’Ā’amu nō roto mai i te mau pāpa’ira’a mo’a
Te hiero nō Ketelani
’Ua parau te Atua ia Iosepha Semita ’ia patu i te hō’ē hiero. E riro te reira ’ei fare nō te Atua.
’Ua ha’a ’āmui te feiā mo’a nō te tauturu i te patura’a i te hiero. ’Ua patu te mau tāne i te mau papa’i rarahi. ’Ua hāmani te mau vahine i te mau pāruru ’e te mau vauvau tahua. ’Ua tauturu te mau tamari’i i te ’āfa’i mai i te mau mauiha’a ’e te pape nā te mau rave ’ohipa.
I te otira’a te hiero, ’ua tomo atu te feiā mo’a i roto. ’Ua hīmene rātou i te hō’ē hīmene purera’a ’e ’ua tuō « Hosana ! » ’Ua pure Iosepha i te hō’ē pure nō te ha’amo’a (ha’amaita’i) i te hiero.
Hō’ē hepetoma i muri mai, ’ua fārerei Iesu Mesia ia Iosepha Semita ’e ia Oliver Cowdery i roto i te hiero. ’Ua parau Iesu ē, ’ua fāri’i ’oia i te hiero ’ei fare nōna.
I teie mahana, tē vai nei te mau hiero nā te ao ato’a nei ! E vāhi mo’a te hiero tāta’itahi. ’Ia tae i te hō’ē mahana e tomo vau i roto ’e e rave au i te mau fafaura’a ’e te Atua.
Faʼahōho’araʼa nā Apryl Stott