¶ 1 BEA nae folofola a Jihova kia Mosese, o behe,

2 Lea kia Elone, bea ki hono gaahi foha, bea ki he fānau kotoabe a Isileli, o behe kiate kinautolu, Ko eni ae mea aia kuo fekau e Jihova, o behe,

3 Koe tagata kotoabe iate kimoutolu i he fānau a Isileli oku ne tamate‘i ae bulu be koe lami, be koe koji, i he abitaga, be tamate‘i ia i tua i he abitaga,

4 Bea ikai omi ia ki he mataba oe fale fehikitaki oe fakataha, ke atu ha feilaulau kia Jihova i he ao oe fale fehikitaki o Jihova; e tuku ae toto ki he tagata koia: kuo ligi eia ae toto; bea e motuhi ae tagata koia mei hono kakai:

5 Koeuhi ke omi e he fānau a Isileli e nau gaahi feilaulau, aia oku nau atu i he goue ataatā, io, ke nau omi ia kia Jihova, ki he mataba oe fale fehikitaki oe fakataha, ki he taulaeiki, bea ke atu ia koe gaahi feilaulau fakalelei kia Jihova.

6 Bea e luluku e he taulaeiki ae toto ki he feilaulauaga o Jihova i he mataba oe fale fehikitaki oe fakataha, bea tutu ae gako koe mea namu kakala kia Jihova.

7 Bea e ikai te nau toe atu e nau gaahi feilaulau ki he gaahi faahikehe, aia naa nau holi kovi ki ai. Koe fekau fai mau eni kiate kinautolu o taegata i ho nau gaahi toutagata kotoabe.

¶ 8 Bea te ke behe kiate kinautolu, Koe tagata koia iate kimoutolu i he fale o Isileli, be i he muli oku nofo aunofo iate kimoutolu, oku ne atu ha feilaulau tutu be ha feilaulau,

9 Bea oku ikai omi ia ki he mataba oe fale fehikitaki oe fakataha, ke atu ia kia Jihova; koe tagata koia e motuhi mei hono kakai.

¶ 10 Bea koe tagata kotoabe koia iate kimoutolu i he fale o Isileli, be i he muli oku aunofo iate kimoutolu, oku kai eia ha toto: teu jio fakafulofula ki he tagata koia oku kai toto, bea motuhi ia mei hono kakai.

11 He koe moui ae kakano koe toto: bea kuou tuku ia kiate kimoutolu ki ho mou feilaulauaga ke fai ae fakalelei maa ho mou laumalie; he koe toto oku ne fai ae fakalelei ma ae laumalie.

12 Koia naaku behe ai ki he fānau a Isileli, Oua naa kai toto e ha toko taha iate kimoutolu, bea oua naa kai toto e ha muli e toko taha oku aunofo iate kimoutolu.

13 Bea iloga ae tagata kotoabe i he fānau a Isileli, be i he muli oku aunofo iate kimoutolu, aia oku tuli be ma‘u ha manu, be ha manu kabakau oku gofua ke kai: koe mooni e ligi eia hono toto, o ufiufi aki ia ae efu.

14 He koe moui ia ae kakano kotoabe; ko hono toto ko ene moui ia; koia neu behe ai ki he fānau a Isileli, Oua naa mou kai ae toto o ha mea moui e taha: he koe toto koe moui ia ae kakano kotoabe; koia oku ne kai ia e motuhi ia.

15 Bea koia oku ne kai aia nae mate mahaki, be koia kuo haehae e he manu, be ko ha toko taha ia o ho mou fonua be ko ha muli, e fo eia hono kofu mo kaukau ia i he vai, bea e tae maa ia o a‘u ki he efiafi: bea e toki maa ia.

16 Bea kabau oku ikai fo ia, be kaukau hono jino; bea e iate ia be ene hia.