Fesoasoani e Pei o Iesu

Sa Faaaofia e Iesu Isi

I se tasi aso na o mai ai se vaega o tamaiti e vaai Iesu Keriso. Sa fai atu ona soo ia i latou e o ese. Ae peitai sa fetalai atu Iesu “Ina tuu mai ia o tamaiti e o mai ia te au” (Mareko 10:14). Sa le’i manao o Ia e tuuese atu i latou. Sa Ia manao e faaalu se taimi ma i latou ona sa Ia alofa ia i latou.

Sa opo mai e le Faaola ia tamaiti i ona lima. Sa Ia faamanuia ia i latou. Sa ia fesoasoani ia i latou ia lagona le taua.

E mafai ona e faitau i le tala atoa i le Luka 18:15–17 ma le Mareko 10:13–16.

E Mafai ona ou Faia se Uo Fou

• Vaavaai mo se tagata fou e mafai ona e feiloai i ai.

• Fai se fuafuaga ia avea oe ma se uo ia i latou.

• Fai lau fuafuaga!

• Oti ese le kata lenei e faamanatu ai ia te oe ia faaauau pea ona fesoasoani e pei o Iesu.

Sa ou lagona le tuuatoatasi i le malologa, o lea sa ou fesili ai i se tasi pe mafai ona matou taaalo faatasi. Sa amata ona matou taaalo i ni sioka, ma sa toatele tagata na o mai, ma sa manaia tele lava! Afai e te lagona le tuua toatasi, e mafai ona e fai atu i se tasi lua te taaalo faatasi!

Kanyin P., 8 tausaga, Colorado, ISA

O faapefea ona e taumafai ia pei o Iesu e ala i le fesoasoani atu i isi? Tusi ma ta’u mai ia i matou! Alu i le faavaa pito i tua e vaai pe faapefea.

Ata na tusia e Kristin Kwan