Moʻui Fakafalala Fakalaumālie mo Fakatuʻasino pē Kiate Kita

“He ʻoku ʻiate kinautolu ʻa e mālohi, ʻa ia ʻoku nau hoko ai ko e niʻihi ke fili maʻanautolu” (Tokāteline mo e Ngaahi Fuakava 58:28).

ʻE tokoni ʻa e fokotuʻutuʻu ʻi he ʻiuniti ko ʻení ke mahino ki he kau maʻu Lakanga Taulaʻeiki Faka-ʻĒloné ʻa e mahuʻinga ke nau moʻui fakafalala fakalaumālie mo fakatuʻasino pē kiate kinautolú. Neongo ʻoku nau kei ʻi he toʻu tupú, ka kuo tāpuekina ʻa e kau talavou ko ʻení ʻaki ʻa e meʻafoaki ʻo e tauʻatāina ke filí, pea ʻoku nau ako e founga ke fokotuʻu ai honau ʻalungá mo kumi e tali ki heʻenau ngaahi palopalemá ʻi he ongoongolelei ʻo Sīsū Kalaisí. Ko e lahi ange ʻenau moʻui fakafalala pē kiate kinautolú, ko e lahi ange ia e tauʻatāina te nau maʻú. Te nau mateuteu lelei ange ai ke fakahoko totonu honau ngaahi fatongia ʻi he lakanga fakataulaʻeikí, fakamālohia honau ngaahi fāmilí, mo fakahoko honau ngaahi fatongia he kahaʻú ko ha ngaahi husepāniti mo ha ngaahi tamai.

Ngaahi Fokotuʻutuʻu ke Fili mei ai ʻi he Māhiná Ni

Mutualé

Fakakaukau ki he founga te ke lava ʻo palani ai e ngaahi ʻekitivitī ʻoku fehokotaki mo e meʻa ʻoku ako ʻe he toʻu tupú. ʻOku ʻi ai ha saiti ki he Ngaahi ʻEkitivitī ʻa e Toʻu Tupú ke tokoni atu kiate koe. Ko e lahi taha ʻa e ngaahi ʻekitivitī ako ʻi he ngaahi fokotuʻutuʻu ko ʻení ʻe lava ke fakaʻaongaʻi ia ʻi he ngaahi ʻekitivitī ʻa e Mutualé. Ngāue fakataha mo e kau palesitenisī fakakōlomú ke fili mo palani ha ngaahi ʻekitivitī lelei ke fakamamafaʻi e meʻa ʻoku ako ʻe he kau talavoú ʻi he ʻaho Sāpaté.

Fatongia ki he ʻOtuá

ʻOku fekauʻaki ʻa e ngaahi konga ko ʻeni mei he tohi Fatongia ki he ʻOtuá mo e ngaahi lēsoni ʻi he ʻiuniti ko ʻení:

“Mahino ʻa e Tokāteliné,” peesi 18–20, 42–44, 66–68

“Akó,” peesi 55–59