Nō roto mai i te Peresidenira’a Mātāmua

Hīmene nō Iesu

Nā te peresideni Dallin H. Oaks

Tauturu mātāmua i roto i te Peresidenira’a Mātāmua

Fa’aauhia mai roto mai i te « Worship through Music », Ensign, Novema 1994, 9–12.

three children singing

Te hīmenera’a i te mau hīmene purera’a ’e te mau hīmene a te Paraimere e rāve’a ïa nō te fa’a’ite i tō tātou here ia Iesu. ’Ua fa’a’ite ’oia i te hō’ē hi’ora’a maita’i nō tātou. I te hope’a o te Tāma’ara’a hope’a, ’ua hīmene ’āmui Iesu ’e tāna mau ’āpōsetolo (hi’o Mataio 26:30).

E nehenehe te hīmenera’a e :

• Fa’a’ite i tō tātou here ia Iesu.

• Fa’atae mai i te Vārua Maita’i.

• Fa’aineine ia tātou ’ia ha’api’i i te ’evanelia.

• Hōro’a mai ia tātou i te pūai pae vārua.

’Ia hīmene ana’e ’outou, ’a feruri i te mau parau o te hīmene. ’Ia fa’ahema-ana’e-hia ’outou ’ia rave i te tahi fa’aotira’a ’ino, ’a tāmata i te hīmene i roto i te ’ā’au i te hō’ē hīmene Paraimere. ’A hīmene ai ’outou, e ha’afātata atu ’outou i te Metua i te ao ra ’e ia Iesu Mesia.

E hau tō tātou i te Mesia

coloring page of Jesus calming the storm

I te hō’ē pō ’a vai noa ai Iesu ’e tāna mau pipi i ni’a i te hō’ē pahī, tupu mai nei te hō’ē vero rahi. ’Ua mata’u te mau pipi. ’Ua fa’aara ihora rātou ia Iesu ’e ’ua ani iāna i te taututu. « ’Ua ti’a a’era [Iesu] i ni’a, ’avau atu ra i te mata’i, ’e ’ua nā ’ō atu ra i te ’are, ’a fa’aea, ’a mania. Pohe ihora te mata’i, mania roa atu ra » (Mareko 4:39).

Fa’a’ū i te hōho’a. I muri iho e pāpa’i i te tahi o tā ’outou mau hīmene au roa a’e nō ni’a ia Iesu. ’Ia vai mo’emo’e ana’e ’outou ’aore rā, ’ia ri’ari’a, ’a hīmene i te mau hīmene nō te fāri’i i te tāmahanahanara’a ’e te hau.

’A ha’api’i mai i te hō’ē hīmene ’āpī nō ni’a ia Iesu i te ’api 13.

Friend Magazine, 2021/09-10 Sep/Oct Tier 2

Fa’ahōho’ara’a nā Jared Beckstrand