Na Veisorovaki nei Jisu Karisito

“Raica au sa kaya vei kemudou, ni dou na rawata na inuinui ena vuku ni veisorovaki i Karisito” (Moronai 7:41).

Na ituvatuva ena iwasewase oqo ena vukei ira na goneyalewa me ra “lako mai vua na Karisito … mo dou vakaivotavota ena nona veivakabulai, kei na kaukauwa ni nona veivueti” (Omanai 1:26). Ni sa yaco me ra kila na goneyalewa na Veisorovaki kei na kena qaqa ena nodra bula, era na rawata na igu me ra vakadruka kina na ivalavala ca kei na meca ena nona loloma soliwale na iVakabula. Era na kunea na vakacegu kei na veivakabulai. Ena titobu cake na nodra lomana kei na nodra soli ira vua na iVakabula, ka ra na vakila na gagadre cecere cake me ra wasea na nodra ivakadinadina me baleti Koya vei ira tale eso.

iTuvatuva mo Digidigi mai kina ena Vula Oqo:

• Na cava na Veisorovaki i Jisu Karisito?

• Na cava na ibalebale ni vakabauti Jisu Karisito?

• E rawa vakacava ni vukei au ena veisiga na veivutuni?

• Na cava na loloma soliwale?

• Na cava e gadrevi kina meu vosoti ira na tani?

• Na cava na tucaketale?

• Ena vukei au vakacava na iVakabula ena noqu gauna ni vakatovolei?

Muavata

Vakasamataka na navuci ni so na itaviqaravi ka salavata kei na veika era sa vulica tiko na itabagone. Na mataveilawa ni itaviqaravi ni itabagone ni lotu sa vakarautaki tu me vukei iko. E vuqa na itaviqaravi ni vuli ena ituvatuva oqo e rawa talega me itaviqaravi vinaka ni Muavata. Cakacaka vata kei ira na mataveiliutaki ni kalasi me digitaki ka tuvai na itaviqaravi ena vaqaqacotaka na veika era a vulica na goneyalewa ena Sigatabu.

Torocake Yadudua

Na wase oqo mai na ivola Torocake Yadudua e sema tiko ki na veilesoni ena tabana oqo:

• Veika yaga e sotavi ni Vakabauta 5

• Veika yaga e sotavi ni iValavala Dodonu 4