E te mau hoa,

’Ua ha’ape’ape’a a’enei ’outou ’aore rā ’ua riri i roto i te hō’ē vero, te hō’ē ma’i ’aore rā, te hō’ē tātama’i ? ’Ua ’ite Iesu e aha te mana’o e tae mai ia ’outou na, ’e e nehenehe ’oia e tauturu ia ’outou ! I te ’api 3 e nehenehe tā ’outou e tai’o e mea nāhea Iesu i te tāmarūra’a i te vero rahi ’e e nehenehe ato’a e rave i te tahi ’ohipa nō te tauturu ia ’outou ’ia ’ite i te hau.

I te ’api 13, e nehenehe ’outou e ha’api’i i te tahi hīmene nehenehe tei parauhia « E hau tō tātou i te Mesia ».

Mā te here,

Te Hoa

P.S. ’A pāpa’i mai na ’e ’a parau mai ia mātou mea nāhea ’outou e putapū ai i te hau.

I hea mātou e tai’o ai i te Hoa

’Ua ta’io ’o Milfred ’e Alfred W., 7 ’e 4 matahiti, i te Hoa reo peretāne i Kampala, i Uganda.

E mea au nā’u ’ia hi’o i te hiero

’Ua tere atu ’o Logan A., 10 matahiti, i te hiero nō Montreal Quebec.

Anoihi ’ōfa’i (Rock Art) nō te mau pāpa’ira’a mo’a !

Nō te pō ’utuāfare, ’ua hāmani mātou e toru anoihi ’ōfa’i nō ni’a i te mau pāpa’ira’a mo’a. ’Ua ’ārearea roa mātou i te ha’api’ira’a i te ’ā’amu o te mau pāpa’ira’a mo’a nō ni’a i te taea’e o Iareda (Novema 2020) !

James ’e Séfora W., 6 ’e 5 matahiti, Navarre, fenua Pāniora