¶ 1 BEA i hono valu oe aho nae ui a Mosese kia Elone mo hono gaahi foha, bea ki he kau mātua o Isileli:

2 Bea behe eia kia Elone, Ke ke too kiate koe ae uhiki bulu mui koe feilaulau ki he agahala, moe sibi tagata koe felaulau tutu, tae hano mele, o atu ia i he ao o Jihova.

3 Bea ke lea ki he fānau a Isileli, o behe, Too ekimoutolu ae uhiki‘i koji koe feilaulau ma ae agahala; moe uhiki bulu moe lami i he uluaki ta‘u fakatouoji, tae ha na mele, koe feilaulau tutu;

4 Bea moe bulu moe sibi tagata koe feilaulau fakamelino, ke feilaulau aki i he ao o Jihova; moe feilaulau meakai kuo feligi aki ae lolo: he koe aho ni e ha mai a Jihova kiate kimoutolu.

¶ 5 Bea naa nau omi aia nae fekau e Mosese ki he fale fehikitaki oe kakai: bea nae unuunu atu ae kakai kotoabe o tuu i he ao o Jihova.

6 Bea behe e Mosese, Ko eni ae mea kuo fekau e Jihova ke mou fai: bea e fakaha ai ae nāunāu o Jihova kiate kimoutolu.

7 Bea behe e Mosese kia Elone, Alu ki he feilaulauaga, o atu a hoo feilaulau ma ae agahala, mo hoo feilaulau tutu, bea fai ae fakalelei koeuhi ko koe, bea ma ae kakai: bea atu ae feilaulau ae kakai, mo fai ae fakalelei koeuhi ko kinautolu; o hage koe fekau a Jihova.

¶ 8 Bea nae alu a Elone ki he feilaulauaga, o ne tamate‘i ae bulu mui oe feilaulau ma ae agahala, aia koe mea maana.

9 Bea nae omi e he gaahi foha o Elone ae toto kiate ia: bea naa ne ai hono tuhu ki he toto, o ne ai ia ki he gaahi nifo oe feilaulauaga, o ne ligi ae toto ki he tefito‘i feilaulauaga:

10 Ka ko hono gako, moe kofuua, moe ahu oku i oluga i he ate oe feilaulau koeuhi koe agahala, naa ne tutu ia i he fuga oe feilaulauaga; o hage koe fekau a Jihova kia Mosese.

11 Bea ko hono jino mo hono kili ne ne tutu aki ae afi i tuaa i he abitaga.

12 Bea naa ne tamate‘i ae feilaulau tutu; bea koe gaahi foha o Elone naa nau atu kiate ia ae toto, bea naa ne luluku ia ki he feilaulauaga o takatakai.

13 Bea naa nau atu kiate ia ae feilaulau tutu, mo hono gaahi koga o ia moe ulu: bea ne tutu ia ki he fuga oe feilaulau.

14 Bea nae fufulu eia ae tootooga moe keukeu, bea tutu ia ki he fuga oe feilaulau tutu i he feilaulauaga.

¶ 15 Bea naa ne omi ae feilaulau ae kakai, o ne ave ae koji, aia koe feilaulau koeuhi koe agahala ae kakai, o ne tamate‘i ia, o ne atu ia koeuhi koe agahala, o hage koe uluaki.

16 Bea nae omi eia ae feilaulau tutu, o atu ia o fakatatau moe fekau.

17 Bea naa ne omi ae feilaulau meakai, bea ne too ae mahoaa o ia, o ne tutu ia ki he fuga feilaulauaga, o ofi ki he feilaulau tutu oe bogibogi.

18 Bea naa ne tamate‘i ae bulu moe sibi tagata koe feilaulau oe feilaulau fakamelino, aia nae fai koeuhi koe kakai: bea koe gaahi foha o Elone naa nau atu ae toto kiate ia, aia naa ne luluku ki he fuga feilaulauaga o takatakai hake,

19 Moe gako oe bulu moe sibi tagata, koe tuuga iku, moe bunukete, moe kofuua, moe ahu i oluga i he ate:

20 Bea naa nau ai ae gako oe fatafata, bea tutu eia ae gako i he fuga feilaulauaga:

21 Bea koe fatafata moe alaganima toomatau nae taaloalo aki e Elone koe feilaulau taaloalo ia i he ao o Jihova; o hage koe fekau a Mosese.

22 Bea nae hiki e Elone hono nima k oluga ki he kakai, o ne tabuaki akinautolu, bea alu hifo ia mei he ene atu ae feilaulau ma ae agahala, moe feilaulau tutu, moe feilaulau fakamelino.

23 Bea nae alu a Mosese mo Elone ki he fale fehikitaki oe kakai, bea ha‘u mei ai moe tabuaki ki he kakai: bea nae ha mai ae nāunau o Jihova ki he kakai kotoabe.

24 Bea nae ha‘u ai ae afi mei he ao o Jihova, o ne fakavela ke oji ae feilaulau tutu moe gako i he fuga oe feilaulauaga: bea i he mamata ki ai ae kakai kotoabe, naa nau kalaga, bea to fakafoohifo ki ho nau mata.