¶ 1 BEA nae folofola a Jihova kia Mosese mo Elone, o behe,

2 Oka tubu i ha tagata i he kili o hono jino ha mea bubula, ha mogumagu, be ha ila gigila, bea oku i he kili o hono jino ia o hage koe mahaki koe kilia; e omi ai ia ki he taulaeiki ko Elone, be ki ha toko taha o hono gaahi foha oku taulaeiki.

3 Bea e jio ae taulaeiki ki he mahaki i he kili oe jino: bea kabau kuo liliu o hinehina ae fulufulu i he hagatamaki, bea oku a‘u hifo ki lalo i he kili o hono jino ae mahaki, koe mahaki ia koe kilia: bea e vakai kiate ia e he taulaeiki, o ne fakaha koe tae maa ia.

4 Kabau oku hinehina ae ila gigila i he kili oe jino, bea ha ia ka oku ikai i lalo i he kili, bea oku heeki liliu o hinehina ae fulufulu i ai; e toki tuku ia oku mahaki e he taulaeiki ke nofo mau ki fale i he aho e fitu:

5 Bea e mamata kiate ia ae taulaeiki i hono fitu oe aho: bea vakai, kabau oku ne jio oku behe be ae mahaki, ka oku teeki tubu o mafola i he kili: e toe tuku ia e he taulaeiki ki ha fale tabuni ke aho fitu:

6 Bea e toe mamata kiate ia e he taulaeiki i hono fitu oe aho: bea vakai, kabau oku mata uliuli ae hagatamaki, bea oku ikai tubu ke mafola atu i he kili, e fakaha ia e he taulaeiki oku maa: koe mogumagu be ia: bea e fo eia a hono gaahi kofu o maa ai.

7 Bea kabau e totolo atu o lahi ae mogumagu i he kili, hili hono mamata kiate ia e he taulaeiki i hono fakamaa, e toe mamata ae taulaeiki kiate ia:

8 Bea kabau oku mamata ae taulaeiki, bea vakai, oku tubu o totolo atu be ae mogumagu i he kili, e toki fakaha ia e he taulaeiki koe tae maa: koe kilia ia.

¶ 9 Oka hoko ki he tagata ae mahaki koe kilia, e omi ai ia ki he taulaeiki;

10 Bea e mamata ae taulaeiki kiate ia: bea vakai, kabau oku hinehina ae mea kuo tubu hake i‘he kili, bea kuo ne liliu ae fulufulu ke hinehina, bea oku tuu i he hagatamaki ae mata‘i kakano oku kalakalaia,

11 Koe kilia fuoloa ia i he kili oe kakano, bea e fakaha ia e he taulaeiki koe tae maa, bea e ikai tabuni ia ki fale: he oku tae maa ia.

12 Bea kabau e tubu o lahi ha kilia i tua i he kili, bea tubu ae kilia o ne ufiufi ae kili kotoabe o ia oku mahaki, mei hono ulu o a‘u ki he va‘e, i he botu kotoabe oku jio ki ai ae taulaeiki;

13 Behe e fifili ki ai ae taulaeiki: bea vakai, kabau kuo ufiufi e he kilia ae jino kotoa, te ne fakaha oku maa ia aia oku mahaki: kuo liliu ia o hinehina kotoabe: oku maa ia.

14 Ka oka ha ae kano mate kalakalaia iate ia e tae maa ia.

15 Bea e mamata ae taulaeiki ki he kano mate kalakalaia, o ne fakaha oku tae maa ia: he koe kano mate kalakalaia oku tae maa ia: koe kilia ia.

16 Bea kabau e toe liliu ae kano mate kalakalaia bea toe liliu ia o hinehina, e toe ha‘u ia ki he taulaeiki;

17 Bea e mamata kiate ia ae taulaeiki, bea vakai, kabau kuo liliu ae mahaki o hinehina; bea e toki fakaha e he taulaeiki oku maa ia aia oku mahaki: oku maa ia.

¶ 18 Bea koe jino foki aia nae i ai i hono kili ae vakafoha, bea kuo moui,

19 Bea i he botu nae i ai ae vakafoha oku tubu ai ae mea hinehina, be koe ila gigila, oku hinehina, bea mata fakakulokula, bea oku fakaha ia ki he taulaeiki:

20 Bea oka mamata ki ai ae taulaeiki, bea kabau oku ha ia o maulalo i he kili, bea liliu o hinehina ae gaahi fulufulu i ai; e fakaha ia e he taulaeiki koe tae maa: koe mahaki ia koe kilia kuo tubu mei he vakafoha.

