Uo i le Uo
O le Fesili Tele Faataavalega Polo
Mai se faatalatalanoaga ma Sydney Squires.
Ina ua ou i ai i le vasega ono, sa siitia lo’u aiga. O se tasi o au uo fou sa le o se tagata o le Ekalesia.
I se tasi Aso Sa, na valaau mai ai a’u e la’u uo. Sa manao ou te alu atu ma te o ma ona matua e faataavale polo i lena aoauli. Sa faatasi lava ona ou faataavale polo muamua, ma sa matuai ou fiafia lava i ai. O le toe faataavale polo foi o le a toe manaia foi, aemaise lava ma la’u uo fou. Sa ou alu loa lava e fesili i lou tina.
“Ia,” sa ia fai mai ai, “o le Aso Sa, ia ou te manatu e le tatau ona e alu. Ae e mafai ona e faia sa oe lava filifiliga.”
Sa ou te’i! Sa ou faapea o le a ia fai mai leai. Ae peitai o le filifiliga ua aumai uma ia te a’u. O lea sa ou filifili ai ou te alu e faataavale polo ma la’u uo.
E le’i umi ae matou taunuu ma la’u uo, ma ona matua i le fale faataavale polo. Sa matuai manuia lava au taumafaiga! Sa ma fiafia ma la’u uo. Ae o le taimi atoa lava, sa i ai se lagona faanoanoa i lo’u manava. Sa ou iloaina i lo’u loto e sa’o lava lo’u tina. Sa ou aoaoina i le lotu ma i le fale o le faia o le Aso Sa o se aso paia e taua. O le o i le faataavalega polo ma la’u uo e le’o se gaoioiga sili o le aso Sa.
I lena aso, sa ou aoaoina ai se lesona taua. E lelei le i ai o le fiafia ma le faatasi ai ma uo! Ae o le filifili ia faia faapitoa le Aso Sa o se mea e sili atu ona taua.
Ata na tusia e Jim Madsen