

23 Bea kabau oku i hono mohega ae mea, be i ha mea e taha oku nofo ia ki ai, i he ene ala ki ai, e tae maa ai ia o a‘u ki he efiafi.

24 Bea kabau oku mohe ha tagata kiate ia, bea hoko hono mahaki kiate ia, e tae maa ia i he aho e fitu; bea moe mohega kotoabe oku mohe ai ia e tae maa ia.

25 Bea kabau oku mahaki ae fefine i he au oe toto i he aho oku lahi hake i he gaahi aho o hono vahe‘i, bea kabau oku fai ai be ia hili ae gaahi aho oe vahe‘i: koe gaahi aho kotoabe o ene mahaki tae maa e tatau be ia moe gaahi aho o hono vahe‘i: e tae maa ia.

26 Koe mohega kotoabe oku ne mohe ai i he gaahi aho o ene mahaki e tatau ia kiate ia moe mohega o hono vahe‘i: bea koia e nofo ki ai ia e tae maa, o hage koe tae maa o hono vahe‘i.

27 Bea koia e ala ki he gaahi mea ni, e tae maa ia, bea e fo hono kofu, bea kaukau ia i he vai, bea e tae maa ia o a‘u ki he efiafi.

28 Bea kabau kuo fakamaa ia mei hono mahaki, e toki lau eia kiate ia ae aho e fitu, bea hili ia, e toki maa ia.

29 Bea i hono valu oe aho te ne too eia ae kulukulu e ua, be koe lube mui e ua, o omi ia ki he taulaeiki, ki he mataba oe fale fehikitaki oe kakai.

30 Bea e atu e he taulaeiki ae taha koe feilaulau ma ae agahala, moe taha koe feilaulau tutu; bea e fai e he taulaeiki ae fakalelei maana i he ao o Jihova koeuhi koe mahaki o ene tae maa.

31 Te mou vahe‘i behe be ae fānau a Isileli mei he e nau tae maa; telia naa nau mate i he e nau tae maa, i he e nau uli‘i hoku fale fehikitaki oku iate kinautolu.

32 Ko eni ae fono o ia oku iate ia ae au, mo ia oku au noa meiate ia hono huhua, bea ne tae maa ai.

33 Bea moe  fefine oku mahaki i hono mahaki, mo ia oku iate ia ae au noa, be koe tagata, be koe fefine, bea mo ia oku mohe kiate ia oku tae maa.