Tauturu mai tā Iesu i nā reira

’Ua tauturu Iesu nā roto i te mau rāve’a huru rau

’Ua ora Iesu i tōna orara’a i roto i te tāvinira’a ’e te ha’api’ira’a ia vetahi ’ē. I tō Iesu ’āpīra’a, ’ua tauturu ’oia i tōna metua tāne i roto i tāna ’ohipa tāmuta. Te hō’ē o tāna mau semeio mātāmua ’o te tauturura’a ïa i tōna metua vāhine i te taime ’a pau ai te uaina i te hō’ē fa’aipoipora’a. I tōna ’itera’a i te hō’ē ta’ata matapō, ’ua fa’aora ’oia iāna. ’Ua tauturu ’oia i te mau tamari’i ’ia ’ite i te here ’e te mana’o tei roto ato’a rātou. E’ita paha tātou e rave ato’a i taua mau semeio ra mai tā Iesu i rave, e nehenehe rā tā tātou e pe’e i te hi’ora’a o Iesu nā roto i te ’imira’a i te mau rāve’a maita’i roa a’e nō te tauturu.

E nehenehe ato’a vau e tauturu

• E aha tō ’oe ’aravihi tā ’oe e nehenehe e fa’a’ohipa nō te tauturu i te tahi ta’ata ?

• ’A pure ’e ’a hāmani i te hō’ē fa’anahora’a tauturu.

• ’A pe’e i tā ’oe i fa’anaho !

• ’A tāpū i teie tāreta nō te fa’aha’amana’o ia ’oe ’ia tāmau noa i te tauturu mai ia Iesu.

Nāhea ’oe e tāmata ai i te tauturu ia vetahi ’ē, mai tā Iesu i rave ? ’A pāpa’i ’e ’a fa’ati’a mai ia mātou.

E mea au roa nā’u ’ia tauturu i te piha tūtu nō te feruri i te mau tunura’a mā’a ’āpī. E mea here nā’u te mau ’ānimara, nō reira ïa vau e au roa ai i te tauturu i tō’u pāpā rū’au ’ia fa’a’amu ia rātou. Mea nā reira tā’u ’ia tauturu !

Elierys R., 9, Puerto Rico

Fa’ahōho’ara’a nā simon dewey