1 E i na, tae akera ki muri, i toku, to te Atu ra ko te Atua, tuaruanga ia raua ki vao, kua akamata iora Adamu i te tanu i te enua, e kia tutara rai ki rungaʼo i te au manu vaevae ā katoatoa o te kainga, e na roto i te pata ou o tona rae e kai ei aia i te kai, mei taku ta te Atu i akaue atu kiaia. Kua angaanga katoa atu tana vaine, ko Eva, i te pae iaia.

2 E kite akera a Adamu i tana vaine, anau akera iaia i te tamariki tamaroa, e te tamariki tamaine, e kua akamata iora ratou i te anaunau e kia kī te enua nei.

3 Mei taua tuatau ra, e aere mai: kua akamata te au tamariki tamaroa e te au tamariki tamaine a Adamu i te aere taki rua rua i te enua nei, kia kenu i te enua, e kua angai i te au anana, ma te anau i te au tamariki tamaroa e te au tamariki tamaine.

4 E kua kapiki akera a Adamu e tana vaine ko Eva i te ingoa o te Atu, e akarongo akera raua i te reo o te Atu mei ko i te kainga i Edene, i te tuatuaanga mai kia raua, e kare oki raua i kite atu iaia; kua topiriia oki raua mei mua i tona aroaro.

5 Kua oronga mai aia i tetai au akaueanga kia raua kia akamori raua i te Atu to raua Atua, e kia oronga mai i te anaunga mua o ta raua au anana, ei atinga ki te Atu. E kua kauraro tikai a Adamu ki te au akaueanga a te Atu.

6 E manganui te au rā i topa ki muri, kua mama mai tetai angela a te Atu kia Adamu, na ko maira: Eaa koe i rave atinga ai na te Atu? E kua karanga atura a Adamu kiaia: Kare au i kite, na te Atu oki i akaue mai iaku.

7 E kua na ko atura te angela kiaia: E tutu teia no te akaatingaanga o te Tama Anau Tai a te Metua, tei kī i te aroa ua e te tuatua-mou.

8 No reira, e rave koe i te au mea taau ka rave, na roto i te ingoa o te Tamaiti, e tataraara koe e kapiki atu ki te Atua na roto i te ingoa o te Tamaiti e tuatau uatu.

9 E i taua rā ra, kua eke mai te Vaerua Tapu ki runga ia Adamu, tei akapapu mai i te tuatua no te Metua e te Tamaiti, i te na ko anga mai e: Ko au oki te Tama Anau Tai a te Metua mei muatangana mai, mei teianei, e tuatau uatu, e me inga ake koe, ka akaoraia koe, e te au tangata katoatoa, ko ratou ravarai te ka inangaro.

10 E i taua rā, kua akameitaki a Adamu i te Atua e kī akera aia, e akamata iora i te totou no runga i te au kopu tangata i te ao nei; na ko iora: Kia akameitakiia te ingoa o te Atua, no taku nei aatianga ture, kua puera akenei toku nga mata, e i roto i teia oraanga ka rauka toku rekarekaanga, e tera oki tetai i roto i teia kopapa nei ka kite au i te Atua.

11 E akarongo akera a Eva, tana vaine, i teia au tuatua nei, e kua rekareka tikai aia, na ko iora: Naringa e kare ta taua aati ture, kare rava taua e tu i te uanga e kare rai taua e kite i te meitaki e te kino, e te rekareka o to taua akaoraanga, e te ora mutukore ta te Atua e oronga mai ki te katoatoa rava e kauraro.

12 E kua akameitaki tikai a Adamu e Eva i te ingoa o te Atua, e kua akakite raua i teia au mea nei ki ta raua au tamariki tamaroa e te au tamariki tamaine.

13 E kua aere maira a Satani ki rotopu ia ratou, na ko maira: E tamaiti katoa au na te Atua; e kua akaue atu ia ratou, na ko atura: Auraka kotou e irinaki, e kare rai ratou i irinaki, e maata to ratou inangaro ia Satani auraka te Atua. E kua riro mai te tangata mei te reira tuatau mai ei aronga anoano kopapa, ei manako kore, e ei akamori diabolo.

14 Kua kapiki iora te Atua i te tangata na roto i te Vaerua Tapu i te au ngai ravarai e akaue atura ia ratou kia tataraara;

15 E ratou ravarai tei akarongo i te Tamaiti, e kua tataraara i ta ratou au ara ka oraia; e ratou ravarai tei kore e akarongo, e kare i tataraara i ta ratou ara ka akaapaia ratou; kua aere atu te akaue ririnui o te Atua mei roto atu i tona vaa, ma te papu meitaki, e ka tupu oki te reira e tikaʼi.

16 E kare ra oki a Adamu e tana vaine ko Eva i akamutu i te kapiki ki te Atua. E kite akera a Adamu i tana vaine ia Eva, to iora aia, anau akera tana ko Kaina, e kua tuatua akera: E tangata i rauka io nei i te Atu; no reira kare paa aia e akaapa i tana au tuatua. I na ra, kare a Kaina i akarongo, i te na ko anga e: Koai te Atu ka kite atu ei au iaia?