21 Bea kabau oku mamata ki ai ae taulaeiki, bea vakai, oku ikai ha fulufulu hinehina i ai, bea kabau oku ikai i lalo ia i he kili, ka oku mata uliuli: bea e toki tuku ia ki ha fale tabuni e he taulaeiki i he aho fitu:

22 Bea kabau e totolo lahi i he kili, e fakaha ia e he taulaeiki koe tae maa: koe mahaki ia.

23 Bea kabau oku tuu behe ai be ae ila gigila, bea ikai totolo atu, koe vakafoha kalakalaia ia; bea e fakaha ia e he taulaeiki koe maa.

¶ 24 Bea kabau e ai ha kakano i he kili oku vela lahi, bea tuu i he kano mate oku vela ae ila hinehina gigila, oku mata fakakulokula, be hinehina;

25 E toki jio ki ai ae taulaeiki: bea vakai, kabau kuo liliu o hinehina ae fulufulu i he ila gigila, bea ha i lalo i he kili; koe kilia ia kuo tubu mei he mea kalakala: koia, e fakaha ia e he taulaeiki koe tae maa: koe mahaki ia koe kilia.

26 Bea kabau oku mamata ki ai e he taulaeiki, bea vakai, oku ikai ha fulufulu hinehina i he ila gigila, bea oku ikai i lalo i he kili, ka oku matamata uliuli jii ia; e toki tabuni ia e he taulaeiki  ki fale i he aho e fitu:

27 Bea e mamata kiate ia ae taulaeiki i hono fitu oe aho: bea kabau kuo totolo lahi atu ia i he kili, e fakaha ia e he taulaeiki oku tae maa: koe mahaki koe kilia.

28 Bea kabau oku tuu i he botu be taha ae ila gigila ka oku ikai totolo atu i he kili, ka oku matamata uliuli ia: koe mea tubu be ia i he ene kalakala, bea e fakaha ia e he taulaeiki oku maa: he koe hagatamaki ia i he ene kalakalaia.

¶ 29 Kabau oku tubu i ha tagata be i ha fefine ae mahaki i he ulu be i he kava;

30 E mamata ai e he taulaeiki ki he mahaki: bea vakai, kabau oku ha mai ia ki lalo i he kili; bea oku i ai ha tuoni fulufulu melomelo fuo iki; e toki fakaha e he taulaeiki oku tae maa ia: koe kama momoa ia, io, koe kilia oe ulu be oe kava.

31 Bea kabau oku mamata e he taulaeiki ki he mahaki koe kama, bea vakai, oku ikai ha mai ia i lalo i he kili, bea oku ikai i ai ha fulufulu uliuli; e toki tabuni  ki fale e he taulaeiki aia oku mahaki i he kama i he aho e fitu:

32 Bea e mamata e he taulaeiki i hono fitu oe aho ki he mahaki: bea vakai, kabau oku ikai totolo atu ae kama, bea oku ikai i ai ha fulufulu melomelo, bea oku ikai matamata i lalo i he kili ae kama.

33 E fafai ia ka e ikai fafai ae kama: bea e toe tabuni  ki fale aia oku kama i he aho e fitu:

34 Bea e mamata ae taulaeiki ki he kama i hono fitu oe aho: bea vakai, kabau oku ikai totolo ae kama i he kili, bea ikai ha i lalo i he kili; e toki fakaha e he taulaeiki oku maa ia: bea ke fo eia hono gaahi kofu, bea e maa ai ia.

35 Bea kabau oku totolo lahi ae kama i he kili oka hili hono fakamaa:

36 Bea e mamata kiate ia ae taulaeiki: bea vakai, kabau kuo totolo ae kama i he kili, oua naa kumi e he taulaeiki ki he fulufulu melomelo; oku tae maa ia.

37 Bea kabau oku ha mai ae kama oku behe ai be, bea kuo tubu i ai ae fulufulu uliuli; kuo moui ae kama, oku maa ia: bea e fakaha ia e he taulaeika oku maa ia.

¶ 38 Kabau oku i ha tagata be koe fefine ae gaahi ila gigila i he kili o ho nau jino, io, ae gaahi ila hinehina oku gigila;

39 Bea e mamata ai ae taulaeiki: bea vakai, kabau oku hinehina uliuli ae gaahi ila i ho na jino; koe ila ia oku tubu i ho na jino; oku maa ia.

