¶ 1 BEA nae folofola a Jihova kia Mosese mo Elone, o ne behe kiate kinaua,

2 Lea ki he fānau a Isileli, o behe, Ko eni ae gaahi manu aia te mou kai i he gaahi manu oku i he fuga o mamani.

3 Iloga aia i he faga manu oku mavaeua hono bejibeji, bea va‘e mafahi, bea oku toe lamulamu agaua ene kai, te mou kai ia.

4 Ka koe niihi i ai oku lamu agaua ene kai, mo vaeua ae va‘e e ikai te mou kai: o hage koe kameli, koeuhi oku ne toe lamu ene kai, ka oku ikai mavahevahe ae va‘e: oku tae maa ia kiate kimoutolu.

5 Bea moe koni, koeuhi oku ne toe lamu ene maaga, ka oku ikai mavae ua ae va‘e; oku tae maa ia kiate kimoutolu.

6 Bea koe hea, koeuhi oku ne toe lamu ene kai, ka oku ikai mavae ua hono bejibeji: oku tae maa ia kiate kimoutolu.

7 Bea koe buaka, oku mavahevahe hono bejibeji, bea va‘e mafahi, ka oku ikai fakahake ene kai o toe lamu ia; oku tae maa ia kiate kimoutolu.

8 Oua naa mou kai ho nau jino, be ala ki ho nau kakano; oku tae maa ia kiate kimoutolu.

9 Koeni ia te mou kai i he gaahi mea oku i he gaahi vai: iloga aia oku i he vai oku ne ma‘u ae kaboga, moe uno, i he tahi moe gaahi vaitafe, koia te mou kai.

10 Bea koe mea i tahi, bea i he gaahi vaitafe, oku ikai ma‘u ae kaboga moe uno, i he gaahi mea kotoabe oku gau‘e i he vai, be ko ha mea e taha oku moui i he gaahi vai, koe mea kovi ia kiate kimoutolu:

11 Io, e iate kimoutolu ia koe mea fakalielia: oua naa mou kai ho nau jino, bea ko ho nau kakano koe mea fakalielia ia kiate kimoutolu.

12 Iloga aia i he gaani vai oku ikai hano kaboga be uno, ke iate kimoutolu ia koe mea fakalielia.

¶ 13 Bea koeni ia i he gaahi manu kabakau e tabu kiate kimoutolu; e ikai te mou kai ia, he koe mea fakalielia ia kiate kimoutolu: koe ikale, moe osifaleji, moe osibale,

14 Moe volita, moe kaite i hona faahiga.

15 Ae leveni kotoabe i ho nau faahiga,

16 Moe ositaleji, moe taiseni oe bouli, moe koku, moe taiseni i hono faahiga,

17 Moe lulu iki, moe komolaniti, moe lulu lahi,

18 Moe suani, moe lofa, moe Lahami,

19 Moe sitoaka, moe motuku i hono faahiga, moe labiuigi, moe beka.

20 Koe gaahi manu kabakau oku totolo, o alu i ho nau va‘e, koe mea fakalielia ia kiate kimoutolu.

21 Ka koe gaahi mea ni te mou kai i he gaahi mea buna oku totolo, o alu i hono va‘e, aia oku ma‘u ae va‘e i oluga i ho nau va‘e, ke hobo aki i he kelekele;

22 Io, koeni, ia i ai te mou kai; koe hee lalahi i ho nau faahiga, koe solami i ho nau faahiga, moe kakoli i ho nau faahiga, moe kakabi i ho nau faahiga:

23 Ka koe gaahi manu buna kotoabe oku totolo, aia oku vee fa: koe mea fakalielia ia kiate kimoutolu.

24 Bea te mou tae maa koeuhi koia: he koia e ala ki ho nau agaaga e tae maa ia o a‘u ki he efiafi.

25 Bea koia e too ha botu o ho nau jino e fo eia hono gaahi kofu, bea e tae maa ia o a‘u ki he efiafi.

26 Koe jino oe manu kotoabe oku vahe ua hono bejibeji ka oku ikai va‘e mafahifahi, be toe lamu ene kai, oku nau tae maa kiate kimoutolu: koia kotoabe oku ala ki ai e tae maa ia.