17 E nui akaou akera aia, anau maira ki tona teina ko Abela. Kua akarongo a Abela i te reo o te Atu. E tangata angai mamoe a Abela, kareka a Kaina e tatanu tana.

18 E inangaro maata to Kaina ia Satani, auraka te Atua. Kua akaue atura a Satani iaia, i te na ko anga e: Maani i tetai atinga naau ki te Atu.

19 I tetai tua mai i reira, kua apai mai a Kaina i te ua o te enua ei atinga na te Atu.

20 Kua apai katoa mai a Abela i to te anaunga mua o tana ra anana i tei matu oki i reira. Kua ariki te Atu ia Abela e tana atinga;

21 Kareka ia Kaina e tana atinga kare ïa aia i ariki. Kua kite takere ana a Satani i te reira, e kua mareka aia. Kua riri rava akera a Kaina e kua akatumatuma tona mata.

22 Kua tuatua atura te Atu kia Kaina: Eaa koe i riri ei? E eaa oki i akatumatumaʼi toou mata na?

23 Me rave koe i te meitaki, ka arikiia mai koe. E kia kore koe e rave i te meitaki ra, te takoto ra te ara i te ngutupa, e te anoano ra a Satani ia koe; e me kare koe e akarongo i taku au akaueanga, ka tuku atu au ia koe, i na tei a koe kia tau ki tona inangaro. E ka tutara koe i rungaʼo iaia;

24 Mei teianei e tuatau uatu ka riro koe ei metua no tana au pikikaa; ka tuatuaia koe te Mate Mutukore; no mua ake rai oki koe i te ao nei.

25 E ka tuatuaia teia ki te au tuatau te ka aere mai—E ko teia au mea viivii nei na Kaina mai ïa; no te mea kua patoi oki aia i te au tuatua meitaki mei te Atua mai; e taumaa teia taku ka tuku ki rungaʼo ia koe, mari ua me ka tataraara koe.

26 E kua otooto te riri o Kaina, e kare aia e akarongo akaou i te reo o te Atu, auraka oki to Abela, tona teina, tei aaere ma te tapu nui ki mua i te Atu.

27 E kua mii tikai a Adamu e tana vaine ki mua i te Atu, no Kaina e tona au taeake.

28 E i na, kua rave akera a Kaina i tetai a tona tuakana tamaine ei vaine nana, e maata atu to raua inangaro ia Satani, auraka te Atua.

29 E kua tuatua iora a Satani kia Kaina: E taputou mai koe kiaku ma toou karaponga, e me akakite ake koe ka mate koe; e akataputou koe i toou au taeake ki to ratou upoko, e na roto i te Atua ora, e kia kore ratou e tuatua; me tuatua ratou, ka mate ratou; e ko teia angaanga kia kore oki toou metua e kite; i teia rā tikai, ka oronga atu au i toou teina ia Abela ki roto i toou nga rima.

30 E kua taputou akera a Satani kia Kaina, e ka rave aia mei tana i akaue. E kua rave katoatoa ia teia angaanga na roto i te muna ngaro.

31 E kua na ko akera a Kaina: Ko au tika a Maana, te pu o teia angaanga muna, kia tā au, kia rauka te puapinga. No reira kua tuatuaia a Kaina e ko Maana te Pu, e kua akakakā aia i roto i tana angaanga kikino.

32 E kua aere atura a Kaina ki roto i te kainga, e kua pukapuka raua ko Abela, tona teina. E i na, ei ia raua i roto i te kainga, tei runga maira a Kaina i tona teina ia Abela, e kua tamate iora iaia.

33 E kua akangateitei iora a Kaina iaia no tana angaanga i rave, na ko akera: Kua matara au; papu meitaki te anana manu a taku teina, tei roto ïa i toku nga rima.

34 E kua tuatua maira te Atu kia Kaina: Teiea toou teina ko Abela? E kua karanga atura aia: Kare au i kite. Ko au ainei te tiaki i toku teina?

35 E kua na ko maira te Atu: I aa ana koe? Te kapiki maira te reo o te toto o toou teina kiaku mei te one maira.

36 E teianei te taumaaia nei koe mei te enua nei e amama mai nei i tona vaa i te arikianga i te toto o toou teina mei roto i toou rima na.

37 Me tanu koe i te one na, kare aia e oronga mai kia koe i tona maroiroi. Ka riro koe ei oro aere ua, e ei koka aere ua, i te enua nei.

38 E kua karanga atura a Kaina ki te Atu: Na Satani i timata mai iaku no te maata i te anana a toku teina. E kua riri katoa au; no tei ariki koe i te atinga nana, e kare koe i ariki i taku; kua maata rava taku utunga kare maranga iaku.

39 I na kua tuaru koe iaku i teia rā mei mua mai i te aro o te Atu, e mei mua atu i toou aroaro na ka ngaro ke atu au; e ka riro au ei oro aere ua, e ei koka aere ua i te enua nei; e ka tupu akera e ko te tangata katoa e aravei ua mai iaku nei, ka riro ïa i te tā mai iaku, no taku au ara, kare oki teia au mea nei e ngaro i te mata o te Atu.

