Ngaahi Fekaú

“Fakaukau ki he tuʻunga monūʻia mo fakafiefia ʻo kinautolu ʻoku tauhi ʻa e ngaahi fekau ʻa e ʻOtuá” (Mōsaia 2:41).

Ko e ngaahi fekaú ko ha ngaahi fono mo e ngaahi fie maʻu ʻoku ʻomi ʻe ha Tamai Hēvani ʻofa ki Heʻene fānaú ke tāpuekina ʻa kinautolu, maluʻi kinautolu, mo tataki kinautolu ke nau foki hake kiate Ia. ʻI he taimi ʻoku tau tauhi ai e ngaahi fekaú, ʻoku tau fakahaaʻi ai ʻetau ʻofa ki he Tamai Hēvaní mo Hono ʻAlo ko Sīsū Kalaisí. ʻI heʻetau talangofua ki he ngaahi fekaú mo hokohoko atu e fakatomalá, ʻoku tau hoko lahi ange ai ʻo hangē ko e Fakamoʻuí pea tāpuekina kitautolu ʻaki ha fiefia, melino, fakamoʻoni, pea mo e takaua ʻo e Laumālie Māʻoniʻoní. ʻOku tokoni e talangofua ki he ngaahi fekaú ke tau fakahoko ai hotau fatongia fakalangi ko ha ngaahi ʻofefine ʻo e ʻOtuá.

Ngaahi Fokotuʻutuʻu ke Fili mei ai ʻi he Mahiná Ni

• Te u lava fēfē ke ʻi he māmaní kae ʻikai ʻo e māmaní?

• Te u lava fēfē ke tekeʻi ʻa e ponokalafí?

• ʻOku uesia fēfē au pea mo kinautolu ʻoku mau feohí ʻe he ngaahi meʻa ʻoku ou lea ʻakí?

• Ko e hā ʻoku tau ʻaukai aí?

• Ko e hā ʻoku fekauʻi mai ai ke tau tauhi ʻa e ʻaho Sāpaté ke māʻoniʻoní?

• Ko e hā ʻoku mahuʻinga ai ke faitotonú?

• Ko e hā ʻoku tau totongi vahehongofulu aí?

Mutualé

Fakakaukau ki he founga te ke lava ʻo palani ai e ngaahi ʻekitivitī ʻoku fehokotaki mo e meʻa ʻoku ako ʻe he toʻu tupú. ʻOku ʻi ai ha saiti ki he Ngaahi ʻEkitivitī ʻa e Toʻu Tupú ke tokoni atu kiate koe. ʻE lava ke fakaʻaongaʻi e lahi taha ʻo e ngaahi ʻekitivitī ako ʻi he ngaahi fokotuʻutuʻu ko ʻení ko ha ngaahi ʻekitivitī lelei ʻo e Mutualé. Ngāue fakataha mo e kau palesitenisī fakakalasí ke fili mo palani ha ngaahi ʻekitivitī feʻunga ʻoku nau fakamālohia e meʻa ʻoku ako ʻe he kau finemuí ʻi he Sāpaté.

Fakalakalaka Fakatāutahá

ʻOku fekauʻaki e ngaahi ʻekitivitī ko ʻeni mei he Fakalakalaka Fakatāutahá mo e ngaahi lēsoni ʻi he ʻiuniti ko ʻení:

Ngaahi aʻusia ʻi he tuʻunga ʻulungaanga mahuʻinga ʻo e Tauʻatāina ke Filí mo e ʻEkeʻi Meiate Kita ʻa e Meʻa ʻOkú Te Fai pe Taʻefai 2, 3, mo e 7

Ngaahi aʻusia ʻi he tuʻunga ʻulungaanga mahuʻinga ʻo e Faitotonú 2, 3, 4; ngāue ʻo e tuʻunga ʻulungaanga mahuʻingá 5

Ngaahi aʻusia ʻi he tuʻunga ʻulungaanga mahuʻinga ʻo e Angamaʻá 2 mo e 4