Vakaduavatataki ka Vakamatautaki

Sa rawa me vakamatautaki e vuqa na vakatutu era tiko ena ivolaveituberi oqo me ganiti keda. Ni ra sa kila vakavinaka na qasenivuli kei ira na iliuliu na inaki ni vakatutu oqo, era na vakauqeti vakayalo mera raica na veika e veiganiti ka na sotava na nodra gagadre na nodra itabagone. Me kakua ni moici na ivakavuvuli oqo;

• Era na digidigi ka vakavakarau ga na iliuliu kei ira na qasenivuli mai na lesoni e tiko ena tabana lailai e vakatututaki tiko baleta na vula o ya. Era na yavutaka na nodra digidigi mai na veika era gadreva na itabagone era vakavulica tiko.

• Ni sa gadrevi vakakina, mera veivakacokotaki ka veivakaduavatataki tiko na qasenivuli (oka kina o ira na qasenivuli ni semineri) ena nodra sasaga vakai ira.

• Mera saga tiko vakaidina o ira na daunivakasala kei ira na qasenivuli mera veivakavulici ena ivakarau ni iVakabula — ka vakayagataki ira na itabagone mera kila rawa na kosipeli ena nodra vakaitavi ena vuli-ka. Oqo e rawa ni oka kina na vulici vata ni ivolanikalou, veivosakitaki ni vakasama eso, veiwasei ena veika era sa dui sotava kei na vuku vakayalo, ka cavuta nodra ivakadinadina.

• Era sa vakayaloqaqataki na itabagone mera wasea na veika era sa vulica tiko ki na nodra dui matavuvale kei ira tale eso. Sa dodonu me soli talega vei ira na veigauna eso mera veivakavulici ena soqoni kei na itaviqaravi eso ni Lotu.

• Na vuli taucoko ena loma ni Lotu e dodonu me veivakayaloqaqataki, yavutaki, ka muataki ki na kila-ka vakayalo ni tamata yadua ena masumasu, vulica na ivolanikalou, vakasama vakatitobu, bulataka na kosipeli ena bula ni veisiga, ka qaravi ira tale eso. Sa kena iusutu, ni sasaga ni tamata yadua sa idola ki na nona saumaki mai.