Sau, Mulimuli Mai ia te A’u

Taimi Fiafia i Tusitusiga Paia

O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.

Faamanatu ia Iesu Keriso

Mo le Eseta

Usu le “Ua Toetu Iesu,” (Tusipese a Tamaiti,44).
Faasoa atu mau e te fiafia i ai po o ni tala e uiga ia Iesu. Ona suesue lea i totonu o mekasini tuai a le Ekalesia ma tipi ni ata o Ia. Kelu pe faapipii faatasi ia ata i luga o se pepa po o se pepa lautele e fai ai se fatufatuga.
E mafai ona e maua le tele o tala o le Eseta ma gaoioiga i le 2021 Mati Uo.

Usu le “Ou Te Fia Avea Nei ma Faifeautalai,” (Tusipese a Tamaiti,90).
Ina ua toefuatai mai le Ekalesia a Iesu Keriso, sa valaauina e le Atua faifeautalai e o ma aoao atu ni tagata se toatele e uiga i ai. E mafai ona e faitau e uiga i nisi o uluai faifeautalai o loo i le itulau e 42.
Tusi ni tusi pe tusi ni ata e auina atu i faifeautalai! E mafai ona e tuuina atu i faifeautalai faamisiona o loo galulue i lo outou eria pe auina atu i se faifeautalai o loo auauna atu i se isi nofoaga. Talanoa e uiga i ni auala e mafai foi ona e faasoa atu ai le talalelei.

Usu le “Uunai Atu ia ma Tulei” (Viiga, nu. 163).
Ua aoaoina i tatou e Iesu ina ia “tasi” (Mataupu Faavae ma Feagaiga 38:27). O lona uiga o le galulue faatasi ma tagata o loo siomia i tatou e ausia lea lava sini e tasi.
Filifili se paga ma tu i autafa o le tasi ma le isi, ma tuu atu le tau’au agai leisi tau’au. Faaaoga se sikafu po o se maea e nonoa lemu ai lou tapuvae agai i le tapuvae o lau paga. Galulue faatasi e faataitai le savali. O le a le vave e mafai ona o ai ma le saogalemu mai le tasi nofoaga i le isi?

Usu le “Fetalai Mai Iesu e Alofa i Tagata Uma“ (Tusipese a Tamaiti, 39).
Na aoao mai Iesu e tatau ona tatou “nonofo faatasi i le alofa” (Mataupu Faavae ma Feagaiga 42:45).
Tusi igoa o tagata taitasi o lou aiga i luga o ni fasipepa. Ona tuu atu lea i tagata taitasi e filifili se igoa. Ia mautinoa e le o lou lava igoa, ma aua nei faatagaina se isi tagata e vaai po o ai na e filifilia! I le aluga o le vaiaso, taumafai malosi e auauna atu ma faaali atu le alofa i lena tagata.