40 Bea koe tagata kuo mokulu hono louulu, kuo tula ia; ka oku ne maa be:

41 Bea koia kuo mokulu hono louulu mei hono mu‘a la‘e ki ao, koe tula mu‘a la‘e ia; ka oku ne maa.

42 Bea kabau oku i he ulu tula be i he mu‘a la‘e tula ha mea bubula oku hinehina kulokula; koe kilia ia kuo tubu i hono ulu tula be i hono mu‘a la‘e tula.

43 Bae e mamata ki ai ae taulaeiki; bea vakai, kabau oku hinehina kulokula ae mea kuo tubu i hono ulu tula, be ki hono mu‘a la‘e tula, bea ha ia o hage koe kilia i he kili oe jino:

44 Koe tagata kilia ia, oku tae maa ia; e fakaha ia e he taulaeiki oku tae maa aubito ia; oku i hono ulu a hono mahaki.

45 Bea koe kilia aia oku iate ia ae mahaki, e haehae hono gaahi kofu, bea e tekefua hono ulu, bea e ai eia ha mea ufiufi ki hono lougutu i oluga, bea e kalaga ia, Tae maa, tae maa.

46 E taemaa ia i he gaahi aho kotoabe o hono mahaki; oku tae maa ia: e nofo toko taha ia; e tuu a hono nofoaga i tuaa i he abitaga.

¶ 47 Koe kofu foki oku i ai ae mahaki koe kilia, be ko ha kofu sibi ia, be koe kofu tubenu tuovalevale;

48 I hono lalaga fakamāukubu be i he loloa: i he tubenu, be i he kofu fulufulu‘i sibi; koe mea i ha kili‘i manu, be i ha mea kuo gaohi aki ae kili‘i manu;

49 Bea kabau oku hage koe lanu akau mata ae mahaki, be kulokula i he kofu, be i he kili‘i manu, i hono lalaga fakamāukubu be i hono loloa, be i ha mea e taha oe kili‘i manu; koe mahaki ia koe kilia, bea e fakaha ia ki he taulaeiki.

50 Bea e mamata ae taulaeiki ki he mahaki, bea e tabuni  ki fale aia oku mahaki i he aho e fitu:

51 Bea e mamata eia ki he mahaki i hono fitu oe aho: bea kabau kuo totolo ae mahaki i he kofu, i hono lalaga fakamāukubu be i hono loloa, be i ha kili‘i manu, be i ha mea e taha kuo gaohi aki ae kili‘i manu; koe kilia fakamamahi ia: oku tae maa ia.

52 E tutu eia ae kofu koia aia oku i ai ae kilia, i hono māukubu be i hono loloa, i he kofu sibi, be i he tubenu, be i ha kili‘i manu, he koe kilia fakamamahi ia; e tutu ia i he afi.

53 Bea kabau oku mamata ae taulaeiki, bea vakai, oku ikai tubu ae mahaki i he kofu, i hono māukubu, be i hono loloa, be i ha kili‘i manu e taha;

54 E toki fekau e he taulaeiki ke nau fo ae mea oku i ai ae mahaki, bea ke tuku tabuni ia ke toe aho fitu:

55 Bea e mamata ae taulaeiki ki he mahaki, hili hono fo ia: bea vakai, kabau kuo ikai liliu o mata kehe ae mahaki, bea oku ikai totolo atu ae mahaki; oku tae maa ia; ke ke tutu ia i he afi; he kuo kai ia i loto kuo molemole ia i loto mo tua.

56 Bea kabau oku mamata ae taulaeiki, bea vakai, oku mata uliuli ae mahaki hili hono fo; bea e hae ia mei he kofu, be mei he kili‘i manu, be mei hono loloa be mei hono māukubu oe kofu.

57 Bea kabau oku kei ha ia i he kofu, i hono loloa, be i he māukubu, be i ha kili‘i manu e taha: behe e toki tutu aia oku i ai ae mahaki.

58 Bea koe kofu, be koe loloa be māukubu, be koe kili‘i manu aia oku ke fo, kabau oku mahui mei ai ae mahaki, bea e toe fo ia ke liuga ua, bea e maa ia.

59 Ko eni ae fono ki he mahaki koe kilia i he kofu sibi be koe tubenu, i hono loloa be i hono māukubu, be ha kili‘i manu e taha, ke fakaha ai hono maa, be fakaha a hono tae maa.