Ko e Fakalelei ʻa Sīsū Kalaisí
“Vakai ʻoku ou pehē kiate kimoutolu te mou maʻu ʻa e ʻamanaki leleí ʻi he fakalelei ʻa Kalaisí” (Molonai 7:41).
ʻE tokoni ʻa e ngaahi fokotuʻutuʻu ʻi he ʻiuniti ko ʻení ki he kau talavoú ke nau “haʻu kia Kalaisi … pea kau ʻi heʻene fakamoʻuí, pea mo e mālohi ʻo ʻene huhuʻí” ( ʻAmenai 1:26). Te ke lava ʻo tokoniʻi kinautolu ‘i he ʻiuniti ko ‘eni ke mahino ‘a e foungá, ʻi he fakatomala mo e Fakaleleí, te nau kei maʻa mo moʻui taau ke fakahoko honau ngaahi fatongia ‘o e lakanga fakataulaʻeiki. Te ke lava foki ke tokoni ke nau ‘iloʻi ʻi heʻenau hoko ko e kau maʻu Lakanga Taulaʻeiki Faka-‘Elone, ʻoku nau maʻu ha fatongia toputapu ke tokoniʻi e niʻihi kehe ke nau maʻu e ngaahi tapuaki ʻo e Fakaleleí ‘i heʻenau fakahoko e ngaahi ouau ʻo e sakalamenití mo e papitaisó.
Koeʻuhí ke hoko e Fatongia ki he ʻOtuá ko ha konga ʻo e fakataha fakakōlomu he ʻaho Sāpaté, mahalo te ke fakakukauʻi hano akoʻi e fokotuʻutuʻu ki he Fatongia ki he ʻOtuá ʻoku ʻoatu ʻi laló lolotonga e ʻiuniti ko ʻení.
Ngaahi Fokotuʻutuʻu ke Fili mei ai he Māhina ní:
Mutualé
Fakakaukau ki he founga te ke lava ʻo palani ai e ngaahi ʻekitivitī ʻoku fehokotaki mo e meʻa ʻoku ako ʻe he toʻu tupú. ʻOku ʻi ai ha saiti ki he Ngaahi ʻEkitivitī e Toʻu Tupú ke tokoni atu kiate koe. Ko e lahi taha ʻa e ngaahi ʻekitivitī ako ʻi he ngaahi fokotuʻutuʻu ko ʻení ʻe lava ke fakaʻaongaʻi ia ʻi he ngaahi ʻekitivitī ʻa e Mutualé. Ngāue fakataha mo e kau palesitenisī fakakōlomú ke fili mo palani ha ngaahi ʻekitivitī lelei ke fakamamafaʻi e meʻa ʻoku ako ʻe he kau talavoú ʻi he ʻaho Sāpaté.
Fatongia ki he ʻOtuá
Ko e ngaahi konga ko ʻeni mei he tohi Fatongia ki he ʻOtuá ʻoku fekauʻaki ia mo e ngaahi lēsoni ʻi he ʻiuniti ko ʻení:
“Fakahoko e Ngaahi Ouau ʻo e Lakanga Fakataulaʻeikí,” peesi 24–25, 48–49, 72–73