Rima tauturu ’ati a’e te ao nei
Fārerei ia Porter nō Pōrōnia
Nō roto mai i te hō’ē uiuira’a ’e Amie Jane Leavitt.
Fārerei i te mau tamari’i Paraimere e tauturu ra ia vetahi ’ē, mai tā Iesu i nā reira.
Te mau mea ato’a nō ni’a ia Porter
Matahiti : 10
Nō te : Fenua Marite ’e tē ora nei ’oia i Pōrōnia
Mau reo : Reo peretāne ’e tē ha’api’i nei i te reo farāni
Te ’utuāfare : Pāpā, Māmā, te mau taea’e ’o Ethan, Mason ’e ’o Connor, ’e hō’ē ’ūrī ’o Ginger
Tāna mau fā ’e mau moemoeā : ’Ia riro ’ei taote ’ānimara ’e e ’atu’atu i te mau ’ānimara.
Te rima tauturu o Porter
E ’imi noa Porter i te mau mea iti ha’iha’i tāna e nehenehe e rave nō te tauturu ia vetahi ’ē. I te fare, e tauturu ’oia i tōna nā metua ’ia tunu i te mā’a nō te ’utuāfare. I te fare ha’api’ira’a, e ha’apāpū ’oia ē, tei roto te mau tamari’i ato’a i te mau ha’utira’a, te mau tamari’i iho ā rā ’o te ’ore e fa’aha’uti-pinepine-hia. E tauturu ’oia i te ’atu’atu i te mau tauiha’a nō te taime ha’utira’a, noa atu e ’ere nāna i ha’uti i te reira. E rave ato’a ’oia i te mau mea e tauturu i te mau ’ānimara. Tei roto ’oia i te hō’ē pupu o te ha’api’ira’a e hāmani nei i te mau tao’a ha’uti nā te mau ’ūrī i te fare pārurura’a ’ānimara.
’Ua tauturu ato’a Porter i te ravera’a i te ’ohipa i roto i te ’’ōpuara’a pi’ihia BillionGraves. ’Ua haere ’oia ’e tōna ’utuāfare i te hō’ē vāhi hunara’a ma’i nō te pata i te hōho’a o te mau ’ōfa’i tāpa’o mēnema. ’Ua tauturu tōna taea’e Connor i te pata i te mau hōho’a. I muri iho, ’ua fa’auta uira atu i te mau hōho’a i ni’a i te tahua natirara ’o te ’’ōpuara’a ’ohipa. E tauturu teie mau hōho’a i te mau ta’ata nā te ao ato’a nei ’o tē ’imi nei i te mau ha’amāramaramara’a nō ni’a i tō rātou mau tupuna Pōrōnia.
Te mau mea auhia e Porter
Vāhi : Virginia, Fenua Marite, ’e Hersheypark i Pennsylvania, Fenua Marite
’Ā’amu nō ni’a ia Iesu : Te taime ’a ha’amania ai ’oia i te miti
Hīmene Paraimere : « Getesemane » (Māti 2018 Hoa ’aore rā Liahona)
Mā’a : Mandoo (mā’a Kōrea)
Te ’ū : Vare’au
Mau tumu parau i te ha’api’ira’a : Te tai’oraa ’e te nūmera
’O Porter e tauturu ra i te pata i te mau hōho’a i te vāhi hunara’a ma’i nō te hō’ē ’opuara’a ’ā’amu ’utuāfare nā te ao ato’a nei.
Fa’ahōho’ara’a nā C. B. Canga