¶ 1 BEA nae folofola a Jihova kia Mosese, o behe,

2 Lea ki he fānau a Isileli, o tala kiate kinautolu, Oka fai e ha tagata ha fuakava mamafa, e a Jihova ae tatau oe mea koia te ke lau ekoe.

3 Bea ko hoo fakatatau ae tagata mei he ta‘u e uofulu o ene motua o a‘u ki he ta‘u e onogofulu o ene motua, io, ko hoo fakatatau koe sikeli siliva e fitugofulu, o fakatatau ki he sikeli oe fale tabu.

4 Bea kabau koe fefine ia, ko hoo fakatatau, koe sikeli e tolugofulu.

5 Bea kabau koe ta‘u e nima ene motua o a‘u ki he ta‘u e uofulu, bea ko hoo fakatatau ki he tagata koe sikeli e uofulu, bea ki he fefine koe sikeli e hogofulu.

6 Bea kabau koe mahina be taha ene motua o a‘u ki he ta‘u e nima ene motua, bea ko hoo fakatatau ki he tagata koe sikeli siliva e nima, bea ko hoo fakatatau ki he fefine koe sikeli siliva e tolu.

7 Bea kabau oku onogofulu ta‘u moe ta‘u niihi ene motua; kabau koe tagata, ko hoo fakatatau ki ai koe sikeli e hogofulu ma nima, bea ki he fefine koe sikeli e hogofulu.

8 Bea kabau oku majiva aubito ia i he mea kuo ke lau, bea te ne fakaha ia i he ao oe taulaeiki, bea e fakatatau ia e he taulaeiki; bea ke fai e he taulaeiki i he ene fakatatau, o tāu mo hono mafai o ia aia naa ne fuakava.

9 Bea kabau koe manu, aia oku omi e he kakai o atu kia Jihova, koia kotoabe oku foaki e ha tagata i he mea behe kia Jihova e tabu ia.

10 E ikai te ne fakakehe ia, be fetogi ia, ae lelei ki he kovi, be ha kovi ki he lelei: bea kabau oku ne fetogi ae manu aki ae manu, bea koia mo ia nae fetogi aki ia e fakatou tabu ia.

11 Bea kabau koe manu tae maa ia, aia oku ikai te nau fai aki ha feilaulau kia Jihova, te ne toki atu ae manu i he ao oe taulaeiki:

12 Bea ke fakatatau ia e he taulaeiki, be oku lelei be oku kovi: bea hage ko hoo fakatatau e koe oku taulaeiki koia be e fai.

13 Bea kabau oku loto ia ke huhui ia, bea e fakalahi aki ia hono nima oe vahe ki hoo fakatatau.

¶ 14 Bea kabau oku fakatabu‘i e ha tagata hono fale ke maonioni ia kia Jihova, bea ke fakatatau ia e he taulaeiki, be oku lelei ia be kovi: bea hage koia oku fakatatau ia ki ai, e mau be ia.

15 Bea kabau oku loto aia naa ne fakatabu‘i ia ke huhui hono fale, bea e fakalahi aki ia hono nima oe vahe oe koloa o hoo fakatatau, bea e oona ia.

16 Bea kabau oku fakatabu‘i e ha tagata kia Jihova ha botu goue i hono botu fonua, bea ko hoo fakatatau, e fakatatau ki he tega o ia: koe oma e taha oe tega‘i baale e fakatatau ia ki he sikeli siliva e nimagofulu.

17 Kabau oku ne fakatabu ene goue mei he ta‘u oe jiubeli, e tuu mau ia o tatau mo hoo fakatatau.

18 Bea kabau oku ne fakatabu‘i ene goue ka kuo hili ae jiubeli, bea e lau e he taulaeiki ae baaga kiate ia o fakatatau ki he gaahi ta‘u oku toe, io, o a‘u atu ki he ta‘u oe jiubeli, bea e fakajiijii ia mei hoo fakatatau.

19 Bea koia naa ne fakatabu‘i ae goue, kabau oku tokaga ia ke huhui ia, bea ke fakalahi aki eia ia hono vahe nima oe koloa o hoo fakatatau, bea e hoko ia kiate ia.

20 Bea kabau oku ikai loto ia ke huhui ae goue, bea kabau kuo ne fakatau ia ki he tagata e taha, e ikai toe huhui ia.

21 Ka koe goue i hono tukuage i he jiubeli, e tabu ia kia Jihova, o hage na goue kuo fakatabu‘i: e hoko ia ke oe taulaeiki.

22 Bea kabau oku ai ha tagata oku ne fakatabu‘i kia Jihova ae goue naa ne fakatau, aia oku ikai i he gaahi goue o hono tofia;

23 Bea e toki lau kiate ia e he taulaeiki hono fakatatau, io, o hoko ki he ta‘u oe jiubeli: bea te ne atu eia i he aho koia hoo fakatatau, koe mea tabu kia Jihova.

24 Bea i he ta‘u oe jiubeli e toe hoko ae goue kiate ia nae fakatau ia mei ai, io, kiate ia nae oona ae botu fonua koia.

25 Bea e fai o tāu moe sikeli oe fale tabu a hoo gaahi fakatatau kotoabe: e i he sikeli e taha ae kela e uofulu.

¶ 26 Ka koe gaahi uluaki fanau ae faga manu, aia oku totonu ke a Jihova ae uluaki tubu, ke oua naa fakatabu‘i ia e ha tagata e toko taha; be koe bulu ia, be ko ha sibi; oku a Jihova ia.

27 Bea kabau oku i he manu tae maa ia, bea e huhui ia o fakatatau ki hoo fakatatau, bea te ne fakalahi aki ia hono nima o hono vahe o ia: bea kabau e ikai huhui ia, bea e fakatau ia o hage ko hoo fakatatau.

28 Ka koe mooni e ikai fakatau be huhui ha mea e taha, aia kuo fakatabu‘i e ha tagata kia Jihova i he mea kotoabe oku ne ma‘u, i he tagata, be i he manu, be i he goue o hono botu fonua: koe mea fakatabu‘i kotoabe oku maonioni lahi ia kia Jihova.

29 E ikai huhui ha mea kuo fakatabu‘i aia kuo fakatabu e he tagata; ka e tamate‘i mooni ia.

30 Bea ko hono hogofulu oe vahe kotoabe oe fonua, be koe mea i he tega oe fonua, be i he gaahi fua oe akau oku a Jihova ia: oku maonioni ia kia Jihova.

31 Bea kabau oku tokaga e ha tagata ke huhui ae mea niihi i hono hogofulu oe vahe, e fakalahi aki eia ia hono nima oe vahe o ia.

32 Bea koe mea i hono hogofulu oe vahe i he faga manu lalahi, be i he faga manu jii, io, i he manu kotoabe oku alu i lalo i he vaaakau, e maonioni hono hogofulu kia Jihova.

33 E ikai te ne kumi ke ilo be oku lelei be oku kovi ia, bea e ikai te ne fetogi ia: bea kabau oku ne fetogi ia, bea koia mo ia nae fetogi aki e fakatou maonioni ia; e ikai huhui ia.

34 Ko eni ae gaahi fekau, aia nae fekau e Jihova kia Mosese ki he fānau a Isileli i he mouga ko Sainai.