Nofo-Malí mo e Fāmilí
“Ko e mali ʻi ha vā ʻo ha tangata mo ha fefine naʻe tuʻutuʻuni ia ʻe he ʻOtuá pea ko e fāmilí ko e uho ia ʻo e palani ʻa e Fakamoʻuí ki he ikuʻanga taʻengata ʻo ʻEne fānaú” (“Ko e Fāmilí: Ko ha Fanongonongo Ki Māmani,” Ensign pe Liahona, Mē 2017, 145).
ʻE tokoni e ngaahi fokotuʻutuʻu ʻi he ʻiuniti ko ʻení ke mahino ki he kau maʻu lakanga Taulaʻeiki Faka-ʻĒloné e mahuʻinga ʻo e fāmilí ʻi heʻenau moʻuí pea mo e palani ʻa e Tamai Hēvaní ki Heʻene fānaú. ʻE tokoni ʻa e ngaahi moʻoni ko ia ʻoku nau maʻu ʻi he ʻiuniti ko ʻení ki hono maluʻi e nofo-malí mo e fāmilí mei he ngaahi ʻohofi mo e kākā ʻa e filí. ʻE toe tokoni foki e ngaahi moʻoni ko ʻení ki hono fakahoko honau fatongia he lakanga fakataulaʻeikí ke fakamālohia honau ngaahi fāmilí he taimí ni mo teuteu ke nau ohi hake ha ngaahi fāmili angatonu ʻi heʻenau hoko ko ha ngaahi husepāniti mo ha ngaahi tamai moʻui taau ʻi Saione.
Koeʻuhí ke hoko e Fatongia ki he ʻOtuá ko ha konga ʻo e fakataha fakakōlomu he ʻaho Sāpaté, mahalo te ke fakakaukauʻi hano akoʻi e fokotuʻutuʻu ki he Fatongia ki he ʻOtuá ʻoku ʻoatu ʻi laló lolotonga e ʻiuniti ko ʻení.
Ngaahi Fokotuʻutuʻu ke Fili mei ai ʻi he Māhiná Ni
Mutualé
Fakakaukau ki he founga te ke lava ʻo palani ai e ngaahi ʻekitivitī ʻoku fehokotaki mo e meʻa ʻoku ako ʻe he toʻu tupú. ʻOku ʻi ai ha saiti ki he Ngaahi ʻEkitivitī ʻa e Toʻu Tupú ke tokoni atu kiate koe. Ko e lahi taha ʻa e ngaahi ʻekitivitī ako ʻi he ngaahi fokotuʻutuʻu ko ʻení ʻe lava ke fakaʻaongaʻi ia ʻi he ngaahi ʻekitivitī ʻa e Mutualé. Ngāue fakataha mo e kau palesitenisī fakakōlomú ke fili mo palani ha ngaahi ʻekitivitī lelei ke fakamamafaʻi e meʻa ʻoku ako ʻe he kau talavoú ʻi he ʻaho Sāpaté.
Fatongia ki he ʻOtuá
ʻOku fekauʻaki ʻa e ngaahi konga ko ʻeni mei he tohi Fatongia ki he ʻOtuá mo e ngaahi lēsoni ʻi he ʻiuniti ko ʻení:
“Tokoniʻi e Niʻihi Kehé,” peesi 26–27, 50–51, 74–75
“Mahino ʻa e Tokāteliné,” peesi 18–20, 42–44, 66–68
“Fāmilí mo e Ngaahi Kaungāmeʻá,” peesi 79–83