Ko e Fakalelei ʻa Sīsū Kalaisí

“Vakai ʻoku ou pehē kiate kimoutolu te mou maʻu ʻa e ʻamanaki leleí ʻi he fakalelei ʻa Kalaisí” (Molonai 7:41).

ʻE tokoni ʻa e ngaahi fokotuʻutuʻu ʻi he ʻiuniti ko ʻení ki he kau finemuí ke nau “haʻu kia Kalaisi … pea kau ʻi heʻene fakamoʻuí, pea mo e mālohi ʻo ʻene huhuʻí” ( ʻAmenai 1:26). ʻI he mahino ki he kau finemuí ʻa e Fakaleleí mo hono mālohí ʻi heʻenau moʻuí, te nau maʻu ha mālohi ke ikunaʻi ʻa e angahalá mo e ʻahiʻahí ʻo fakafou ʻi he ʻaloʻofa ʻa e Fakamoʻuí. Te nau ʻiloʻi ʻa e nongá mo e fakamoʻuí. ʻE fakaloloto ʻenau ʻofa mo e mateaki ki he Fakamoʻuí, pea te nau ongoʻi ha holi lahi ange ke vahevahe mo e niʻihi kehé ʻenau fakamoʻoni kau kiate Iá.

Ngaahi Fokotuʻutuʻu ke Fili mei ai ʻi he Māhina Ní

• Ko e hā e Fakalelei ʻa Sīsū Kalaisí?

• ʻOku ʻuhinga ki he hā ke tui kia Sīsū Kalaisi?

• ʻE lava fēfē ke tokoniʻi au ʻe he fakatomalá he ʻaho kotoa pē?

• Ko e hā ʻa e ‘aloʻofa?

• Ko e hā ʻoku fie maʻu ai ke u fakamolemoleʻi e niʻihi kehé?

• Ko e hā ʻa e Toetuʻú?

• ‘E tokoniʻi fēfē au ʻe he Fakamoʻuí lolotonga hoku ngaahi faingataʻaʻiá?

Mutualé

Fakakaukau ki he founga te ke lava ʻo palani ai e ngaahi ʻekitivitī ʻoku fehokotaki mo e meʻa ʻoku ako ʻe he toʻu tupú. ʻOku ʻi ai ha saiti ki he Ngaahi ʻEkitivitī ʻa e Toʻu Tupú ke tokoni atu kiate koe. ʻE lava ke fakaʻaongaʻi e lahi taha ʻo e ngaahi ʻekitivitī ako ʻi he ngaahi fokotuʻutuʻu ko ʻení ko ha ngaahi ʻekitivitī lelei ʻo e Mutualé. Ngāue fakataha mo e kau palesitenisī fakakalasí ke fili mo palani ha ngaahi ʻekitivitī feʻunga ʻoku nau fakamālohia e meʻa ʻoku ako ʻe he kau finemuí ʻi he Sāpaté.

Fakalakalaka Fakatāutahá

ʻOku fekauʻaki e ngaahi aʻusia ko ʻeni mei he Fakalakalaka Fakatāutahá mo e ngaahi lēsoni ʻi he ʻiuniti ko ʻení:

• Aʻusia ʻi he tuʻunga ʻulungaanga mahuʻinga ʻo e Tuí 5

• Aʻusia ʻi he tuʻunga ʻulungaanga mahuʻinga ʻo e Angamaʻá 4