¶ 1 BEA kabau oku fai agahala e ha toko taha, o ogo‘i ae kabe, bea oku ne faa fakamooni, be ko haane mamata, be ko ene ilo be: kabau e ikai te ne fakaha ia, e iate ia ene hia.

2 Bea kabau e ala e ha toko taha ki ha mea tae maa, be koe jino oe manu tae maa, be koe jino oe manu lalahi tae maa, be koe jino oe manu totolo tae maa, bea kabau oku fufu ia kiate ia: e tae maa foki ia mo hala ai.

3 Bea kabau oku lave ia ki he tae maa ae tagata, i he mea kehekehe oku tae maa ai ae tagata, bea oku fufu ia kiate ia; oka hoko o ne ilo ia, e toki hala ai ia.

4 Bea kabau e kabe e ha toko taha, o ne lea aki hono lougutu ke fai kovi, oe ke fai lelei, ha mea oku fuakava ki ai ae tagata, bea fufu ia iate ia; oka hoko o ne ilo ia, bea e hala ai ia i ha taha i he gaahi mea ni.

5 Bea e behe, i he ene halaia i ha taha oe gaahi mea ni bea oku totonu a ene vete ene hala i he mea koia:

6 Bea e omi eia ene feilaulau ma ae agahala kia Jihova koeuhi ko ene agahala kuo ne fai, koe manu fefine mei he faga manu, koe lami, be koe uhiki‘i koji, koe feilaulau ma ae agahala; bea e fai ae fakalelei e he taulaeiki koeuhi ko ene agahala.

7 Bea kabau oku ikai te ne faa omi ha lami, bea e omi eia kia Jihova koeuhi koe agahala kuo ne fai, ae kulukulu e ua, be koe lube mui e ua; koe taha koe feilaulau ma ae agahala, moe taha koe feilaulau tutu.

8 Bea te ne omi eia ia ki he taulaeiki, aia te ne tomua atu koe feilaulau ma ae agahala, o ne mimio ke motu hono ulu mei hono kia, kae ikai vaeua ia:

9 Bea e luluku eia ae toto oe feilaulau ma ae agahala ki he botu tafaaki oe feilaulauaga: bea e tatau hono toe oe toto ki he tefitoi feilaulauaga: koe feilaulau ia ma ae agahala.

10 Bea e atu eia hono ua koe feilaulau tutu, o tāu mo hono aga: bea e fai ae fakalelei e he taulaeiki kiate ia koeuhi ko ene agahala, bea e fakamolemole ia kiate ia.

¶ 11 Bea kabau e ikai faa omi eia ae ogo kulukulu, be koe ogo lube mui, bea e omi aia nae fai hala, ma a ene feilaulau koe feilaulau ma ae agahala, ko hono hogofulu oe vahe oe efa oe mahoaa lelei; e ikai ai eia ha lolo ki ai, be e ikai te ne ai ki ai ha mea nanamu: he koe feilaulau ia ma ae agahala.

12 Bea e omi ia eia ki he taulaeiki, bea e too e he taulaeiki ae faluku e taha mei ai, ko hono mea fakailoga, o tutu ia ki he feilaulauaga, o tāu moe gaahi feilaulau tutu kia Jihova: koe feilaulau ia ma ae agahala.

13 Bea e fai e he taulaeiki ae fakalelei maana i he ene agahala aia kuo ne fai i ha taha oe gaahi mea ni, bea e fakamolemole ia kiate ia: bea ko hono toe e i he taulaeiki ia, o hage koe feilaulau meakai.

¶ 14 Bea nae folofola a Jihova kia Mosese, o behe,

15 Kabau e fai hala e ha toko taha, bea fai agahala i he tae ilo, i he gaahi mea maonioni a Jihova; behe e omi eia koeuhi ko ene fai hala kia Jihova, ae sibi tagata tae hano mele mei he faga sibi, moe feilaulau ma ae agahala i he gaahi sikeli siliva, te ke lau kiate ia o tatau moe sikeli oe fale tabu:

16 Bea e fai eia ae totogi ki he kovi kuo ne fai ki he mea maonioni, bea te ne fakalahi aki eia hono nima oe vahe, o atu ia ki he taulaeiki: bea e fai ae fakalelei maana e he taulaeiki aki ae sibi tagata oe feilaulau ma ae agahala, bea e fakamolemole ia kiate ia.

¶ 17 Bea kabau oku fai agahala e ha toko taha, o fai ha mea i he gaahi mea aia kuo fakatabu‘i e he gaahi fekau a Jihova; ne ogo nae ikai te ne ilo ia, ka oku ne halaia ai, bea e fua eia ene hia.

18 Bea te ne omi eia ha sibi tagata mei he faga sibi ki he taulaeiki, o hage ko hoo lau, koe feilaulau ma ae agahala; bea e fai e he taulaeiki ae fakaelei maana i he ene tae ilo aia nae he ai ia o ikai ilo, bea e fakamolemole ia kiate ia.

19 Koe feilaulau ia ma ae agahala: kuo fai hala mooni ia kia Jihova.