¶ 1 BEA nae folofola a Jihova kia Mosese, o behe,

2 Lea ki he fakataha kotoabe oe fānau a Isileli mo ke behe kiate kinautolu, Ke mou maonioni; he ko au ko Jihova ko ho mou Otua oku ou maonioni.

¶ 3 Te mou fakaabaaba taki taha kotoabe ae tagata ki he ene fa‘e, mo ene tamai, bea tauhi hoku gaahi sabate: Ko au ko Jihova ko ho mou Otua.

¶ 4 Oua naa mou tafoki ki he gaahi otua loi, bea oua naa mou gaohi moo moutolu ae gaahi otua  i he ukamea haka: Ko au ko Jihova ko ho mou Otua.

¶ 5 Bea kabau oku mou atu ae feilaulau koe gaahi feilaulau fakalelei kia Jihova, te mou atu ia i ho mou loto lelei ki ai.

6 E kai ia i he aho oku mou atu ia, bea i he aho oku na feholo‘i: bea kabau oku ai hano toe ki hono aho tolu, e tutu aki ia ae afi.

7 Bea kabau e momoi kai ia i hono aho tolu, koe mea kovi ia; e ikai ma‘u ia.

8 Koia, koe tagata kotoabe oku kai ia e iate ia ene hia, koeuhi kuo fakahala eia ae mea tabu a Jihova: bea e motuhi ae tagata koia mei hono kakai.

¶ 9 Bea ka mou ka tuuji ae fua o ho mou fonua, oua naa ke tuuji ke oji ae gaahi tuliki o hoo goue, bea e ikai te ke tanaki ae gaahi toega tufi o hoo ututa‘u.

10 Bea oua naa ke tufi ae toega o hoo goue vaine, bea oua naa ke tanaki ae kalebi kotoabe o hoo goue vaine; ka ke tuku ia ki he majiva moe muli: Ko au ko Jihova ko ho mou Otua.

¶ 11 Oua naa mou kaihaa, be fai fakakākā, be feloiaki ae taha ki he taha.

¶ 12 Bea oua naa mou fuakava loi i hoku higoa, bea oua naa ke takua noa ae higoa o ho Otua: Ko au ko Jihova.

¶ 13 Oua naa ke kākā‘i ho kaugaabi, bea oua naa ke kaihaa meiate ia: koe totogi gaue o ia naa mo alea ki ai, oua naa tuku ia iate koe i he bo o aho.

¶ 14 Oua naa ke kabe‘i ae tuli, be ai ae tūkiaaga i he ao oe kui, ka ke manavahe ki ho Otua: Ko au ko Jihova.

¶ 15 Oua naa mou fai tae totonu i he fakamāu: oua naa ke tokaga koeuhi koe mata oe majiva, be fakaabaaba koeuhi koe mata oe eiki: ka oe ke fakamāu‘i ho kaugaabi i he agatonu.

¶ 16 Oua naa ko fealuaki fano ke fetuku talanoa i hoo kakai; bea oua naa ke lea ke mate ai ho kaugaabi: Ko au ko Jihova.

¶ 17 Oua naa ke fehia ki ho tokoua i ho loto: koe mooni ke ke valoki‘i ho kaugaabi, bea oua naa tuku ai be ene agahala.

¶ 18 Oua naa ke totogi kovi be agafakamolokau ki he fānau a ho kakai, ke ke ofa ki ho kaugaabi o hage be ko koe: Ko au ko Jihova.

19 Te mou tauhi eku gaahi fekau. Oua naa ke tuku hoo faga manu ke tau‘i e he faahiga manu kehe: oua naa ke tūtū‘i hoo goue aki ae gaahi tega kuo felavai; bea ke oua naa ke ai ha kofu oku felalaga aki ae filo tubenu moe fulufulu‘i sibi.

¶ 20 Bea koia e mohe agahala moe fefine oku bobula, kuo bolo‘i ki ha unoho, bea oku teeki ai huhui, be tauataina ia; e haha ia; e ikai tamate‘i akinaua, koeuhi nae ikai ataatā ia.

21 Bea ke omi  e he tagata ene feilaulau fai hala kia Jihova, ki he mataba oe fale fehikitaki oe kakai, io, koe sibi tagata ki he feilaulau ma ae fai hala.

22 Bea ke fai e he taulaeiki ae fakalelei maana aki ae sibi tagata oe feilaulau ma ae fai hala i he ao o Jihova i he ene agahala aia kuo ne fai: bea e fakamolemole kiate ia ae agahala kuo ne fai.

¶ 23 Bea ka mou ka hoko atu ki he fonua bea mou to ai ae gaahi akau kehekehe ki he kai, te mou lau hono gaahi fua koe mea tabu; koe ta‘u e tolu e tabu ia kiate kimoutolu; oua naa kai ia.

24 Ka i hono fa oe ta‘u koe gaahi fua kotoabe o ia koe mea maonioni ia ke fakafetai aki kia Jihova.

25 Bea i hono nima oe ta‘u te mou kai hono gaahi fua, koeuhi ke tubu o fua lahi hake kiate kimoutolu: Ko au ko Jihova ko ho mou Otua.

¶ 26 Oua naa mou kai ha mea e taha mo hono toto: bea oua naa mou fai tuki, be fai ae talotalo kovi.

27 Oua naa mou koji ke fuobotoboto ho mou louulu, be maumau‘i hono botu tuliki o hoo mou kava.

28 Oua naa mou tafatafa‘i ho mou jino koeuhi koe bekia, bea oua naa mou tatatau; Ko au ko Jihova.

¶ 29 Oua naa ke fakaagahala‘i ho ofefine, be fakahoko ia koe fefine fai agahala; telia naa higa ae fonua ki he feauaki, bea hoko o fonu ae fonua i he aga kovi.

¶ 30 Te mou tauhi hoku gaahi sabate, o fakaabaaba ki hoku fale tabu; Ko au ko Jihova.

¶ 31 Oua naa tokaga kiate kinautolu oku vaka ai ae kau laumalie uli, bea oua naa kumi ki he gaahi taula faahikehe tuki, ke mou uli ai iate kinautolu. Ko au ko Jihova ko ho mou Otua.

¶ 32 Ke ke tuu hake i he ao oe ulu hina, o fakaabaaba ki he mata oe tagata motua, bea manavahe ki ho Otua; Ko au ko Jihova.

¶ 33 Bea kabau oku nofo aunofo ha muli mo koe i ho fonua, oua naa ke fakamamahi‘i ia.

34 Ka koe muli oku nofo mo koe e tatau ia moe toko taha kuo tubu iate kimoutolu, bea te ke ofa kiate ia o hage ko hoo ofa kiate koe; he naa mou nofo koe muli i he fonua ko Ijibite; Ko au ko Jihova ko ho mou Otua.

¶ 35 Oua naa mou fai tae totonu i he fakamāu, be i he mea fuofua, be i he fakamamafa, be i he fakafuofua mea.

36 Te mou fua aki ae mea fakatatau totonu, moe fakamamafa totonu moe efa totonu, moe hini totonu: Ko au ko Jihova ko ho mou Otua, aia nae omi akimoutolu mei he fonua ko Ijibite.

37 Koia te mou tokaga ai ki he eku gaahi tuutuuni, mo eku gaahi fekau, o fai ki ai. Ko au ko Jihova.