iTuvatuva ni Vuli

Na ituvatuva yadua ni vuli ena vakatabakiduataki tiko kina na nodra vakatataro na itabagone kei na ivunau ka na rawa ni vukei ira mera raica rawa na isau ni vakatataro o ya. Na ituvatuva ni vuli oqo e sega ni vakatabakiduataki kina na veika mo ni tukuna se vakayacora ni ko veivakavulici tiko. Era a vakarautaki mera vukei kemuni mo ni vulica vakai kemuni na vunau ka vakavakarau mo vakaitavitaki ira na itabagone ena vuli-ka vakaukauwa. Veitaudonuitaka na vuli-ka oqo ki na veika era vinakata ka gadreva. Vakasamataka na sala eso o rawa ni vakauqeti ira mera cakava ga vakai ira na nodra vakasaqaqara, kune-ka, ka wasea na veika era sa sauma rawa ki na nodra vakatataro ni kosipeli.

Na ituvatuva yadua oqo era oka kina na veitukutuku kei na isema eso mai na nodra ivakavuvuli buta katakata na parofita bula kei ira tale eso na iliuliu ni Lotu, vakabibi na kena mai na koniferedi raraba kei na soqoni ni Goneyalewa. Na veivakavuvuli oqo era na dau vakataucokotaki tiko mo ni rawa ni vukei ira kina na itabagone mera vulica ka bulataka na nodra ivakasala na parofita bula ni oti ga na kena cauraki mai. Me vakawasoma na nomu raicalesu tiko na ituvatuva oqo me baleta na nodra ivakavuvuli buta katakata na iliuliu ni Lotu.