27 Bea iloga aia i he gaahi manu kotoabe oku alu i hono aofiva‘e o fakavee fa; oku nau tae maa kiate kimoutolu: koia oku ala ki ho nau jino e tae maa ia o a‘u ki he efiafi.

28 Bea koia oku ne fua ho nau jino e fo eia hono gaahi kofu, bea tae maa ia ke oua ke efiafi: oku nau tae maa kiate kimoutolu.

¶ 29 Koe gaahi mea ni oku totolo i he kelekele, oku tae maa kiate kimoutolu; koe uiseli, moe kuma, moe fonu babalagi i hono faahiga.

30 Moe felite, moe fokai, moe moko, moe sineli, moe mole.

31 Ko eni ia oku tae maa kiate kimoutolu i he mea oku totolo; koia e ala ki ai ka kuo mate, e tae maa ia o a‘u ki he efiafi.

32 Bea iloga ha mea e to ki ai ha taha iate kinautolu ka kuo mate, e tae maa ia; be koe ibu akau ia, be koe kofu, be koe kili, be koe kato, ha ibu, be ha mea e taha oku fai aki ha gaue, oku tonu ke tuku ia ki he vai, bea tuku ke tae maa ia o a‘u ki he efiafi; bea e fakamaa ai ia.

33 Bea iloga ha ibu umea aia e to ha nau taha ki ai, koia oku i ai e tae maa ia; bea te mou foa‘i ia.

34 Iloga ae mea kai oku gofua ke kai, bea kuo to ki ai ae vai koia e tae maa ia; bea koe mea inu kotoabe aia oku gofua ke inu i he gaahi ibu behe, e tae maa ia.

35 Bea iloga ha mea e to ki ai ha koga o ho nau jino, e tae maa ia; be koe gotoumu, be koe hiliga kulo, e maumau‘i ia; he oku nau tae maa, bea te nau tae maa kiate kimoutolu.

36 Ka koeuhi koe vai moui, be ha luo oku i ai ae vai lahi, e maa ia: ka koia oku ala ki ho nau jino e tae maa ia.

37 Bea kabau e to ha botu o ho nau jino ki he tega‘i akau aia oku tuku ki he to ta‘u, e maa ia.

38 Bea kabau kuo ligi ha vai ki he gaahi tega, bea to ki ai ha botu o ho nau jino ki ai, e tae maa ia kiate kimoutolu.

39 Bea kabau oku mate mahaki ha manu, aia oku gofua ke kai: koia oku ala ki hono jino, e tae maa ia o a‘u ki he efiafi.

40 Bea koia oku ne kai mei hono jino, e fo hono kofu, bea e tae maa ia o a‘u ki he efiafi; mo ia foki oku ne fua hono jino o ia, e fo eia hono kofu, bea e tae maa ia o a‘u ki he efiafi.

41 Bea koe mea totolo kotoabe oku totolo ki he kelekele koe mea tae maa ia; e ikai kai ia.

42 Iloga aia oku gaolo ki hono kete, mo ia kotoabe oku alu vee fa, mo ia i he gaahi mea totolo i he kelekele oku lahi hono va‘e, e ikai te mou kai ia; he oku nau tae maa.

43 Oua naa mou fakalielia‘i akimoutolu aki ha mea e taha oku totolo; bea oua naa fakauli‘i akimoutolu i ai, koeuhi ke mou tae maa ai.

44 He ko au ko Jihova ko ho mou Otua: koia te mou fakamaonioni‘i akimoutolu, bea te mou maonioni; he oku ou maonioni: bea oua naa mou uli‘i akimoutolu aki ha mea totolo e taha oku totolo i he fuga kelekele.

45 He ko au Jihova oku ou omi akimoutolu mei he fonua ko Ijibite, ke hoko ko ho mou Otua: koia te mou maonioni ai, he oku ou maonioni.

46 Ko eni ae fono ki he gaahi manu lahi, bea ki he faga manu kabakau, bea ki he mea moui kotoabe oku gau‘e i he gaahi vai, moe gaahi mea totolo kotoabe i he fuga kelekele.

47 Ke fai kehekehe ki he mea tae maa moe mea maa, bea ki he manu oku gofua ke kai moe manu oku ikai gofua ke kai.