40 E kua tuatua iora au te Atu kiaia ra: Ko te tā ia Kaina ra, e tataki ituia tona mate. E kua tuku maira te Atu i tetai akairo ia Kaina ra, kia kore roa tetai tangata e aravei iaia e tā iaia.

41 E kua tuaruia a Kaina mei mua atu i te aroaro o te Atu, ma tana vaine e te manganui o tona au taeake, e noo atura ki te enua ra ko Noda, i te pae i te itinga o te rā i Edene ra.

42 E kite iora Kaina i tana vaine, to iora aia, e anau atura ko Enoka; e kua anau mai aia e manganui te au tamariki tamaroa e te au tamariki tamaine. E te akatu ra aia i te oire i reira, e tapa iora aia i te ingoa o taua oire ra kia Enoka, ki te ingoa o tana tamaiti.

43 E anau akera ta Enoka ko Irada, e tetai au tamariki tamaroa e te tamariki tamaine. E anau akera ta Irada ko Mehuiaela, e tetai au tamariki tamaroa e te tamariki tamaine. E anau akera ta Mehuiaela ko Metusaela, e tetai au tamariki tamaroa e te tamariki tamaine. E anau akera ta Metusaela ko Lameka.

44 E kua rave iora Lameka e i toko rua vaine; ko Ada te ingoa o tetai, e ko Zila te ingoa o tetai.

45 E anau maira ta Ada ko Iabala; ko te momua ïa o te aronga i noo i te puakapa ra; ko tei tiaki i te au puaka ra; e ko Iubala te ingoa o tona teina, ko te momua ïa o te aronga katoa i akatangi i te kinura e te koe ra.

46 E anau akera ta Zila ko Tubala Kaina, e taunga ïa i te au taonga katoa i te veo e te auri. E te tuaine o Tubala Kaina ko Naama ïa.

47 E kua karanga atura a Lameka ki nga vaine nana ra, ko Ada e Zila: E akarongo mai i toku reo, e nga vaine a Lameka e ariu mai i te taringa i taku tuatua; kua tā rai oki au i te tangata ko au i paruparu na iaia, e tangata ou tei mate iaku.

48 Kia taki itu i te tutaki ia Kaina ra, ka riro i te tataki itu ngauru e kia itu ara ia Lameka;

49 Kua tomo akera Lameka ki roto i te koreromotu a Satani, mei ia Kaina rai, i riro mai ei aia e ko Maana te Pu, e pu no te au tangata muna tei piri atu kia Kaina e Satani; e ko Irada te tamaiti a Enoka, i tona kiteanga i ta ratou muna, kua akamata iora i te akakite ki te au tamariki a Adamu;

50 No reira riri akera a Lameka iaia, tamate iora iaia, kare i aite ki ta Kaina i tona teina ia Abela, kia rauka tona puapinga, kua tā ra aia no tana taputou.

51 Mei te au rā mai o Kaina, e pirianga muna tetai, e ko ta ratou au angaanga tei roto i te poiri, e kua kite ratou i to ratou au taeake tataki tai.

52 No reira kua taumaa te Atu ia Lameka, e tona ngutuare katoa, e ratou katoatoa tei taputou kia Satani; kare oki ratou i akono i te au akaueanga a te Atua, e kare rava te Atua i mareka ana; kare oki aia i matuapuru ana ia ratou, e mea viivii ta ratou au angaanga, e kua totoa ki rotopu i te au tamaroa a te tangata. E tei rotopu te reira i te au tamaroa a te tangata.

53 Kare teia au mea i tuatuaia i rotopu i te au tamaine a te tangata nei, no te mea kua tuatua a Lameka i teia muna ki tana nga vaine, e kua akakiteia ki te atea ke, ma te kore o raua aroa;

54 No reira kua akavaavaaia a Lameka, e kua tuaruia atu ki vao, e kare aia i oki mai ki rotopu i te au tamariki a te tangata, ko te tamateia aia.

55 E kua akamata iora te au angaanga a te poiri i te autu ki rotopu i te au tamaroa a te tangata nei.

56 E kua taumaa iora te Atua i te enua ki te taumaa kino tikai, e kua riri iora ki te aronga kikino, e te au tamariki a te tangata, tana i anga;

57 No tei kore ratou i akarongo mai ki tona reo, me kore ra e irinaki ki runga i tana Tamaiti Anau Tai, ko tana oki ïa i tuatua e ka tae mai i rotopu tikai i te au tuatau, tei teateamamaoia mei ko mai i te akamouangaia te tango o te ao nei.

58 No reira kua akamataia te Evangelia i te akoia, mei te kapuaanga, tei tuatuaia e te au angela tapu tei tonoia mai mei mua mai i te aroaro o te Atua, e na tona uaorai reo, e na te orongaanga o te Vaerua Tapu.

59 I na, kua akatinamouia te au mea ravarai kia Adamu, na roto i te angaanga oroa tapu, e te akoangaia te Evangelia, e te akaue tuku ia atu, ei roto rai i teianei ao e tikai, e tae uatu ki te openga, koia ïa. Amene.