¶ 1 BEA ka fie atu e ha toko taha ae feilaulau meakai kia Jihova, te ne feilaulau aki ae mahoaa lelei; bea e liligi eia ae lolo ki ai, bea e ai ki ai ae mea namu kakala.

2 Bea te ne omi ia ki he gaahi foha o Elone koe kau taulaeiki: bea te ne too mei ai ha falukuga e taha oe mahoaa, moe lolo o ia, moe mea mamu kakala o ia: bea e tutu e he taulaeiki hono fakamanatu i he feilaulauaga, koe feilaulau kuo gaohi aki ae afi, koe mea manu kakala kia Jihova:

3 Bea koe toega oe feilaulau meakai e ia Elone ia mo hono gaahi foha: koe mea fugani maonioni ia i he gaahi feilaulau kia Jihova kuo gaohi aki ae afi.

¶ 4 Bea kabau te ke omi ha mea ofa koe feilaulau meakai kuo ta‘o i he gotoumu,  omi ia koe gaahi foi ma tae fakalevani oe mahoaa lelei kuo fefiofi moe lolo, be koe gaahi foi ma manifinifi behe kuo bani aki ae lolo.

¶ 5 Bea kabau ko hoo feilaulau meakai koe mea kuo ta‘o i he ukamea lafalafa, e mei he mahoaa lelei ia tae fakalevani, kuo fefiofi moe lolo.

6 Te ke vahevahe ia, bea ligi ae lolo ki ai: koe feilaulau meakai ia.

¶ 7 Bea kabau ko hoo mea ofa koe feilaulau meakai kuo fakabaku i ha fakabaku, e gaohi aki ia ae mahoaa lelei moe lolo.

8 Bae te ke omi ae feilaulau meakai kuo gaohi aki ae gaahi mea ni kia Jihova: bea ka atu ia ki he taulaeiki, te ne omi ia ki he feilaulauaga.

9 Bea e too e he taulaeiki mei he feilaulau meakai hono fakailoga, o tutu ia ki he feilaulauaga: koe feilaulau ia kuo gaohi aki ae afi, koe mea namu kakala kia Jihova.

10 Bea koia oku toe i he feilaulau meakai oku ia Elone ia, mo hono gaahi foha: koe mea fugani maonioni ia oe gaahi feilaulau kia Jihova kuo gaohi aki ae afi.

11 E ikai gaohi aki ha mea fakalevani ha feilaulau meakai oku mou omi kia Jihova: koeuhi e ikai te mou tutu ha levani, be ha honi, i ha feilaulau oku gaohi aki ae afi kia Jihova.

¶ 12 Bea koeuhi koe mea ofa oe gaahi uluaki fua, te mou atu ia kia Jihova: kae oua naa tutu ia ki he feilaulauaga oe mea namu kakala.

13 Bea koe mea ofa kotoabe o hoo feilaulau meakai ke ke fakamasima‘i; bea oua naa ke tuku hao feilaulau meakai e taha ke majiva i he masima oe fuakava a ho Otua: te ke atu ae masima i hoo gaahi feilaulau kotoabe.

14 Bea kabau te ke atu kia Jihova ae feilaulau meakai i hoo gaahi uluaki fua, bea ke atu koe feilaulau meakai ae gaahi fua mata oe uite kuo agaki i he afi, io ae uite kuo tuki mei he gaahi fua haohaoa.

15 Bea ke ai ae lolo ki ai, bea ai ki ai moe laibeno: ko eni ae feilaulau meakai.

16 Bea e tutu e he taulaeiki hono fakailoga o ia, i he uite nae tuki; moe mea‘i lolo i ai, moe laibeno kotoabe i ai; koe feilaulau ia kuo gaohi aki ae afi kia Jihova.