Ngaahi Fekaú

“Fakakaukau ki he tuʻunga monūʻia mo fakafiefia ʻo kinautolu ʻoku tauhi ʻa e ngaahi fekau ʻa e ʻOtuá” (Mōsaia 2:41).

Ko e ngaahi fekaú ko ha ngaahi fono mo e ngaahi fie maʻu ʻoku ʻomi ʻe ha Tamai Hēvani ʻofa ki Heʻene fānaú ke tāpuekina ʻa kinautolu, maluʻi kinautolu, mo tataki kinautolu ke nau foki hake kiate Ia. ʻE tokoni e ngaahi fokotuʻutuʻu ʻi he ʻiuniti ko ʻení ki he talavou takitaha ke ako kau ki he ngaahi tāpuaki ʻoku maʻu mei he talangofua ki he ngaahi fekau ʻa e Tamai Hēvaní. ʻI he tauhi ʻe he kau talavoú e ngaahi fekaú pea toutou fakatomalá, te nau fakahaaʻi ai ʻenau ʻofa ki he ʻEikí pea fakatauʻatāinaʻi kinautolu mei he ngaahi tākiekina ʻa e māmaní.

Ngaahi Fokotuʻutuʻu ke Fili mei ai ʻi he Māhiná Ni

• Te u lava fēfē ke ʻi he māmaní kae ʻikai ʻo e māmaní?

• ʻOku uesia fēfē au pea mo kinautolu ʻoku mau feohí ʻe he ngaahi meʻa ʻoku ou lea ʻakí?

• Te u lava fēfē ke tekeʻi ʻa e ponokalafí?

• Ko e hā ʻoku tau ʻaukai aí?

• Ko e hā ʻoku fekauʻi mai ai ke tau tauhi ʻa e ʻaho Sāpaté ke māʻoniʻoní?

• Ko e hā ʻoku tau totongi vahehongofulu aí?

• Ko e hā ʻoku mahuʻinga ai ke faitotonú?

Mutualé

Fakakaukau ki he founga te ke lava ʻo palani ai e ngaahi ʻekitivitī ʻoku fehokotaki mo e meʻa ʻoku ako ʻe he toʻu tupú. ʻOku ʻi ai ha saiti ki he Ngaahi ʻEkitivitī ʻa e Toʻu Tupú ke tokoni atu kiate koe. Ko e lahi taha ʻa e ngaahi ʻekitivitī ako ʻi he ngaahi fokotuʻutuʻu ko ʻení ʻe lava ke toe fakaʻaongaʻi ia ʻi he ngaahi ʻekitivitī ʻa e Mutualé. Ngāue fakataha mo e kau palesitenisī fakakōlomú ke fili mo palani ha ngaahi ʻekitivitī lelei ke fakamamafaʻi e meʻa ʻoku ako ʻe he kau talavoú ʻi he ʻaho Sāpaté.

Fatongia ki he ʻOtuá

ʻOku fekauʻaki ʻa e ngaahi konga ko ʻeni mei he tohi Fatongia ki he ʻOtuá mo e ngaahi lēsoni ʻi he ʻiuniti ko ʻení:

“Moʻui Taau,” peesi 16–17, 40–41, 64–65

“Mahino ʻa e Tokāteliné,” peesi 18–20, 42–44, 66–68