Համաժողովի ուղերձ մարգարեից
Հավատը սարեր կտեղաշարժի
Նախագահ Ռասսել Մ. Նելսոն
Վերցված է «Քրիստոսը հարություն է առել․ Նրա հանդեպ հավատքը սարեր կտեղաշարժի», Լիահոնա, մայիս 2021 թ․։
Կյանքում ամեն լավ բան և ամեն օրհնություն սկսվում է հավատքից: Աստվածաշնչում Հիսուսը խոստացավ, որ եթե մենք «մանանեխի հատի չափ հավատք ունենա[ն]ք,- կկարողանանք սարեր տեղաշարժել (Մատթեոս 17․20)։ Ձեր «սարերը» կարող են լինել միայնությունը, կասկածները, հիվանդությունները կամ այլ խնդիրներ:
Մանանեխի սերմը ներկայացնում է փոքր, բայց աճող հավատք։ Մանանեխի սերմը սկզբից փոքր է, բայց վերածվում է այնպիսի ծառի, որն այնքան մեծ է, որ թռչունները բույն են հյուսում նրա ճյուղերի վրա: Ես ձեզ կոչ եմ անում սկսել այսօր՝ ձեր հավատքը մեծացնելու համար: Ահա մի քանի եղանակ, որով կարող եք զարգացնել ձեր հավատքն ու վստահությունը։
-
Սովորեք Հիսուս Քրիստոսի մասին՝ կարդալով սուրբ գրությունները։ Սովորեք Նրա հրաշքների մասին։
-
Ընտրեք Նրա հանդեպ հավատքը։ Ամեն օր մտածեք Նրա մասին։
-
Գործեք հավատքով: Մկրտվեք և ընդունեք հաղորդությունը։
-
Խնդրեք Երկնային Հորը, որ օգնի ձեզ։
Հիսուս Քրիստոսի հանդեպ ձեր հավատքը սարեր կտեղաշարժի։ Հավատքի շնորհիվ ձեր մարտահրավերները կվերածվեն հրաշալի հնարավորությունների: